أيهما يؤلم أكثر ؟

[سلامه العايد]

بسم الله الرحمن الرحيم

السلام عليكم ورحمة الله وبركاته

كيف الحال عساكم بخير اليوم حاب اطرح موضوع واتمنى ان يعجبكم فكرته


أيهما يؤلم أكثر ؟

أن تقول شيئاً وتتمنى أن لا تقوله ؟ أو لا تقول شي وتتمنى لو قلته ؟

[حاتميه]

وعليكم السلام ورحمة الله وبركاته

هلا سلوووم

كلهم صعبه

يقول الشاعر :


أحيان نندم من كلام نقوله ~ وأحيان نندم ليه نسكت عن القول


واذا ملزم الاولى تؤلم اكثر

ابهى امنياتي


,,’,,

[إبن لام الدويسي]

سلامه موضوع جذاب اسمع مره واحد اتفق مع ربعه ياخذون اجازه اسبوع وكان هومنسق السفره جهز اموره قص التذكره .مرعلي الشايب حب راسه قال ادع لي رايح مكه قال الشايب والله انها في نفسي هه ماعاد تبي كلام وداه مكه

[حاتميه]

^^^

ههههههههههه

اطيب يعني هي فقشه وانقلبت عليه ههههههه

يستاهل

[سلامه العايد]

حاتميه



وعليكم السلام ورحمة الله وبركاته

هلا سلوووم

كلهم صعبه

كلهم صعبان ولا صعيبتان ولا صعبتان ؟ :biggrin:



يقول الشاعر :

أحيان نندم من كلام نقوله ~ وأحيان نندم ليه نسكت عن القول


واذا ملزم الاولى تؤلم اكثر

ابهى امنياتي


,,’,,




شكراً لك استاذتي على المشاركه وعلى البيت الرائع

لاكن الم تسمعي الساكت كاشيطان الاخرس والم تسمي اللي في قلبي على لساني

^^^

بس هذولي اشياء لبعض الناس لأن بعض الناس ينقسون إلى قسمين

في مثل هذا الموضوع يقول او يسكت واللي يخاف يسكت او يكسر الشر بالصمت

لكـ كل الود على المشاركه الطيبه

تحياتي إلكـ

[سلامه العايد]

إبن لام الدويسي


سلامه موضوع جذاب اسمع مره واحد اتفق مع ربعه ياخذون اجازه اسبوع وكان هومنسق السفره جهز اموره قص التذكره .مرعلي الشايب حب راسه قال ادع لي رايح مكه قال الشايب والله انها في نفسي هه ماعاد تبي كلام وداه مكه

هههههه الشايب ينطبق عليه المثل اللي في قلبي في لساني وهو صادق هو الرجال رايح مكه رايح ياخذه معه مافيها شي بس لا يصير الشايب راعي نكبات ويجيب العيد ولا ويش قولك يابو صالح.

[إبن لام الدويسي]

حاتميه اهم شي انه تحسف علي كلامه للشايب .يستاهل .سلامه اكيد حاتميه قالت وش دخلني ليتي ساكته . انت وش الذي تحسفت عليه من علومك مع القشر ا وانا اعلمك وش تحسفت عليه .شوي تجيك د.سعاد وتجاوب حنا بس نتغشمر

[سلامه العايد]

إبن لام الدويسي


حاتميه اهم شي انه تحسف علي كلامه للشايب .يستاهل .سلامه اكيد حاتميه قالت وش دخلني ليتي ساكته . انت وش الذي تحسفت عليه من علومك مع القشر ا وانا اعلمك وش تحسفت عليه .شوي تجيك د.سعاد وتجاوب حنا بس نتغشمر

ارحبو لا بتي انا ماتحسفت على شي وإن شاء الله ماني متحسف بس تستاهل احلى قشرا ولا ويش قولك والدكتورة سعاد كفو وقدها وقدود بس انت ويش قولك ماسمعنا علومك.

