سلامه العايد
16-11-2009, 10:10
بسم الله الرحمن الرحيم
السلام عليكم ورحمة الله وبركاته
تخبرون من أول اذا بيتزوج واحد لازم يمشي معه ربعه ويسمون جنب يروحون معه المكان العرس , المهمهذولا مجموعة من الناس يبون يروحون مع رجال ولده يبي يتزوج وهالرجال من قرية من قرى الوشم تسمى الحريق وبياخذ وحده من قرى سدير قرية تسمى روضة سدير .
عاد ابو المعرس عزم ربعه اللي حوله من أقاربه عشان يمشون مع ولدهم للقريه ثانيه وتجهزو الشباب من ربعه , طبعان الشيبان والكبار في السن ما يروحون معهم لأنه كلافه عليهم لكن يعزمونهم اذا جو , اذا ارجعو ومعهم المعرس وعروسته حطوا من باتسر عزيمة
ونادوا كبار السن وأمير القرية ومطوعهم والناس الكباريه لكن في حزة الجنب ما يروح معه الا الشباب ويتنقون من الناس اللي نظرين واشكالهم زينه ( ناوين يرتزون عند أهل المرة ) حتى يصير لهم شان في العرس .
الحاصل تولموا يبي يروحون مع المعرس وابوه وأخوه الكبير وعمه وباقي الجنب من الناس الكباريه والزكرت فهذولا اللي يبون يروحون معهم للعرس عاد تخبرون يالربع حالتهم من أول ما هيب ذيك الزود أكثر ملابسهم
الزينه سلف هذا آخذ بشت فلان وهذا متسلف ثوب فلان وخاصه الجنب القريبين من المعرس تلقاه لابس بشت صوف والناس في القيض بس كله عشان يكشخ مع الجنب
فهذولاهم رايحين يجون في حدود عشرين إلى ثلاثين نفر رايحين على هالركايب اللي عاد معه ذلول واللي معه زمال وكل حسب قدرته واللي اثنين مترادفين على ذلول وحده المهم , وصلو قبل المغرب لان العرس مثل ما انتم
خابرين في الليل ويصير أهل العروس حاطين عشاء واذا اقبلت على السوق اللي فيه العرس تلقى أهل البيوت اللي في السوق من يمين ومن يسار عندهم خبر ان فيه عرس بيصير هناك في اسفل السوق ولهذا العيال الصغيرين اذا جو وشافو الجنب مقبلين يقولون هذولاهم جو الجنب يقومون اللي في البيت عاد يتفرجون عليهم
والناس ويطالعون الجنب , الجنب يبينون يصير لهم خبة ببشوتهم ويصير لهم حس وريحتهم طيب ويصير لهم حركه وخابرين يصير في العرس ناس يطلون تشوف الباب المنفتح شوي والدريشة المنفتحة عاد في مجموعة الجنب اللي جايين مع المعرس شاعر اسمه ماجد بن عضيب وماجد
عاد راعي وزكرتي يلبس ثوب زين وشماغ زين وكان ما شاء الله مقتدر عنده ثلاثة بشوت ويغير ويبدل بين البشوت فهاك اليوم يوم يروح للعرس كان كاشخ ومتزكرت ويمشي وعينه على الدريشه اللي يطل منها سواد ويناظر وهم ماشين وصاير هو على الطرف وساكب هالبشت وعليه زهاب نعال نجديه والشماغ والمرازيم مصلحها
وريحه طيب تفوح فيوم اقبل على هاك السوق والى فيه جذع , بيتهم على اليمنى وراح ودخل على الحريم وقال جو جو الجنب اللي مع المعرس هذولاهم اقبلو والى هاك البنت اللي ما شاء الله متعافيه وجميله
جمالها فاضح سوت نفسها انها تبي تصك الباب عاد بعض البني ترى تسوي هالحركات مثل اللي تقول شوفوني :biggrin: ولا تشوفوني فجات تركض وبقبالتها على الباب الى الرجاجيل مقبلين شهقت ورجعت مثل المرتاعه
والى بقالة ماجد يوم شافها وهي في الباب لمحها لمحه بسيطه وراحو الجنب وحضرو العرس وجو المعازيم اللي من الديرة نفسها وكان من ضمن المعازيم اهل الديرة شاعر ثاني اسمه جديع بن سودان العنزي من الخشمة من قبيلة عنزة كان حاضر معهم وسولفوا ودخلوا المعرس وقهوهم وعشوهم وكان
جديع جالس جنب ماجد طول فترة العرس يسولفون ما شاء الله وش هالازوال اللي لمحناها تخبرون عاد دايم اهل الهوى على قولتهم سوا يستعرضون قصيدهم وش قلت عقبنا من قصيد اسمعنا ومن هالكلام .
