قصة الفارس بداح العنقري و الفضول [الأرشيف] - مجلس قبيلة الفضول التوثيقي الرسمي الأول

مشاهدة النسخة كاملة : قصة الفارس بداح العنقري و الفضول

خيالة تميم

16-01-2010, 12:57

(بـــــداح العنقري التميمي)

القصه قديمه لكن اعجبتني و حبيت انقلها :redface:

بداح العنقري كان من امراء ثرمداء ... وكان رجل تاجر ... وكانوا يجونه البدو كل سنه يشترون منه بالدين اغراضهم وحوائجهم وكان رجل آمين وخلوق وكريم وصاحب مروه وشهامه ... وكان يديّن اللي يشترون منه الي السنه اللي بعدها يجون يشترون منه ويعطونه فلوسه الاوله

وحدى السنين جاه احد خوياه يشتري منه وكانت معه بنته مزيونه ... المهم ان بداح رحب بهم واكرمهم واشتروا منه ورجعوا لديارهم بالباديه ... فقرر بداح الا ان يتزوج بنت صاحبه

وفعلن عقب مامشوا منه وبعد كم يوم من مشيهم ... ويوم هقا انهم وصلو ديارهم شد على فرسه ولحقهم ... ايام وليالي لاوالله الا هو واصلن عندهم .... فرح خويه بالحيل وهلا به واكرمه ... وثاني يوم قال بداح لخويه انا جايك طالب ايد بنتك هيا ... فقال ابرك الساعات وارخص لي اخذ راي البنت ... فراح الابو ونشد بنته وبداح يسمع حيث ان صوتهم كان مسموع ... وقالها يابنتي بداح العنقري جاي يطلبك حليلتن له وش تقولين ؟؟ قالت البنت: هذا حضري .. خيال تصفيح مايصلح لي ولا أصلح له ... سمع بداح كلام البنت ... فجاء الابو مستحي وماتكلم .. قاله بداح ماله داعي الحيا والزواج قسمه ونصيب .. مير انت بيض الله وجهك وارخص لي هالليله ابي انام والصبح ابي امشي لاهلي

المهم جاء الليل وعجز لا ينام بداح من القهر من اللي سمعه ان البنت ماتشوفه شي وانه ماهو شجاع ولا به خير .. فتمنى بس لو يجي موقف يقدر يثبت به وجوده

المهم يوم اصبح الصبح مع الفجر .. يوم صاح الصياح ... الغزو الغزو .... اثاري قبيلة ,,,,,,, غازين وماخذين حلالهم ... فتفازعت القوم والحقوا الفضول وبداح قاعد ايتقهوى ماتحرك ابد (لان الضيف مايلزمه شي) فجته البنت هيا اللي كان يبيها تناظر له باحتقار وتقول حضري خيال نظره ..... حضري خيال نظره .... تعني انه بس مظهر ومحتقرته لانه مافزع مع القوم

المهم وهم يلحقون الفضول واتشابك السيوف ويعجزون اهل الحلال لا يفكون حلالهم وهم يرجعون حول الضحى منكسرين وخايبين ولا ردوا شي .... وبهكاللحظات والناس والحريم كله طالعه تناظر الحال فقام بداح يوم شاف ان معازيبه انكسروا وقدام الكل والبنت تشوفه وركب فرسه وخذا رمحه وطنب يم ,,,,, يبي يرد الحلال لحاله ..... الناس استغربت والبنت اندهشت ... وهو يلحق ,,,,,, وادخل بينهم واذبح واذبح والبخيت اللي نجا .. وهو يرجع بالحلال حروة العصر لحاله ... وكانت الناس تستقبله كله .... واول ما اقبل يم الديره ومعه الحلال اركضت عليه هيا وقامت تهلهل مثل انه تعتذر منه وقابله الزواج به ... فركز رمحه عندها وقال:

الله أحد ياما غزينا وجينا
وياما ركبنا حاميات المشاويح

وياما على اكوارهن اعتلينا
وياما ركبناهن عصيرن مراويح

وياما تعاطت بالهنادي يدينا
وياما كسبنا من حلال المصاليح

وراك تزهد يريش العين فينا
تقول خيال الحضر زين تصفيح ؟؟

الطيب ماهو بس للضاعنينا
قسّم على كل الوجيه المفاليح

البدو واللي بالحضر نازلينا
كلن عطاه الله من هبت الريح

يوم انجمر رمحي خذيت السنينا
واودعت عنك الخيل صم(ن) مدابيح

هيا عطينا الحق .. هيا عطينا
وان ماعطيتيناه والله لا صيح

لاصيح صيحت من غداله جنينا
والا خلوجن ضيعوه السواريح

ياعود ريحانن بعرض البطينا
ومنين ماهب الهوا فاح له ريح

يابو نهيد(ن) تقل فنجان صينا
والا كما بيضن للمشقا ذوابيح

لاخوخ لا رمان لاطلع تينا
ولا مشمش البصرة ولا هن تفافيح

وبعد ما سمعت الفتاه شعره وبعدما رأت فعله فما كان منها إلا أن طلبت منه الزواج ولكنه شام عنها فقد شاع المثل العروف (شومة عنقري ) بعد هذه القصه

