المساعد الشخصي الرقمي

مشاهدة النسخة كاملة : قصيدة منيرة العااشقة

راعي العليا
23-06-2005, 04:29
هذه قصيدة كتبتها إمرأة بدوية اسمها منيرة أحبت رجل و لكنه تزوج غيرها أو بالاصح انه تزوجها فطلقها لانها لاتنجب أطفال فنظمت له هذه القصيدة ليلة زواجه:


جاني الخبر يا صاحبي و أظلم الكون *** قدام عيني ثم نطقت الشهادة

على العموم أقولها ألف مليون *** مبروك من قلب شكالك أبعاده

مبروك لا يهمك سواليف و ظنون *** من عاشق يهديك فرحة فؤاده

سووا الفرح اليوم و إبليس ملعون *** و اللي يشب النار يجني رماده

أنا أول العالم على القصر يلغون *** أول معازيم الفرح و الحداده

أبشر أنا برقص على العرس بالهون *** كل يعبر فرحته بإجتهاده

لو البلا رقصي يقولون مزيون *** المشكلة القلب يفضح وداده

يوم العذاري في دخولك يغنون *** و عروستك بأحلى ثواني السعادة

كنت أتمنى بدالها و الله أكون *** و أحط أنا كفي تحت راسك وسادة

واشلون ابكتم صرختي يوم تمشون *** تكفى .. خذني للعروسة قلادة

حتى معازيم الفرح قاموا يمشون *** و أصبحت أنا وحدي بدون استفادة

و طفووا علي النور من غير يدرون *** قصر الفرح يا قبر (منيرة) ومهادة

وصيتي لو جاك بنت و أنا أمون *** سميتها لك (منيرة) قبل الولادة


كان الله في عونها.
فارس الظلام
24-06-2005, 07:40
الاخ / راعي العليا

قصيده رائعه ، من عضو اروع

مع التحيه
فلاح القويماني
25-06-2005, 12:58
الاخ والبنآخي اخو حوشه السلام عليكم ورحمة الله وبركاته
تشكر على النقل الرائع من شخصكم الكريم ودائما تتحفنا
مواضيع طيبه ياطيب

اما البيتين الي عجبوني في القصيده

كنت أتمنى بدالها و الله أكون *** و أحط أنا كفي تحت راسك وسادة

واشلون ابكتم صرختي يوم تمشون *** تكفى .. خذني للعروسة قلادة

وشكرا


اخـــــــــــــوكم
ali
الساري
26-06-2005, 09:18
يسلمووووو يارعي العليا والله يمن عليها بالصبر والسلوان, وكتبت كلمة بسيطه أقول فيها:

الله يرفق بحالها يوم الملأ يسرون......ومايبقى ألا الهم ودمعة حزن تسامر أهدابها


أرق تحيه الــســـــــــــــاري
bu_odah
26-06-2005, 11:57
وصيتي لو جاك بنت و أنا أمون *** سميتها لك (منيرة) قبل الولادة
اخى راعى العليا ليتك سميت الموضوع راعيت الوفا والأخلاص
الله لا يحرم كل مسلم من نعمة الأولاد ولك الشكر
ابومانع
28-06-2005, 03:14
الاخ / راعي العليا

صح لسان الشاعره ، وسلمت يمينك على النقل

مع التحيه
راعي العليا
29-06-2005, 12:23
اعيال عمي مشكورين على المرور
لكم حبي وفوادي
الأصيل
29-06-2005, 07:13
يسلموووووووووو اخوي / راعي العليا على المشاركة

أعتقد انها لم تكن يوما زوجته

وانها هي عشيقة له ولم يتزوجها قط

ويوضح ذلك هذا البيت

كنت أتمنى بدالها و الله أكون *** و أحط أنا كفي تحت راسك وسادة

حيث لو أنها تزوجته فيما سبق لن تقول هذا البيت

مشكوووووووووووور
عطو سداح فرصة
29-06-2005, 10:09
<<<<<<<<<<<<<<<<<<<< سداااااح جاكم يمشي 200 طربق طربق طربق طربق طربق طربق
هههههههههههههههههههههههههههه يالله حيني بمنتداي منتدى الفضول
مساكم الله بالخير يالربع والله ياجماعة الخير ماودي ادخل عشان لاسوي مشاكل بس هالقصيدة
جذبتني لاني سامعها من قبل والله قمت اصاقل من البتسي يادافع البلى ااااااة ياتسبدي ااااااااااة
صح لسانك ولسان الشاعرة ياراعي العليا على هالقصيدة اللي تقطع المصران بس ياطويل العمر
الشاعرة ماهي اسمها منيرة للتصحيح وللمعلومية اسمها شوق بس غيرت اسمها شاعرة معروفة

وصيتني لو جاك بنت وأنا امون ----------- سمها لي شوق قبل الـــــــــــــولادة

هذة القصيدة سلمكم الله ومن يسمع سامعها من ست الى سبع سنوات واسم شاعرتها شوووق
وهذا الســـــــــــر اللي غيرت اسمها من شوق الى منيرة وكل المنتديات مايعرفون اللغــــــــز
غيركم لانة والله عندي حلة وقصتها طول الله عمرك مثل ماقال الاصيل طول الله عمرررررة
البنت ماهي متزوجة بس شافت حبيبتها تزوج وقامت تبسي <<<<<<<< سداح ان مت منو يبتسي عليك
يالله لا تعاقبنا ياكريم وانا اسف على المداخلة بس حبيت اوضح لكم مناسبتها وصح لسانك
ياراعي العليا الفضيلي على هالقصيدة يالله يالربع تبون شئ ابي اروح اغزي على الربع حلف الناتو
طربق طربق طربق طربق طربق طربق طربق طربق طربق طربق طربق طربق

تعال مو طربق طربق طربق طربق عندي سؤال لكم يالربع على طارئ حلف الناتـــــــــــو ؟؟؟؟
هاللحين انتم تعرفون وزيرة الداخلية الامريكية هالقملة السوداء اللي اسمها رايس اللي لامشت تقل
ماشيين على شوك معصقلة يدافع البلى هذة وش تاكل شكلها تأكل طماطة باليوم يالله لاتبلاناااا
ابي انشد شلون صارت وزيرة خارجية مدري داخلية هاااااااااااة والله حتى جدتي احسن منها قطع وجهة
تقل ضهر قطوو مو وجهة يالا كني قزرتها معاكم يالا ابي اطس سلمولي على الشباب ماني جاااي
ثاني مرة لو تعلقون كيلو ذهب فوق المروحة طربق طربق طربق طربق طربق طربق طربق طربق طربق


رئيس جمهورية بنجلاديش
سداااااح
ناصر السيف
24-10-2007, 06:08
راعي العليا


مشكور على النقل الجميل
حاتميه
24-10-2007, 06:16
اي والله مسكينه كان الله في عونها

سلمت راعي العليا ع القصيده الجميله