عجوز يعشقها زوجها بجنون

[راعي العليا]

السلام عليكم ورحمة الله وبركاته..


نحن نؤمن أن التوفيق بيد الله سبحانه وحدة وأن كل شئ مقدر و مكتوب ..


ولكن هناك أسباب يجب الأخذ بها مع التوكل على الله ...


أختلف الكثيرين حول الوسائل المؤدية للسعادة الزوجية بداية بجمال المرأة واهتمامها بنفسها و مظهرها و وصولاً إلى الذكاء والتعليم...


ما سبق قد يكون له تأثير لكنه ليس السبب الأساسي في السعادة الزوجية ...


وهنا أذكر لكم ما قالته عجوز وهي سيدة حكيمة يحبها زوجها كثيراً حتى أنه كان يحلو له أن ينشد لها أبيات الحب و الغرام و كلما تقدما في السن ازداد حبهما و سعادتهما...


- وعندما سألت تلك المرأة عن سر سعادتها الدائمة ,
هل هو المهارة في إعداد الطعام؟؟؟
أم الجمال؟؟؟
أم إنجاب الأولاد ؟؟؟
أم غير ذلك ؟؟؟

قالت : الحصول على السعادة الزوجية بيد المرأة , فالمرأة تستطيع أن تجعل من بيتها جنة وارفة الظلال أو جهنم مستعرة النيران .
لا تقولي المال فكثير من النساء الغنيات تعيسات و هرب منهن أزواجهن ...
و لا الأولاد فهناك من النساء من أنجبن 10 صبيان زوجها يهينها و لا يحبها أو يطلقها ...
و الكثير منهن ماهرات في الطبخ , فالواحدة منهن تطبخ طوال النهار و مع ذلك تشكو سوء معاملة زوجها و قلة احترامه لها ...

- إذا ما هو السر ؟؟؟ ماذا كنت تعملين عند حدوث المشاكل مع زوجك ؟؟؟
قالت : عندما يغضب و يثور زوجي – و قد كان عصبياً - كنت ألجأ إلى الصمت المطبق بكل احترام ,, إياك و الصمت المصاحب لنظرة سخرية و لو بالعين لأن الرجل ذكي و يفهمها .

- لم لا تخرجي من الغرفة ؟؟
قالت : إياك .. قد يظن أنك تهربين منه و لا تريدين سماعه , عليك بالصمت و موافقته على ما يقول حتى يهدأ ثم بعد ذلك أقول له هل انتهيت ثم أخرج لأنه سيتعب و بحاجة للراحة بعد الكلام و الصراخ ...و أخرج من الغرفة أكمل أعمالي المنزلية و شؤون أولادي و يظل بمفرده و قد أنهكته الحرب التي شنها علي .

- ماذا تفعلين هل تلجئين إلى أسلوب المقاطعة فلا تكلمينه لمدة أيام أو أسبوع ؟
لا إياك و تلك العادة السيئة فهي سلاح ذو حدين عندما تقاطعين زوجك أسبوعاً قد يكون ذلك صعباً عليه في البداية و يحاول أن يكلمك و لكن مع الأيام سوف يتعود على ذلك و إن قاطعته أسبوع قاطعك أسبوعين . عليك أن تعوديه على أنك الهواء الذي يستنشقه و الماء الذي يشربه و لا يستغني عنه ....كوني كالهواء الرقيق و إياك و الريح الشديدة .

- إذاً ماذا تفعلين بعد ذلك ؟؟
بعد ساعتين أو أكثر أضع له كوباً من العصير أو فنجاناً من القهوة و أقول له تفضل اشرب , لأنه فعلاً محتاج إليه وأكلمه بشكل عادي...
فيصر على سؤالي هل أنت غاضبة ؟؟
فأقول لا !
فيبدأ بالاعتذار عن كلامه القاسي و يسمعني الكلام الجميل .