وقد حاولت الزواج منه الا انه رفض وماتت حسرة حسب الروايات

خيالة تميم

عبدالإله الدعفس

16-01-2010, 01:02

الله اكبرعلى القصة والقصيدة
أنا دايم أهنيك على المختارات الجميلة
" خيالة تميم "
في كل لحظة تأتي ومعها الروائع
شكراً لكـِ ولذاقتكـ الجميلة

عمر المسعر

16-01-2010, 01:42

أنتي ياخيالة ماتعرفين الا هذا القسم هههه

المكان المناسب لهذه القصه الرائعه (قسم القصص والألغاز)

سلمت أناملك على هذه القصه الرائعه والقصيده الأروع

ونعم والله في تميم

تحياتي

خيالة تميم

16-01-2010, 01:45

الله اكبرعلى القصة والقصيدة
أنا دايم أهنيك على المختارات الجميلة
" خيالة تميم "
في كل لحظة تأتي ومعها الروائع
شكراً لكـِ ولذاقتكـ الجميلة

مرحبا بك ياعبدالإله

تواجدك يعني لي الكثير

لاهنت و بيض الله وجهك

خيالة تميم

16-01-2010, 01:49

أنتي ياخيالة ماتعرفين الا هذا القسم هههه

المكان المناسب لهذه القصه الرائعه (قسم القصص والألغاز)

سلمت أناملك على هذه القصه الرائعه والقصيده الأروع

ونعم والله في تميم

تحياتي

اررررررررحب ياعمر

الشكوى لا الله وانا خالتك .. ياليت لو تعطيني كروكي للمنتدى ما ادل به :biggrin:

الروائع لا تكتمل الابتواجدك جعلك تسلم

النعم تستاهله يمناك ولا عليك زود

شرفني تواجدك ... لاهنت ياعمر

خالد الكثيري

16-01-2010, 02:47

يعطيك العافيه ياخيالة تميم

وحبيت اظيف للمعلوميه

البنت من قبيلة مطير من الدوشان

وااللي غزاهم هم الفضول
وتقبلي مروري

خيالة تميم

17-01-2010, 12:52

يعطيك العافيه ياخيالة تميم

وحبيت اظيف للمعلوميه

البنت من قبيلة مطير من الدوشان

وااللي غزاهم هم الفضول
وتقبلي مروري

مرحبا بك ياخالد

لاهنت على هالتنويه ... لكن على حسب علمي و مدى انتشار القصه انها من الفضول ولا هي من مطير و الله اعلم

شرفني تواجدك

لاعدمتك

عاشق نجد

17-01-2010, 03:23

أشكر الاخت / خيالة تميم على اختيارها المبدع . وعلى سردها للقصة كامله مع

المثل الذي يخفى على كثير من الناس معناه,

وأعتقد يا أخي وعزيزي عمر ان وضهعا للقصة هنا لانها تضم ابيات وهي الشاهد

على القصة..

مسافر

17-01-2010, 06:31

الله اكبرعلى القصة والقصيدة
أنا دايم أهنيك على المختارات الجميلة
" خيالة تميم "
في كل لحظة تأتي ومعها الروائع
شكراً لكـِ ولذاقتكـ الجميلة مع تحيات ابو عجلان

عمر المسعر

17-01-2010, 06:49

مرحبا اخوي عاشق نجد

وأعتقد يا أخي وعزيزي عمر ان وضهعا للقصة هنا لانها تضم ابيات وهي الشاهد

على القصة..