المهم يالربع رجعوا الجنب وجا عقب يومين ويقوم ماجد ويرسل أبيات لجديع يشكي له عن المنظر اللي هو شاف لكن ما بين في الأبيات بشكل واضح من أي البيوت البنت , الحاصل انه كتب الأبيات هذي وارسلها لجديع يقول فيها ...
ياجديع يا مسندي بشكي لك الحالي = وش عندنا منك ياشوق الهواويـة
الجادل اللي حليه ظبي الاسهالـي = ساعة لمحته ضربنـي بالقديميـة
الجادل اللي نهدها صوغ فنجالـي = العين خرسا كما عيـن النداويـة
من ضربته دوك فكر سايفت حالي = والعين عن نومها صارت شقاوية
يالله عسى حبها بالوصل ينجالـي = من يوم شفته وحبه باضـع فيـه
الله على لزمته في ماقـع خالـي = الله على لزمتـه ياجديـع بيديـة
ياجديع طرد الهوى والصيد غربالي = راعيه حاله كما العيـدان مبريـة
دايـم شفايـاه يبـاس ونحالـي = من طردهن بالخلا في كـل داويـة
قام جديع ورد على ماجد بالأبيات التالية ..
حي الجواب اللذي يطرب لـه البالـي = ترحيبه مـن لبيـب الصـدر مثنيـة
يا صاحبي اكتب وزين كتب الامثالـي = واسطـر جـواب معنينـه بطلحـيـة
واليا شمعته ترحـل فـوق مهذالـي = ما مونة من حـرار الجيـش عمليـة
كلف عليهـا ومـس الكـور بحبالـي = وارفع جرير الرسن والحبـل مقطيـة
يا زين دفلاجهـا مـع جرهـد خالـي = توصلك فـي ساعـة بنـت العمانيـة
ملفاك قـرم بـدرب المرجلـة عالـي = ماجد اليـا عارضـك بـادرك بتحيـة
واليا لفيتـه لقيـت رجـال ودلالـي = مثـل الغرانيـق فيهـا كيـف بريـة
سلـم وقلـه يخبرنـا عـن الحالـي = وعطنا منه كلمـة حرشـا وبرحيـة
بيـن لنـا صاحبـك ياطيـب الفالـي = هي ويـن مدهالهـا عنـز الرماحيـة
ان كان هي بالثمن سقنالهـا المالـي = لو كان يبغـي ثـلاث اميـة فرنجيـة
وان كان ما اكفى جلبت البشت وعقالي = وابيع شقران لـك يـا القـرم عانيـة
وان كان من دون خلك ضرب و قتالي = لـي لابـة كلهـم للحـرب منقـيـة
جينـاك فـي لابتـي حمايـة التالـي = اولاد وايل يسرونـك ضحـى الهيـة
والله لـو دونهـا تسعيـن خيـالـي = جبنـاه فرعيـة ماهيـب شرعـيـة
ساعة لفى الخط جا في القلب ولوالـي = جـدد صوابـي جـواب كاتبـه ليـة
من عقب مانيب عن طرد الهوى سالي = ذكرتني جـادل عاقـت بـي صطيـة
بـس اتوجـد وخـلـي ماتهيـالـي = واليا عنا لي حكوا فيه وحكـوا فيـه
السلام عليكم ورحمة الله وبركاته
تخبرون من أول اذا بيتزوج واحد لازم يمشي معه ربعه ويسمون جنب يروحون معه المكان العرس , المهمهذولا مجموعة من الناس يبون يروحون مع رجال ولده يبي يتزوج وهالرجال من قرية من قرى الوشم تسمى الحريق وبياخذ وحده من قرى سدير قرية تسمى روضة سدير .