- وهل تصدقين اعتذاره و كلامه الجميل ؟؟
طبعاً ... لأني أثق بنفسي و لست غبية ...!!!
هل تريدين مني تصديق كلامه وهو غاضب و تكذيبه و هو هادئ ؟؟؟!!!
إن الإسلام لا يقر طلاق الغاضب ...و هو طلاق!! فكيف ماحصل معي أنا ؟؟؟

- فقيل لها ...و كرامتك ؟؟
قالت : أي كرامة ؟
كرامتك ألا تصدقي أي كلمة جارحة من إنسان غاضب و أن تصدقي كلامه عندما يكون هادئاً ..
أسامحه فوراً لأني قد نسيت كل الشتائم وأدركت أهمية سماع الكلام المفيد .



و باختصار و مما سبق يمكن أن أقول:


سر السعادة الزوجية عقل المرأة و مربط تلك السعادة لسانها
نتمنى ان ناخذ ولو بنقطة واحدة من تللك النقاط في حل مشاكلنا ا لزوجية

واتمنى تاخذوا بهذه النصيحة


دمتم بود....


منقول

[الأصيل]

يسلموووووووووو اخوي / راعي العليا على النقل

مع تمنياتي لك بالتوفيق في ظل حياة زوجية سعيدة

مشكووووووووووووور

[راعي العليا]

الاصيل حياك الله يالغالي
واللهم امين الله يسمع منك يالغالي

ارق تحية

[فارس الظلام]

الاخ / راعي العليا

الله يرزقك بحرمه مثل هالحرمه ، وتنعم بحياة زوجيه سعيده

مع التحيه

[راعي العليا]

حبيبي والله اخو حوشة
الله يسمع منك يالغلا

[أبو عساف]

أخو حوشة : الله يرزق راعي العليا بحرمة مثل هذي !!!!

خف الله في الضعيّف

يقول لك ( عجوز )

وأنت يا راعي العليا على طول صفطت (كلام عرابجه)


أدري أدري يا أخو حوشه : بتقول أقصد مثلها في عقلها وحكمتها ، بس ترى أمزح ، بس العجيب راعي العليا ما فكر في الدعاء ، على طول (الله يسمع منك)

مسيكين من يسمع طاري الزواج ويضيع

الله يرحم حاله

ويرأف به

ويرزقه الزوجة الصالحة العاقلة

بس مو عجوز


وإلا ما أحلاه هو والكامري مطقّم بالعجوز !!!!!!!!!!!!!!!!!!!!



وعلى طاري العجوز والعشق يقول شاعر يحب عجوز أصغر عيالها مشيّب :

تعلقتها شمطاء شاب وليدها == وللناس فيما يعشقون مذاهب

[راعي العليا]

هلا ابو عساف وينك ياخي من زمان
اية انت ماتصدق خبر على شان تستلمني هههههههه
ياخي اخو حوشة قصدة بحرمة تعشقني مو بحرمة عجوز

وياهلا فيك مرة ثانية

[أبو عساف]

شوف حبيبي : لا تقعد تغير في كلام أخو حوشه

الرجال يقول (الاخ / راعي العليا

الله يرزقك بحرمه مثل هالحرمه ، وتنعم بحياة زوجيه سعيده

مع التحيه)


يعني لا ذكر العشق ولا الباميا


بس أنت تتخيل وتتوهم

بعدين كل هذي لهفة إن أي وحدة تعشقك ولو عجوز !!!!!!!!

يا أخي خل عندك ثقة ولو بسيطة بنفسك


وبالنسبة إن أبو عساف ما يصدق خبر يلقاه عليك فهذا صحيح

أصلاً أول ما قريت الموضوع طارت عيوني وجيتك ضرب في لوحة المفاتيح ، وكل حرف يسبق الثاني ، وخذ يا ولد ، كلها أبغا أوسع صدور بعض الناس اللي أنت خابر ، تدري طفى (نوره) في المنتدى ، وكلنا (شوق) لرجعته

[راعي العليا]

ههههههههههههههههههههههههههه
اخو حوشة اناديك صف معي

[فارس الظلام]