[إبن لام الدويسي]

قولتي ما احد يخلى مرات اقول ليت رقبتي رقبه بعير علشان اقدر اتحكم في كلمه استعجلت وقلتها ومرات أسف اذا سكت في حق يخصني وكتمت وكان من سكت لاجله مايستاهل

[علوش الفضلي]

موضوع جيد للنقاش

بالنسبة لي ماأقدر أحدد إلا حسب الموقف

بعض المواقف تتطلب الصمت

وبعضها لابد أن الواحد يتكلم فيها

الله يعطيك العافية أخوي سلامه

[حاتميه]

حاتميه




كلهم صعبان ولا صعيبتان ولا صعبتان ؟ :biggrin:




شكراً لك استاذتي على المشاركه وعلى البيت الرائع

لاكن الم تسمعي الساكت كاشيطان الاخرس والم تسمي اللي في قلبي على لساني

^^^

بس هذولي اشياء لبعض الناس لأن بعض الناس ينقسون إلى قسمين

في مثل هذا الموضوع يقول او يسكت واللي يخاف يسكت او يكسر الشر بالصمت

لكـ كل الود على المشاركه الطيبه

تحياتي إلكـ

اعوذ بالله من الشيطان الرجيم
وش جاب طاريهم يا سلووم

ماجا في بالي ان احنا نسكت عن حق .. هذا شي مفروغ منه

قصدي عن شي يخصني
او طلب ليتني ماطلبته او كلمه في موضوع قد تؤخذ علي
او فزعه مال امها داعي مثل ما قال ابو صالح مع احد ما يستاهل
او مجامله مهيب حوله او مثل ما قال علوش حسب الموقف
<- الاستشهادات كثيره اليوم هههههه


يعني مثلاً مثلاُ






امممممممممم






والا بس خلاص اخاف اقول واتحسف ههههههههههه

[إبن لام الدويسي]

واحد من المواقف التي اشارت اليها حاتميه اسمع صارمناسبه زواج عند عزيز علي لا كلم لاشفت بطاقه جافي خاطري لكن سكت بعده مده دعيته قال الذي مايجينا مانجيه قلت مادعيت قال اسل ولدك ؟ياولد وش تقول ايه حطيتهابالسياره ونسيت .

[حاتميه]

هههههههههه

موقف لا تحسد عليه

الله يهديه

يا ما صارت كثيير .. البطاقات والسياره هذي قصه

جالسه اعصر مخي بتذكر شي ما ذكرت .. :confused:

الله يعطيك العافيه اطيب على مداخلاتك الشيقه والظريفه

ننتظر المزيد <- حلا

[سيف الفضول]

ابــنــاخي ســلامه بعض العرب يحكي ولايوزن الهرج وهــاذي طــامة كبرى وتوصل حــد الذبح الله ياستر
أمـــا أنك تتحسف على شي ماقلته هــاذا أمــر يسهل عند الوضع الأول .. هاذي وجهت نــظــر

والشاعر خــلف بـن مــشــعــان يقول :

لــو كــل مــايــطــري عـلـى الــبــال يـنقــال
مـاكــنــت أحــس أن الــثـقـيـله ثــقــيــلــه

وتقبل تحياتي ودمــت بخير

[السنافيّه]

والله كلهم يقهرون

بس عشان انا لساني مفلوت اتحسف اذا قلت شي ماابي اقوله

واتحسف اكثر لاصار موقف المفروض اتكلم فيه وانطم فجأه خخ

عاد انت احسب وشف وش الاصعب :biggrin:< تستهبل

مدري والله بس السكوت من ذهب خخخ

شكرا سلامه

[سلامه العايد]

إبن لام الدويسي


قولتي ما احد يخلى مرات اقول ليت رقبتي رقبه بعير علشان اقدر اتحكم في كلمه استعجلت وقلتها ومرات أسف اذا سكت في حق يخصني وكتمت وكان من سكت لاجله مايستاهل

ارحبو ابو صالح ويش الكشخه ويش النور فديتك قلبك ونبض قلبك يابعد حيي الحق حق وهذه الصراحه انك كان لك حق اخذه وترى بعض الناس متحس ولا تعطيك حقك ماتعطيك الا اذا انت طالبت فيه واخذته وولا ويش رايك.