عاد ابو المعرس عزم ربعه اللي حوله من أقاربه عشان يمشون مع ولدهم للقريه ثانيه وتجهزو الشباب من ربعه , طبعان الشيبان والكبار في السن ما يروحون معهم لأنه كلافه عليهم لكن يعزمونهم اذا جو , اذا ارجعو ومعهم المعرس وعروسته حطوا من باتسر عزيمة
ونادوا كبار السن وأمير القرية ومطوعهم والناس الكباريه لكن في حزة الجنب ما يروح معه الا الشباب ويتنقون من الناس اللي نظرين واشكالهم زينه ( ناوين يرتزون عند أهل المرة ) حتى يصير لهم شان في العرس .
الحاصل تولموا يبي يروحون مع المعرس وابوه وأخوه الكبير وعمه وباقي الجنب من الناس الكباريه والزكرت فهذولا اللي يبون يروحون معهم للعرس عاد تخبرون يالربع حالتهم من أول ما هيب ذيك الزود أكثر ملابسهم
الزينه سلف هذا آخذ بشت فلان وهذا متسلف ثوب فلان وخاصه الجنب القريبين من المعرس تلقاه لابس بشت صوف والناس في القيض بس كله عشان يكشخ مع الجنب
فهذولاهم رايحين يجون في حدود عشرين إلى ثلاثين نفر رايحين على هالركايب اللي عاد معه ذلول واللي معه زمال وكل حسب قدرته واللي اثنين مترادفين على ذلول وحده المهم , وصلو قبل المغرب لان العرس مثل ما انتم
خابرين في الليل ويصير أهل العروس حاطين عشاء واذا اقبلت على السوق اللي فيه العرس تلقى أهل البيوت اللي في السوق من يمين ومن يسار عندهم خبر ان فيه عرس بيصير هناك في اسفل السوق ولهذا العيال الصغيرين اذا جو وشافو الجنب مقبلين يقولون هذولاهم جو الجنب يقومون اللي في البيت عاد يتفرجون عليهم
والناس ويطالعون الجنب , الجنب يبينون يصير لهم خبة ببشوتهم ويصير لهم حس وريحتهم طيب ويصير لهم حركه وخابرين يصير في العرس ناس يطلون تشوف الباب المنفتح شوي والدريشة المنفتحة عاد في مجموعة الجنب اللي جايين مع المعرس شاعر اسمه ماجد بن عضيب وماجد
عاد راعي وزكرتي يلبس ثوب زين وشماغ زين وكان ما شاء الله مقتدر عنده ثلاثة بشوت ويغير ويبدل بين البشوت فهاك اليوم يوم يروح للعرس كان كاشخ ومتزكرت ويمشي وعينه على الدريشه اللي يطل منها سواد ويناظر وهم ماشين وصاير هو على الطرف وساكب هالبشت وعليه زهاب نعال نجديه والشماغ والمرازيم مصلحها
وريحه طيب تفوح فيوم اقبل على هاك السوق والى فيه جذع , بيتهم على اليمنى وراح ودخل على الحريم وقال جو جو الجنب اللي مع المعرس هذولاهم اقبلو والى هاك البنت اللي ما شاء الله متعافيه وجميله
جمالها فاضح سوت نفسها انها تبي تصك الباب عاد بعض البني ترى تسوي هالحركات مثل اللي تقول شوفوني :biggrin: ولا تشوفوني فجات تركض وبقبالتها على الباب الى الرجاجيل مقبلين شهقت ورجعت مثل المرتاعه
والى بقالة ماجد يوم شافها وهي في الباب لمحها لمحه بسيطه وراحو الجنب وحضرو العرس وجو المعازيم اللي من الديرة نفسها وكان من ضمن المعازيم اهل الديرة شاعر ثاني اسمه جديع بن سودان العنزي من الخشمة من قبيلة عنزة كان حاضر معهم وسولفوا ودخلوا المعرس وقهوهم وعشوهم وكان
جديع جالس جنب ماجد طول فترة العرس يسولفون ما شاء الله وش هالازوال اللي لمحناها تخبرون عاد دايم اهل الهوى على قولتهم سوا يستعرضون قصيدهم وش قلت عقبنا من قصيد اسمعنا ومن هالكلام .