لوووووووووووووووووووووووووووووووول

ابو عساف طلعت مو هين ، وقاعد تحرث النار تبي تخليها تشتعل بيني وبين راعي العليا :)

طلعت انت اللي تنبش بالادراج :)

وبنفس الوقت كلامك صحيح ، اذا صارت السالفه فيها زواج ، تلقى الواحد مايصدق خبر ، بس يسمع بالزواج يضيييييييييييييييع :)


مع التحيه

[راعي العليا]

اخو حوشة يعني انت منجدك تبيني اتزوج وحدة عجيز

امممممممممممممممة

[راعي العليا]

ابو عساف 90 زاير الحين وكلبو ذولي بيشوفون سالفتنا
الله يجزاك خير

[طيب الجد]

معك حق يابو عساف اظاهر ان اخو حوشة يحب له عجوز
ههههههههههههههههههههههههههههههه
وراعي العليا يفكر

[راعي العليا]

طيب الجد = ابو عساف
لا رحنا فية

طيب الجد حياك الله ياغالي ياولد الغالي

[طيب الجد]

الله يحيك ياراعي العليا
اما تصير كشخة كامري احمر وعجوز مبرقعه
هههههههههههههههههههههه
ومشغل بن سعيد والصوت حده
حـــــــــــــــــــــــــــلوة

[راعي العليا]

اوة اوة اوة اوة اوة
حتى انت ياطيب الجد
ههههههههههههههه
لا انتم علومي وصلتكم اول باول
واشكر كل من نشد عني
واقوى نطلة لخاطر اعيونكم

[طيب الجد]

لازم ننشد عنك وعن اعلومك الطيبه
لاتحسب انك اشوي حتى اسم امك اعرفة بعد
هههههههههههههههههههههههه

[راعي العليا]

اقول انا ماعندي كلام اقولة خلاص
اسم امي بعد تبيهم يعلقون علي هههههههه

شفتو ياجماعة الخير
انا ماقلت ان طيب الجد = ابو عساف
انا بطلع احسلي

[طيب الجد]

خلاص مبقايل اسم امك
بس طالع الرسايل الخاصة عندك ورد علي اوكي......... وبسرعة

[وطن عمري]

أنا برأيي الزواج توفيق من رب العالمين
يعني في رجال أذا المرأه سكتت عنهم قالو مطنشتنا
وإذا ردت قالوا لسانها طويل
والله أنتو ما ينعرف لكم ولا يعجبكم العجب
وأن حبتك عيني ما ضامك الدهر
وترى العمر مو كتير مهم
لأن:
عين المحب ترى كل عيب كليلة
وعين المبغض تبدي كل المساوئا

ويعطيكم ألف عافية

[أبو عساف]

شوف حبيبي راعي العليا :

إذا تزوجت العجوز -كما يتمنى لك أخو حوشه- فلا بد من معرفة التالي :

1- أفضل أنواع (الديرمان) وأين توجد .

2- مواعيد حبوب الضغط ، وعدم اختلاطها مع علاج السكر .

3- أسلوب تنظيف طقم الأسنان ، يعني الناس تلقى على الكمدينة ، وردة أو عطر وراعي العليا وعجوزة على كمدينتهم كاس موية فيه طقم أسنان .

4- فقس ودهن أبو فاس لركبة العجوز الحكيمة (أنت اللي تبغاها كذا)




بس تدري بشي أخوي راعي العليا ، أنا كنت أسميك راعي العليا ، ومرة راعي الكامري ،

هاااااااااااااااااااااه إنتبه تطاوع أخو حوشه ، ترى تصير راعي العجوز

بس من جد ، شكلك تحفة وأنت مطقم بكامري عنابي ومبرقع أسود ، والعجوز حاطه رجلها على الطبلون

[راعي العليا]

وطن عمري
ياهلا والله بمرور
وتعليقك اللي اكثر من رائع

[راعي العليا]

ابو عساف اترك عنك
البارح في حرمة تقز فيني قز
قلت في نفسي هذا هي دعوة اخو حوشة هذا هي اللي بتزوجة
الله يستر

[ابومانع]

يعطيك العافيه ياراعي العليا على النقل الجميل

[أبو عساف]

أجل البارح دايخ دوخة ما مثلها !!!!!!!!!!!!!!