[سلامه العايد]

علوش الفضلي



موضوع جيد للنقاش

بالنسبة لي ماأقدر أحدد إلا حسب الموقف

بعض المواقف تتطلب الصمت

وبعضها لابد أن الواحد يتكلم فيها

الله يعطيك العافية أخوي سلامه

الله يعافيك ويبقيك لعين ترجيك ولهلك يخليك يارب

نعم في بعض المواقف تستاهل السكوت عنها ولا وهي ان تكسر الشر

والا بتعاد عن المشاكل وهذا الشي مايعيب بس في بعض المواقف تتطلب عكس ذلك

كل الشكر لك استاذي علوش على المشاركه الطيبه

كل الود لكـ

[سلامه العايد]

حاتميه




اعوذ بالله من الشيطان الرجيم
وش جاب طاريهم يا سلووم

ماجا في بالي ان احنا نسكت عن حق .. هذا شي مفروغ منه

قصدي عن شي يخصني
او طلب ليتني ماطلبته او كلمه في موضوع قد تؤخذ علي
او فزعه مال امها داعي مثل ما قال ابو صالح مع احد ما يستاهل
او مجامله مهيب حوله او مثل ما قال علوش حسب الموقف
<- الاستشهادات كثيره اليوم هههههه


يعني مثلاً مثلاُ






امممممممممم






والا بس خلاص اخاف اقول واتحسف ههههههههههه





ههههههه ويش العصبيه ارحبو

نعم بارك الله في الاستشهدات كثيرة بس قصدي مو سكوت عن الحق بس في لها استشهدات كثيرة ولا ويش قولك تبين الصدق ماني عارف ويش اقول غير الاستشهدات كثيرة وكل موقف لازم له شي من هذا القبيل .. لا لا تقولي تعرفين السوالف والاستشهدات كثيرة >>>> الاستشهدات كم مرة ذكرت :32_f:

وكل الشكر لك على المشاركه الطيبه كل الود إلكــ

[سلامه العايد]

إبن لام الدويسي


واحد من المواقف التي اشارت اليها حاتميه اسمع صارمناسبه زواج عند عزيز علي لا كلم لاشفت بطاقه جافي خاطري لكن سكت بعده مده دعيته قال الذي مايجينا مانجيه قلت مادعيت قال اسل ولدك ؟ياولد وش تقول ايه حطيتهابالسياره ونسيت .

هههههههههه اي والله بس انت عارف كل بني آدم خطأ وخير الطائين التوابون ومحد معصوم عن الخطأ او النسيان وحصل خير ... مو بس انت تصير معك هذي السالفه حنا كم مره تصير زواجات ويعطون واحد الكرت ومتى يجيبهم الا في وقت الزواج قصدي يوم الزواج والواحد يكون عنده اشغال ومره جانا كرت زواج فاضي ويش تترجا من اللي متزوج ماتعرفه والمشكله الكرت جا نفس اليوم لزواج وقت العشا بس في النهايه عرفنا من المتزوج لأن جابو كرت لبيت اعمامي وعرفنا من زواجه ارحبو ابو صالح.

[سلامه العايد]

سيف الفضول




ابــنــاخي ســلامه بعض العرب يحكي ولايوزن الهرج وهــاذي طــامة كبرى وتوصل حــد الذبح الله ياستر
أمـــا أنك تتحسف على شي ماقلته هــاذا أمــر يسهل عند الوضع الأول .. هاذي وجهت نــظــر

والشاعر خــلف بـن مــشــعــان يقول :

لــو كــل مــايــطــري عـلـى الــبــال يـنقــال
مـاكــنــت أحــس أن الــثـقـيـله ثــقــيــلــه

وتقبل تحياتي ودمــت بخير

صح لسانك ولسان الشاعر

في ناس ماتوزن الكلمه او الكلام بس هذا اللي يكون عقله صغير او البزر بس المفروض الواحد يكون نبيه على كل كلمه يقولها او على مزح لان مثل ماقلت بعض الكلام تسبب المشاكل تيحاتي لك على المشاركه.