المهم يالربع رجعوا الجنب وجا عقب يومين ويقوم ماجد ويرسل أبيات لجديع يشكي له عن المنظر اللي هو شاف لكن ما بين في الأبيات بشكل واضح من أي البيوت البنت , الحاصل انه كتب الأبيات هذي وارسلها لجديع يقول فيها ...
ياجديع يا مسندي بشكي لك الحالي = وش عندنا منك ياشوق الهواويـة
الجادل اللي حليه ظبي الاسهالـي = ساعة لمحته ضربنـي بالقديميـة
الجادل اللي نهدها صوغ فنجالـي = العين خرسا كما عيـن النداويـة
من ضربته دوك فكر سايفت حالي = والعين عن نومها صارت شقاوية
يالله عسى حبها بالوصل ينجالـي = من يوم شفته وحبه باضـع فيـه
الله على لزمته في ماقـع خالـي = الله على لزمتـه ياجديـع بيديـة
ياجديع طرد الهوى والصيد غربالي = راعيه حاله كما العيـدان مبريـة
دايـم شفايـاه يبـاس ونحالـي = من طردهن بالخلا في كـل داويـة
قام جديع ورد على ماجد بالأبيات التالية ..
حي الجواب اللذي يطرب لـه البالـي = ترحيبه مـن لبيـب الصـدر مثنيـة
يا صاحبي اكتب وزين كتب الامثالـي = واسطـر جـواب معنينـه بطلحـيـة
واليا شمعته ترحـل فـوق مهذالـي = ما مونة من حـرار الجيـش عمليـة
كلف عليهـا ومـس الكـور بحبالـي = وارفع جرير الرسن والحبـل مقطيـة
يا زين دفلاجهـا مـع جرهـد خالـي = توصلك فـي ساعـة بنـت العمانيـة
ملفاك قـرم بـدرب المرجلـة عالـي = ماجد اليـا عارضـك بـادرك بتحيـة
واليا لفيتـه لقيـت رجـال ودلالـي = مثـل الغرانيـق فيهـا كيـف بريـة
سلـم وقلـه يخبرنـا عـن الحالـي = وعطنا منه كلمـة حرشـا وبرحيـة
بيـن لنـا صاحبـك ياطيـب الفالـي = هي ويـن مدهالهـا عنـز الرماحيـة
ان كان هي بالثمن سقنالهـا المالـي = لو كان يبغـي ثـلاث اميـة فرنجيـة
وان كان ما اكفى جلبت البشت وعقالي = وابيع شقران لـك يـا القـرم عانيـة
وان كان من دون خلك ضرب و قتالي = لـي لابـة كلهـم للحـرب منقـيـة
جينـاك فـي لابتـي حمايـة التالـي = اولاد وايل يسرونـك ضحـى الهيـة
والله لـو دونهـا تسعيـن خيـالـي = جبنـاه فرعيـة ماهيـب شرعـيـة
ساعة لفى الخط جا في القلب ولوالـي = جـدد صوابـي جـواب كاتبـه ليـة
من عقب مانيب عن طرد الهوى سالي = ذكرتني جـادل عاقـت بـي صطيـة
بـس اتوجـد وخـلـي ماتهيـالـي = واليا عنا لي حكوا فيه وحكـوا فيـه