الله يرحم حالك ،،،،،،

تلقاها عجوز مضيّعة وتحسبك السواق حقهم ، خصوصاً إذا كنت لابس التكميلة اللي أنا خابر


بس صراحة ، عليك ذوق مو طبيعي يا راعي العليا ،،

يعني إتخيّل معي :

كامري عنابية ،

برقع أسود ،

وعجوز مضيّعة طقم الأسنان ،

والسواق : راعي العليا


صراحة : مسرحية تحفة



وعموماً

أنت ادع ربك إن دعوة أخو حوشة ما تستجاب

تحياتي يا الغالي ،

[فضليه اصليه]

هههههههههههههههههههههههه
هههههههههههههههههههههههههههههههه
هههههههههههههههههههههههههههههههههههههه
عسا تعود على ذا الموضوع كنكم استانستو عليه ؟؟


تعليقي على االموضوع :


والله انا بإعتقادي الجازم >>> حلوه الجازم
ان الأساس في تعامل المرأه مع زوجها هو الزوج يعني إذا كانت معاملته طيبه لها
اكيد راح تكون معاملتها أطيب منه والعكس صحيح
وذا العجوز اللي تعامل زوجه بها الطريقه لولاها لاقيه منه ريق حلو إذا رضى عليها
كان ماسوت كذا لأن مافيه رجال مايعصب ويهاوش بس الفرق أنه بعد الهواش والزعل يرضى
رضوه ولا احلى منها
ولا لو بيظل زعلان ونفسه شينه عز الله اللي ماراح تعطيه وجه إلا بتقلبها على راسه

[راعي العليا]

اية اكيد يستانسون
دام ابو عساف اطال الله بعمرة
يعلق علي وانا ماعندي شي اقولة الا ان شالله لبية سم

[راعي العليا]

فضلية اصلية
شاكرلك على تعليقك

بس حتى ولو البنت لازم تجي تراضي زوجها ههههههه

[أبو عساف]

فضلية : مو شرط ، يعني فيه رجال أطيب من الطيب نفسه

ومبتلين بنسور في البيت

وما لهم غير الصبر والاحتساب



وفيه مثل هاك العجوز ؛ حرمة ساكنة طبيعة

سمحة وذربة

وعندها بغل اسمه الزوج

وصابرة عليه



بعدين لا تقولين كذا ؛ ترى راعي العليا غص من الخوف

لأنه على كلامك بيلقى وحدة مثل طبعه !!!!!

يعني الله يخلف

حسبي الله ونعم الوكيل ، مو كافي لراعي العليا دعاء أخو حوشه !!!!


يعني لو لقى وحده مثل طبعه وش بيصير !!!!!

بتلقينهم بالشارع وبالعجاري ومقلاة البيض


ياااااااااااااااااااااااااااااااه

والله مصيبة

[الأصيل]

والله اني بأتدخل في ذا الموضوع مرة ثانية وبتعليقات غير

مثل جدة غير

مقدمة

كل النساء توجد فيها مميزات وعيوب وكمثال

تجد إمرأة طباخة ممتازة ( بس لسانها طويل أو شينة يعني جيكرة )

أو تجد إمرأة جميلة ( ولكن ليست لديها الذكاء وسرعة البديهة أو حرفة الطبخ )

والغريب أو المثير في عدم رضا معظم الأزواج عن زوجاتهم

هو أن المرأة الجميلة تتزوج من رجل لا يعرف معنى الجمال ويفكر فقط في معدته وهي لا تعرف الطبخ