لا مانع من وضع قصه وتكون موثقه بقصيده في قسم القصص لأن القسم إسمه ( قسم التراث والقصص والألغاز )

ويمكنك زيارة القسم ومشاهدة بعض القصص القديمه الموثقه بالقصايد

لكن المشكله ما عندك ناس تنضم اقصد اللي عندهم صلاحيات ليه ما ينقلونه

تحياتي اخي عاشق

خيالة تميم

17-01-2010, 06:56

خيالة تميم

17-01-2010, 06:58

الله اكبرعلى القصة والقصيدة
أنا دايم أهنيك على المختارات الجميلة
" خيالة تميم "
في كل لحظة تأتي ومعها الروائع
شكراً لكـِ ولذاقتكـ الجميلة مع تحيات ابو عجلان

هلابك

نومسني مرورك

بيض الله وجهك ... و دام وجودك

لاعدمتك

بوثنيان

17-01-2010, 06:59

خيالة تميم

بارك الله فيك ,, وأشكرك على الموضوع الطيب والرائع ...!

ملاحظه / تعتقدين أن بداح العنقري ...( لوحده ) ...رد قبيلة الفضول ؟؟؟؟

ولكن الصحيح هو قبيلة تميم مع مطير ..ضد قبيلة الفضول !

دمت بحفظ الله ,,,

خيالة تميم

17-01-2010, 07:01

مرحبا اخوي عاشق نجد

لا مانع من وضع قصه وتكون موثقه بقصيده في قسم القصص لأن القسم إسمه ( قسم التراث والقصص والألغاز )

ويمكنك زيارة القسم ومشاهدة بعض القصص القديمه الموثقه بالقصايد

لكن المشكله ما عندك ناس تنضم اقصد اللي عندهم صلاحيات ليه ما ينقلونه

تحياتي اخي عاشق

هلابك ياعمر

وانا خالتك خلوا موضوعي في محله اخاف تنقلونه ولا القاه خبرك ما اعرف بالمنتدى الا هالقسم :biggrin:

و لكم حرية الاختيار بنقله :tongue:

لاعدمتكم جميع

بوثنيان

17-01-2010, 07:03

خيالة تميم

بارك الله فيك ,, وهل تعتقدين أن بداح العنقري ...( لوحده ) رد قبيلة الفضول ؟؟؟

والصحيح ...أن قبيلة تميم مع مطير ....ضد قبيلة الفضول !

دمت بحفظ الله ,,,

عمر المسعر

17-01-2010, 07:06

هلابك ياعمر

وانا خالتك خلوا موضوعي في محله اخاف تنقلونه ولا القاه خبرك ما اعرف بالمنتدى الا هالقسم :biggrin:

و لكم حرية الاختيار بنقله :tongue:

لاعدمتكم جميع

اطمئني محدن بناقله ماعندك احد هههههه

الظاهر ما فيه الا أنا يحب النظام بالمنتدى

احمدي ربك ان ما عندي صلاحيات والا كان علووووم

خيالة تميم

17-01-2010, 07:09

اطمئني محدن بناقله ماعندك احد هههههه

الظاهر ما فيه الا أنا يحب النظام بالمنتدى

احمدي ربك ان ما عندي صلاحيات والا كان علووووم

هههههههه خل كل على فاله ياعمر

لا و انا بعد لا تنساني نظاميه بالحيل << خاشه عرض

اجل وش مشرف عليه انت ؟ << بدري

عمر المسعر

17-01-2010, 07:13

هههههههه خل كل على فاله ياعمر

لا و انا بعد لا تنساني نظاميه بالحيل << خاشه عرض

اجل وش مشرف عليه انت ؟ << بدري

اما بالنظام حدث ولا حرج هين بس

تقدرين تقولين مشرف بالإسم بس ههههههه

انا لقسم القصص والألغاز عشان كذا مهتم لموضوعك ودي انه بقسمي ههههه

بس لو انقلوه لقسم القصص والألغاز بحذفه عشان تعرفين عندي صلاحيات والا لا هههه

خيالة تميم

17-01-2010, 07:23

اما بالنظام حدث ولا حرج هين بس

تقدرين تقولين مشرف بالإسم بس ههههههه

انا لقسم القصص والألغاز عشان كذا مهتم لموضوعك ودي انه بقسمي ههههه

بس لو انقلوه لقسم القصص والألغاز بحذفه عشان تعرفين عندي صلاحيات والا لا هههه

آفاااااااا وانا خالتك

اجل اجي انزله عندك في المجلس << بررررررررى

الله من الشر براسك بس وانا خالتك مايصلح كذا انا خالتك قدرني شوي << وش تبي هذه

عمر المسعر

17-01-2010, 07:28

آفاااااااا وانا خالتك

اجل اجي انزله عندك في المجلس << بررررررررى

الله من الشر براسك بس وانا خالتك مايصلح كذا انا خالتك قدرني شوي << وش تبي هذه

تخلخلت ضلوعك والله << تراه عصب هههه

مامن شر ما بعد شفتي شئ

خيالة تميم

17-01-2010, 09:02

تخلخلت ضلوعك والله << تراه عصب هههه

مامن شر ما بعد شفتي شئ

عمر تعدل معي و لايبي يجي بها قبايل << لايكثر بس

الله يستر منك اجل

سيف الفضول

18-01-2010, 12:29

مسافر

18-01-2010, 12:37

ما عندي اي تعليق سلا م

خيالة تميم

18-01-2010, 01:36

خـيـــالــة تـمـيــم مــســاك الله بالخير هـاذه القصـة التي ذكرتيهـا أشــبــه بقصص الخيال والحلم
فـكيف للرجل واحــد ولـو كـــان المهلهل الزير سالم والا عنتر العبسي ببسطة الأجـسـام التي يملكونها
ســابقــاً ان يردو قبيلة كــامــلة ويرحعون الحلال وليست أي قبيلة قبيلة الفضول كانت صاحبت نفود وقوه وسطوه على نجد ومـاحولهــا فـي ذلك الوقــت ,, لعل بـداح لحـق برعيان الذين هـم فـي أخـر الغزو
الـجـيـش وأستنقذ منهم بـعـض الحلال ,,,, لا أشكك فـي مصداقيتك أخـتي الكريمه بـس القصه عليها خلاف
كثير بين الرواة فـي طريقة حدوثهـا ومتى ووقعت ومــع مـــن ...

وتقبلي تحياتي ودمــتــي بخير

مساك الله بالرضا والعافيه

اولاً لست بذي علم واسع في هذه الامور ...ولكن بابدي ما عندي ...

قلت ان القصه من وحي الخيال ...لا اعلم هل يمكن ان تكون خيال وقد ذكرت في جميع كتب التارخ النجديه..!!سبحان الله قد يكون كل الكتاب ذوي خيال خصب

هل برئيك ان القعقاع بن عمرو رضي الله عنه عندما قايل عنه ان صوته عن 1000 فارس كذب وخيال...وما تقول في فعله في الغزوات..!! هل من المعقول ان الصحابه رضون الله عليهم يكذبون...

وما تقول في الكتب التاريخ عندما ذكرت ان الروم دفعت الجزيه لبني تميم ...هل يمكن ان تكون خيال...ووط مملكة الفرس بسياط بني تميم .....!!!

5000 جندي من تركيا في حملة الباشا...مقابل 2000 فارس من حوطة بني تميم ...كسبت تميم المعركه وغنمت من الترك مالديهم حتى المدراعات...! ايمكن ان تكون بما تدعي انها خيال...!!

هذه استشهادات بسيطه ...

وبرئيك الان هل تكون قصة بداح العنقري خياليه كما تدعي يا راعاك الله..!! الفارس ما كان في يوم من الايام فقط بجسمه وسيفه...العقل والحنكه اشد وطئه من السيف والقوه..

والنقطه الثانيه

لا اختلف معك ان الفضول في احد الازمن كان لها قوه..!!
ولكن ان تكون قوته على قبائل نجد برمته ..فهذا لا يصدق العقل..ولا تنسى يا اخي ان من اكبر قواعد نجد (عنزه-تميم-الدواسر-بني خالد-مطير)...وان ذهبت عن بالك ان نجد كانت يحكمها ابن معمر...والشرق ابن عريعر..!!

وفي منطقة سدير اماره لـ رميزان بن غشام..!!

وارجع لبداح ...قلت انه لحق الرعيان واستنفذ منهم بعض الحلال..!!

ما سمعنا في العرف ان الرعيان يغزون مع الفرسان ويتركون حلال القوم بلا راعي..!! ام تعتقد ان النساء يرعون القطعان في غياب الرعيان..!!

وما سمعت في يوم ان هناك تليف والا ضعف في هذه القصه...

التاليف والخلاف كان في موت الامير والشاعر بداح العنقري ..فقط

الفضول يبقون اخوالي ونسبنا معهم كبير وعميق...1000 ونعم فيهم...عزوه ولابه ما تقال فيهم مثقال ذره...ذرى وعز ورجال على اليمنا

اتمنى ان لا تاخذ ما قلته بمحمل العنصريه والا التكبر ...انما هو نقاش لا اكثر..