[سلامه العايد]

السنافيّه


والله كلهم يقهرون

بس عشان انا لساني مفلوت اتحسف اذا قلت شي ماابي اقوله

واتحسف اكثر لاصار موقف المفروض اتكلم فيه وانطم فجأه خخ

عاد انت احسب وشف وش الاصعب :biggrin:< تستهبل

مدري والله بس السكوت من ذهب خخخ

شكرا سلامه

يالله حيه ارحبو

شوفي ابصراحه حتى الواحد لو كان ملسون ولا يسكت عن حقه بس في بعض المواقف راح تسبب المشاكل وفي بعض المواقف لو كان لك حق بس ماتقدر تقول شي تنسى بس لا راح الموقف وجلست لحاك راح تقول لو قلت كذا وكذا احسن هذي بعض المواقف تتطلب وكل موقف له شي شكراً لك على المشاركه وشرفتينا .. دمتي بود

[شموخ لا ميه]

انا احسف اذا قلت كلمه ما ابي اقولها ((يا الله عاد حلوها

[سلامه العايد]

شموخ لا ميه


انا احسف اذا قلت كلمه ما ابي اقولها ((يا الله عاد حلوها

انا دورة على معنى كلمة احسف ووجدت ان معناه اتحسف واللي فهمته انك تخافي او بالاحرى انك ماتحبي تزعلي حد ولا المشاكل >>> ويش رايك اعرف افسر صح :biggrin: ؟ .. على العموم كل شخص له وجهة نظر بس السكوت عباده .. شكراً لك على المشاركه دمتي بود.

[عبدالله السالم]

بصراحه دايم اقولها يازيني ساكت

لاني اذا تكلمت اوجعت

عشان كذا السكوت افضل

اما سنافيه صدقتي يازينك منطمه

امزح معك

[سلامه العايد]

عبدالله السالم


بصراحه دايم اقولها يازيني ساكت

لاني اذا تكلمت اوجعت

عشان كذا السكوت افضل

اما سنافيه صدقتي يازينك منطمه

امزح معك

هههههههه بس يازين الواحد لاصار ساكت وهادي لاني احب الهدوء

عاد سنافيه والنعم فيها وحده ساكته ولا تحب السوالف كثير :38_f:

حياك الله في متصفحي

[بن رحمه]

اخوي يعطيك العافيه الصراحه الي يؤلم انك تقول شي وتندم عليه هاذي والله المصيبه اسالني قد طحت فيها هههه
مشكور اخوي ,,,,تقبل مروووري

[إبن لام الدويسي]

ارحبوسلامه اقول ماشفت عمر شارك اتوقع يحتاج صفحتين علشان يقول ماعنده هه وش قولتك بعد

[سلامه العايد]

بن رحمه

اخوي يعطيك العافيه الصراحه الي يؤلم انك تقول شي وتندم عليه هاذي والله المصيبه اسالني قد طحت فيها هههه
مشكور اخوي ,,,,تقبل مروووري

الله يعافيك ويبقيك لعين ترجيك ولهلك يخليك يارب

ولا شكراً على واجب هههههه الله يكون بعونك بس بعض الاحيان تحسف

انك قلت وبعض الاحيان تتحسف ان ماقلت ولا تكلمت شكراً لك على المشاركه

دمت بحفظ الله

[سلامه العايد]

إبن لام الدويسي


ارحبوسلامه اقول ماشفت عمر شارك اتوقع يحتاج صفحتين علشان يقول ماعنده هه وش قولتك بعد

اوه عمر يحتاج إلى مجلدات ههههههه بس الاشغال لها دور ولا ويش قولك ارحبو ابو صالح.

[إبن لام الدويسي]

هه اخوي سلامه ودك نستلمه اليوم عرفه بكره نعايده بحشه تخليه يترك شغله وشعره وتكسير الحطب ويجي هنيا .

[سلامه العايد]

ههههههههه اجل الرجال حطاب هاه افا بس افااا عمر اخر زمانه يكون حطاب وحنا نبي حطب تعرف الجو بارد ارحبو ابو صالح.