وخبيرة الطبخ تتزوج من رجل شاعري يبحث عن القمر والنجوم وهي في واد آخر

وهكذا دواليك

نهاية الكلام

السعادة في الحياة الزوجية

هو أن تتزوج المرأة والتي تحمل صفة من تلك الصفات

من رجل يبحث عن هذه الصفة وليست لديه اولويات لصفات أخرى

سواء كانت عجيز ولا وملكة جمال

وفيما سبق تفسير لقول الأخت / فضلية أصلية

لو حبتك عيني ما ظامك الدهر

مشكووووووووووورين جميعا

[فضليه اصليه]

اخوي ابو عساف كلام صحيح

شكراً اخوي الأصيل على تعليقك <<<<< قاطه بالموضوع خخخخخخخخخ
كلامك صحيح
ياكثر الرجال العربجيين اللي ماعندهم سالفه وماخذين بنات ولا أروع في كل شي
وياكثرهم بعد الرجال الرائعين بالتعامل والذوق والرومانسيه والحلم وماخذين بنات مايدرن الله وين حاطهن فيه ولا عرفو قيمة رجالهن والنهايه وش ؟
زواج فاشل ينتهي بالطلاق وفي أحسن الحالات بالزواج من ثانيه

<<<<غيرت إعتقادها الجازم ههههههههه


وعلى قولتك( لاحبتك عيني ماضامك الدهر)

وماأقول غير عطني حظ وقطني بالبحر لأن باعتقادي ان الحظ يلعب دور بالموضوع:

[أبو عساف]

تعليق جميل ورأي أجمل أخوي أبو خالد ، بس اسمح لي أخالفك في بعض الموضوع اللي ذكرته مو كله

يعني المشكلة - في نظري - ليست أن المرأة جميلة والرجل يريد طباخة ، الرجال في الغالب يبحثون عن كل الصفات الجميلة ، (دين جمال طبخ أخلاق ........)

لكن البلا من بعض الرجال الذين يبحثون عن العيب والنقص ، فتجده يتجاهل كل الصفات الطيبة في زوجته ويستمر في الدق والتعليق على الصفة التي هي أقل من مثيلاتها ، يعني ممكن تكون عقدة نفسية أو ما شابه

بالتأكيد هناك من يريد صفة معينة بشكل كامل ، كمن يطلب الجمال كهدف أول لا تنازلات فيه ، فهذا لا يعقل منه أن يتزوج عجوز (مثل طريقة راعي العليا) ثم يقول ليش ما نجح الزواج ؟

لكن إنسان حصل له زوجة فيها الصفة التي يريد بنسبة كبيرة ، ثم وجد عيوباً فالواجب أن يتحمل ما يرى من نقص وعيب (إن كان مما يحتمل) لما يرى من صفات حميدة ،


ويتذكر أنه ليس بكامل ، بل فيه عيوب وعيوب

وأنه إن سخط مها خلقاً رضي منها غيره

وهي كذلك


وللعلم فهذا الكلام ينطبق على الرجل والمرأة

[أبو عساف]

فضلية أصلية : تسلمين على الرأي الموفق

لكن اسمحي لي (اليوم ماسكة على لكن)

مسألة الحظ أنا ما أوافق عليها

الحظ موجود لكن بتسبة أقل بكثير مما يذكره كل واحد منا

يعني مثلاً ، النجاح حظ ، والفشل حظ ، والزواج حظ ، والدراسة حظ ، الربح حظ ، والخسارة حظ ، ووووو


طيب وش بقى للعمل والمجهود ، وش بقى للتفكير والتخطيط ، بعد توفيق الله


يعني شاب بحث عن وظيفة ، وسعى لها ، وطوّر قدراته حتى يحصل عليها ، واستشار واستخار

مثل شاب قدم أوراقه للوظيفة متأخراً ، وأوراقه ناقصة ، ولا تنطبق عليه الشروط ،

هل هما سواء ؟

هل إذا احتج كل منهما بالحظ ، تكون النظرة واحدة ؟


وترى حتى التوفيق من الله لأي أمر ؛ مطلوب معه بذل السبب ، يعني مو الواحد ينام ببيتهم ويقول إذا الله بيرزقني يجيني الرزق وأنا ببيتنا ،


