المساعد الشخصي الرقمي

مشاهدة النسخة كاملة : قصيده للشاعر سليمان بن شريم

فلاح القويماني
22-06-2005, 01:16
السلام عليكم ورحمة الله وبركانه ولكم هذه القصيده للشاعر سليمان بن شريم
لابنه / عبدالعزيز

يامـل عين(ن)فـي محاجيرهـا شـوك ***والقلب بـه عـن لـذه النـوم دكـاك
لادك فـي قلبـي مـن الهـم داكـوك ***جاوبت طربات الحمايـم علـى الـراك
عـزي لحالـك ياعزيـز وانـا ابـوك ***كان الزمـان اللـي وطانـي توطـاك
تـراه ماينفعـك خالـك ولا اخــوك ***انكـان ماتقضـي لزومـك بيمـنـاك
ربعك الى بـان الخلـل فيـك عافـوك ***اقرب قريب(ن) لك من النـاس يشنـاك
ان كثـر مالـك صدقولـك وطاعـوك ***ون قـل مابيديـك شانـت حـلايـاك
لو تطلب الما عندهـم كـان ماسقـوك ***ابعد مـزارك عـن وطنهـم ومربـاك
ون طاب حضـك صدقولـك وحبـوك ***ون بـار كلـن مايبـي غيـر فرقـاك
والى اعترضلك من صروف النيا صوك***كلـن تبـرا منـك مـاهـو بـويـاك
هراجـه المجلـس الـى جيـت وروك ***منازل(ن)تطـرب نضيـرك بدنـيـاك
والى قضـوا منـك اللـوازم وخلـوك ***تفرقـوا وانـت احتمـل كـل ماجـاك
كنـك اسـراج البيـت للنـور شبـوك ***والى انقضا اللازم حدا الربـع طفـاك
والا كمـا ليمونـه الحمـض مصـوك ***والى انقضا منهـا الطعـم فرغـوا ذاك
والي يجي من رفقتـه ريـب وشكـوك ***احذر عنـه ليـاك تصـدف بمسـراك
والى جفوك اهل الوطـن واستخفـوك ***قلـع غريسـك منـه واهـدم ركايـاك
تراك لوتنجع علـى الرجـل صعلـوك ***احسن مـن اللـي تلتجيلـه وياطـاك
وعطهم وظايفهـم الـى منهـم جـوك ***واغلـق ضميـرك لاتعلـم بقصـيـاك
ان طبت ماحبـوك ون عبـت زالـوك ***تمضـي حياتـك ناقـل(ن)داك بـرداك
واصحى لخلان الرخـا لـو تعالـوك ***اعرف ترا اطيبهم الى احتجت يجفـاك
كنك خوي امقيـط دهـووك واغـووك ***وحقك عطاك ارشـاك واقفـا وخـلاك
واحذر عن العيله ترا الحـق مـدروك ***مثـل العمـل يـدرك مامنـه فـكـاك
وان كان عدوانك على الضيق حـدوك***فا خصـم طلابتهـم بعجفـاك واقـداك
وان كان هم لمشـرف الحـق ماشـوك ***ناظـر مطاليـع الفـرج قبـل مبـداك
وان طاوعوا شيطان الانفس وهانـوك***فاصبر على البلـوى ودفنـك رزايـاك
زرهـم تــراك الىتوانـيـت زاروك ***امـا بديـت لصاحـب السـؤ يبـداك
مادامهـم ماطاوعـولـك وعـرفـوك ***اضرب على الكايد الى عمست اريـاك
لو هذبوك مـن المصايـب وضـدوك ***مايذبحونـك قـبـل تـدنـي منـايـاك
واحلم على الجاهل ترا الحلـم مبـروك ***وقم للضعيف الي مـن الضيـم ينخـاك
وادمح خطا جيـران بيتـك ولـو ذوك ***ترا القصيـر وحرمـه الجـار يحمـاك
عطهـم رواتـب حقهـم لـو تناسـوك ***فـي كـل مايصلـح لدينـك ودنيـاك
وقم للضيوف الي عنولـك وضافـوك ***اغـلا كرامتهـم حجاجـك وبـشـراك
واعرف ترا مالك من الضيف مشـروك***لـولاه يطلـب حاجتـه منـك ماجـاك
وقـم للرجـال ان رايعولـك وحبـوك ***واحشـم خويـك واكرمـه عندملفـاك
والى اعتبرت بسيـرة النـاس كفـوك ***ماكثـر مـن شي(ن)تعبـك وعـنـاك
ولاتبـات بـهـم دنـيـاك مضـنـوك ***ماطاب لـك مـادام لـك وافتهـم ذاك
لو يطلبـون اخفايـك النـاس مخفـوك ***الرجل مثل النجـم فـي كـل الافـلاك
وصلاه ربـي عـد الاوراق والشـوك ***ما نـاض بـراق(ن) وماهـل سفـاك
على الذي مافيه ريـب(ن) ولاشكـوك***محمـد<ن> مـادك بالقـلـب دكــاك


اخـــــــــــوكم
ali
راعي العليا
22-06-2005, 01:38
ابن عمي الفاضل \ ابو عبد العزيز .. المحترم
وها انت تعود الينا بكل ما هو رائع من روائع الشعر
صح السانك والسان الشاعر


ارق تحية
فارس الظلام
22-06-2005, 06:24
الاخ / ابو عبدالعزيز

اختيار موفق ونقل رائع من شخصكم الكريم

مع التحيه
bu_odah
22-06-2005, 02:45
واحذر عن العيله ترا الحـق مـدروك ***مثـل العمـل يـدرك مامنـه فـكـاك
وان كان عدوانك على الضيق حـدوك***فا خصـم طلابتهـم بعجفـاك واقـداك
سلمت يداك شاعر حكيم
الأصيل
22-06-2005, 03:59
يسلموووووووووووو اخوي / ali على المشاركة

قصيدة رائعة

صح لساااااااانك وصح لساااااااان الشاعر / سليمان بن شريم

مشكوووووووووور
فلاح القويماني
22-06-2005, 10:10
السلام عليكم ورحمة الله وبركاته
الاخوه الافاضل / اخو حوشه والغالي/ الاصيل والاخ الفاضل / bu_odah
اسعدني مروركم ياعيال العم واشكركم على الاطراء ولاهانو باقي الجماعه ويكفيني فخر مروركم الي يشرفني .. ويعطيكم الف عافيه ..


اخــــــــــــــوكم
ali
فلاح القويماني
22-06-2005, 10:19
السلام عليكم ورحمة الله وبركاته
ابن عمي الغالي ( راعي العليا ) الوفي شاكر لك مرورك واطراك الطيب
وكلام الطيب ولك مني الابيات المتواضعه ولا تفي بحقكم

يامرحبا أعداد ما لاحت بروق *** ترحيبة المؤمن بحكم الشريعه
رسالتن جتني من أعز مخلوق *** ومن كان مثلك طيب مانبيـــعه
ياطيب الجدان من جذر وعروق *** أفعالهم كل الخلايق تـــــــــذيعه

وسلم على اهل الوفا والكر م عيال عمي ال عوده كبير وصغير وان شاء الله دائما بخير وصحة وعافيه

اخـــــــــــــوكم
ali
راعي العليا
23-06-2005, 04:03
ابن عمي الفاضل \ ابو عبد العزيز .. رعاك الله
ما عليك زود ياعزوتي
ويبلغ ان شالله
لك كل الاحترام والتقدير
ابومانع
28-06-2005, 03:21
الاخ / ali

صح لسان الشاعر ، وسلمت يمينك على النقل

مع التحيه