[عمر المسعر]

هههههههههههه

اجل يا ابوصالح انت وسلامه شاذبين عرقوبي

الحمد لله إنه في نهار يوم عرفه عشان أخذ اجركم

ولا انتم بحل ههههههههههه

ردي على الموضوع في الرد اللاحق

[عمر المسعر]

أن تقول شيئاً وتتمنى أن لا تقوله ؟ أو لا تقول شي وتتمنى لو قلته ؟


انت تقول شئ وتتمنى ان لاتقوله ( هذي اتمنها مع الجنس الناعم لأنهم حساسات ههههه)

اما لا تقول شي وتتمنى لو قلته ( هذي أتمنها عند مقابلة شخصيه مهمه ويخونني التعبير ههههه )


هذا الموضوع ينطبق على الشخص اللي ماعنده فراسه ولا عنده جراءه

والا الشخص الرزين مايندم على شئ قاله والا على شئ كان وده يقوله

تحياتي سلوووم

[إبن لام الدويسي]

ارحبو سلامه نتكر عمر يكسر حطبه ويشب ناره ويصف دلاله وبرقانه استعداد ن لإستقبال ربعه ونعود للموضوع . معظم الاطباء النفسيين علاجه بترك مريضهم يتكلم عن مواقف لايرغب في الحديت عنها . وش قولتك نفتح عياده . استلم سنافيه

[عمر المسعر]

ههههههههه اجل الرجال حطاب هاه افا بس افااا عمر اخر زمانه يكون حطاب وحنا نبي حطب تعرف الجو بارد ارحبو ابو صالح.

لا ياسلوووم مانيب حطاب

الا خطاب لي ولك هههههههه

ماتنترقع ياسلوم من حطاب لخطاب

قوييييييه ياسلوووم وربي قوييييه

[سلامه العايد]

عمر المسعر


هههههههههههه

اجل يا ابوصالح انت وسلامه شاذبين عرقوبي

الحمد لله إنه في نهار يوم عرفه عشان أخذ اجركم

ولا انتم بحل ههههههههههه

ردي على الموضوع في الرد اللاحق

ههههههههههههه الا حاطب انا جاني كلام وقال الرجال حطاب انا مدري انا صدقت ولا يمكن يتبلاك هع.

[سلامه العايد]

عمر المسعر







انت تقول شئ وتتمنى ان لاتقوله ( هذي اتمنها مع الجنس الناعم لأنهم حساسات ههههه)

اما لا تقول شي وتتمنى لو قلته ( هذي أتمنها عند مقابلة شخصيه مهمه ويخونني التعبير ههههه )


هذا الموضوع ينطبق على الشخص اللي ماعنده فراسه ولا عنده جراءه

والا الشخص الرزين مايندم على شئ قاله والا على شئ كان وده يقوله

تحياتي سلوووم

اخي العزيز عمر كل شخص مع الايام تكون له مواقف من ضمن هذه المواقف ان تقول شي وانت استعجلت في قد يسبب لك المشاكل او يزعل الطرف الاخر وانت في ذلك دون ان تقصد هذا الشي طبعاً هذا شي من موقف

اما الموقف الاخر يقابلك موقف قد يحرجك او ينربط اللسانك وماتقدر تقول شي يعني ماعندك تعبير في هذا الشي اما لو راح الموقف تتمنى انك قلته وهذا هو الموقف الثاني واشكرك على المشاركة لك اطيب الود.

[سلامه العايد]

إبن لام الدويسي

ارحبو سلامه نتكر عمر يكسر حطبه ويشب ناره ويصف دلاله وبرقانه استعداد ن لإستقبال ربعه ونعود للموضوع . معظم الاطباء النفسيين علاجه بترك مريضهم يتكلم عن مواقف لايرغب في الحديت عنها . وش قولتك نفتح عياده . استلم سنافيه

قولي هذا الشي جانب من علاج المريض تدري ليه لان يحمل فضفضه وفيخليه يفضفض عن نفس او يقول اللي في خاطره ويطلع اللي في صدره بخصوص سنافيه هي اللي عندها الرأي نفتح عيادة ولا ؟ ارحبو لابتي.

[طيب النيه]

الكلمة قبل أن تقولها تملكها

وبعد أن تقولها تملكك