مقصودي إن حنا ما نتعلق دائماً بالحظ ونهرب من واجباتنا ،

هذا رأيي في مسألة الحظ

مع إني ما لقيت أحد راضي عن حظه ، فهل هذا (الحظ) سيء لهذه الدرجة ؟


وتسلمين مرة ثانية




ووينك يا راعي العليا تعلق ، الظاهر بعد العجوز اللي بالسوق بلعت لسانك ؟

[فضليه اصليه]

لكن البلا من بعض الرجال الذين يبحثون عن العيب والنقص ، فتجده يتجاهل كل الصفات الطيبة في زوجته ويستمر في الدق والتعليق على الصفة التي هي أقل من مثيلاتها ، يعني ممكن تكون عقدة نفسية أو ما شابه





اخوي ابو عساف كلام سليم
الرجل الحين يبحث عن عيوب زوجته وكأنه يبحث له عن كنز واذا لقى فيها عيب حتى لو كان تافه مسكه عليها وقام يعايرها فيه طول عمرها معه وكأنه هو ملاك طاهر خالقه ربي كامل وخالي من العيوب وانا معك انه نتيجة عقده نفسيه في الزوج وربما يكون إحساس بالنقص تجاهها خصوصاً إذا كانت مثقفه او من عائله مرموقه اوكانت متميزه

وبالنسبه لمسئلة الحظ انا معاك ان العمل والمجهود له دور بس الدور
الأكبر اعتقد انه للحظ
حنا نشوفه قدام عيوننا ناس ماتستحق الحياة اللي عايشتها اللهم لاإعتراض بس اقصد ان فيه حريم مايدرن وين الله حاطهن لاجمال ولا سنع ولا ذوق لا ولسان طول مترين ورغم هذا عند أزواجهن (يادهينه لا تنكتين)
وحريم الله يستر عليهن ويوفقهن جمال وملح وذوق وسنع وطبخ وأناقه وبرغم هذا ازواجهن مو حاسين بالنعمه اللي هم فيها !!!!!!
وصدقني مو تعلق بالحظ بس هذا اللي حنا نشوفه ولا وش تفسر فيه الكلام اللي قلته ؟

وأرجع اقول الحظ ثم الحظ ثم الحظ (وعطني حظ وقطني بالمحيط )

[الأصيل]

يسلمووووووووووو اخوي / ابو عساف على التعليق

وربما كان الاختلاف في طريقة الشرح وليس المعنى

وذلك لمشكلتي في الكتابة لأن

اسلوبي خطابي وليست كتابي

وتسلم على التوضيح بصورة أفضل

حيث ان النتيجة واحده

وتسلمين اختي / فضلية أصلية على التعليق

أما بالنسبة للحظ فأنا معك في أن للحظ دور كبير في الحياة

وكما يقول الشاعر

إن حظي كدقيق فوق شوك(ن) نثروه

ثم قالوا لحفاة(ن) يوم ريح اجمعوه

صعب الامر عليهم قال قومي اتركوه

إن من يشقيه ربي كيف أنتم تسعدوه

وفي قول(ن) آخر يقول الشاعر

رأيت الدهر يرفع كل وغد(ن) - - - - - ويخفض كل ذي شيم شريفه

كمثل البحر يغرق فيه كل حي(ن) - - - - - ولا تنفك تطفو فيه جيفه

أو الميزان يخفض كل واف(ن) - - - - - ويرفع كل ذي زنة(ن) خفيفه

مشكوووووووووورين جميعا

[راعي العليا]

ما شالله عليكم اشوف الموضوع عجبكم

يخليكم ربي

[أبو عساف]

يرفع من أجل عيون العجوز

ومن أجل راعي العليا تكرم عين العجوز

[راعي العليا]

ههههههههههههههههه

والله اني قايل


جيتك هذي فيها بلاوي يازينك مشغوول الظاهر الدكتور صالح الفوزان ماخذ اجازة على شان كذا متفرغ

اح احم في موضوع ترحيبي ياليت تطلع عليه اول ماشفتكعرفت وشهي نيتك وعلى طول كتبته

ياليت تطلع عليه هههههههههههههههه

[حاتميه]

مشاءالله تبارك الله ومتى النيه ( :

يللا منك المال و... مقدر اكمل ماش ما تمشي هههههه

ع العموم موضوع جميل ومفيييد والله يعطيك على قد نيتك

[أبو عساف]

ههههههههههههههههه

والله اني قايل


جيتك هذي فيها بلاوي يازينك مشغوول الظاهر الدكتور صالح الفوزان ماخذ اجازة على شان كذا متفرغ

اح احم في موضوع ترحيبي ياليت تطلع عليه اول ماشفتكعرفت وشهي نيتك وعلى طول كتبته

ياليت تطلع عليه هههههههههههههههه


فعلا الشيخ صالح في الطايف ، لذلك بقعد على قلبك لين يرجع الشيخ

وأبشرك : كل يوم إلى رمضان -بإذن الله- يومياً بتلقاني رافع لك موضوع أو فاتح موضوع جديد ، وكلها من هذي وأنت جاي
يعني إذا ما عندك ضغط ، فحاول تعرف عليه من الحين
وطبعاً إذا لقيت فراغ أكثر ماني مقصر مع الحر

[عبدالله السالم]

وطبعاً إذا لقيت فراغ أكثر ماني مقصر مع الحر

عين فراش وعين لحاف ياشيخنا ابا عساف

حياك الله انت والفراغ

بس تحمل المصاعب

<<<<<<<<< من زمان عن الفراغ

وعندك راعي العليا هو اللي يتحداك انا خلني حكم

[راعي العليا]

فعلا الشيخ صالح في الطايف ، لذلك بقعد على قلبك لين يرجع الشيخ
على قلبي يفداك القلب وراعيه تامر امر يابعدي والله ==> يراشيه ههههه

وأبشرك : كل يوم إلى رمضان -بإذن الله- يومياً بتلقاني رافع لك موضوع أو فاتح موضوع جديد ، وكلها من هذي وأنت جاي
ابو عساف انا كتبتلك موضوع معاهده والظاهر انك وافقت على المعاهدة بعد مارديت على الموضوع

والحر بكيفك وياه بس انتبه لا يجيك كااافخ

[أبو عساف]

الحر :

تسلم عيونك يا الغالي

بس ولو

ماني مخليك



راعي العليا :
يااااااااااااااااااااااااااااااااااااااااه
وش الكلام المرتب هذا

صراحة أحرجتني

أشكرك
على الكلام المهذب هذا


وأحب إني ،،،

أقول أقول :
ما أقدر أكمل

قم بس قم
أنت والكامري الكحيانة

[راعي العليا]

وش عليك ياراعي الهونداي عابرة القارات ماشاءلله

الحر تدري ليه ابو عساف اشترى هونداي لان سعادة الشيخ متاثر من افلام الكرتون في مسلسل كرتوني نسيت اسمه المهم هذا المسلسل فيه فان يجول بين الازمان ويطير في الهوا وحتى لو تبيه سفينه فيه مطبخ وبوفيه مفتوح والله ناسي اسم هذا المسلسل الكرتوني بس لا ذكرت بجي واقول المهم يالحر عاد عاد ايه خوينا متأثر وقال لازم اول مااكبر واكون في سن الرشد اطلعلي فان زي اللي في الافلام الكرتون على شان اطير اطير بالفان مع مشاري وعسوفي ولا ليه يسئل عن ابو نوره ههههههه يقصد محمد عبده طبعا مو زيد

وهذا هي الحكايه كلها من طقطق لاسلام عليكم==== > خربها راعي العليا

[عطـــــر الخزامـــــى]

احم احم من قدك بوعساااف مشهوووور

الفاااال لي الناس الطيبه يحبوني هنيه

[زلفوي]

الله يألف بين قلوب الجميع