والخلاف لا يفسد للود قضيه

لك جل التقدير والاحترام

عمر المسعر

18-01-2010, 01:57

عمر تعدل معي و لايبي يجي بها قبايل << لايكثر بس

الله يستر منك اجل

هههههههه

اشوى رديتي على نفسك

آسف على الإزعاج

تحياتي

سلامه العايد

18-01-2010, 02:56

على العموم اشكرك اختي على هذا الطرح الطيب طبعاً القصه هذي مكرره اكثر من مره واتمنى ان ينقل إلى المواضيع المكرره , وبخصوص القصه هذي حدثت بين الفضول ( جماعه من الفضول ) ومع الدوشان من مطير وكانت الخساره دائرة على مطير لاكن قدر الله ان دخول بداح كان سبب هزيمة الغزاة يعني ليس هو وحده الذي هزمهم.

لا اختلف معك ان الفضول في احد الازمن كان لها قوه..!!
ولكن ان تكون قوته على قبائل نجد برمته ..فهذا لا يصدق العقل..ولا تنسى يا اخي ان من اكبر قواعد نجد (عنزه-تميم-الدواسر-بني خالد-مطير)...وان ذهبت عن بالك ان نجد كانت يحكمها ابن معمر...والشرق ابن عريعر..!!

على العموم قبيلة بني لام قبيلة معروفه حكمت نجد 400 عام والمعروف الحلف اللي اجتمعت فيه القبائل لاضعاف قوة قبيلة بني لام وعندما ارتحلت قبائل بني لام إلى جهت الشمال ظهرت تلك القبائل وكان لها شأن وتلك ايام نادولها ولا يخفي عليك اختي العزيزة هذا اللي في نجد غير بني لام اللي في الحجاز وغير اللي في الشام اللي تصدو الجيش المغولي.

راعي العليا

18-01-2010, 11:57

ذي سالفه مش معقولة بتاتا امام قبيلة سلاطين العرب

ويعطيك العافيه يا خياله

سيف الفضول

18-01-2010, 12:45

خـيــالــة تـمـيــم أخــتـــي الــكــريـمــة

أولاً : لا تـقـارنين الـصـحـابــة بـشـجـاعتهم وعـزيمتهم بـأحــد مـن التابعين أو تـابيعن التابعيـن
وقصص الصحابـة ينقلونـهـا أونـاس ذو ذمـه وإيـمـان ومـؤرخـه وغـــيـر منقوصـه . ومـن المعروف
أن فـي عـهـد الصـحـابـة تختلف البنيـة البشرية والشجاعـة والقوة والفطنة عـنـها فـي عصرنـا الحاضر
لأو قبل قـرنين أو ثـلاثــه ...

ثـانـيـاً : التاريـخ النجدي يـشــوبــه الكثير مــن النقص والأخـطاء والروايـات المتضـاده ورأيـنـا أكـثر مـن راوي يختلفون على وقت الحدوث ومتى حدثت ومـع مـن ومـاذا فـعـل ومـن قتل ومـاهـي القصيده,,

بــداح العنقري فارس مـشـهـور ونـحـن لانقلل مـن قدره ولاقــد قبيلة تـمـيـم العريقه بـتـاريخهــا ولـكن نقول
أن القصـه بـمـا أنها حـدثت فــي وقـتـنـا الحـاضـر لاتصدق أبـداً فكيف للشخص وواحد أن يرد قبيلة كاملة
أخــتــي نحن لــدينا عقول وقبيلة الفضول فـي ذلك المناخ كــانت معهم أبـنـاء عمومتعم ال كثير وال مغيره
يـعـنـي لايقلون بـأقـل تقدير عــن 1500 فــارس مـسوم بالخيل فـكـيـف يردهم بـداح ؟؟؟؟؟؟؟؟؟؟

وتقبلي تحياتي ودمــتـــي بخير

عمر المسعر

19-01-2010, 10:49

لاعادت عليك موضوع

راحت في خرايطها خياله من جد

ياجماعة الخير إحذفوه وريحونا ورتاحو

تحياتي

خيالة تميم

19-01-2010, 10:51

خيالة تميم

19-01-2010, 10:55

لاعادت عليك موضوع

راحت في خرايطها خياله من جد

ياجماعة الخير إحذفوه وريحونا ورتاحو

تحياتي

هههههههههه مرحبا بك ياعمر

لا سهالات وانا خالتك .. وش ورانا خلنا ناخذ ونعطي مع الخوال .. اطيب الساعات و ابركها و الله :smile:

لا .. لايحذف وش له يحذف شايف به شي انت كلها سوالف ..

لاعدمتكم جميع

عمر المسعر

19-01-2010, 10:58

هههههههههه مرحبا بك ياعمر

لا سهالات وانا خالتك .. وش ورانا خلنا ناخذ ونعطي مع الخوال .. اطيب الساعات و ابركها و الله :smile:

لا .. لايحذف وش له يحذف شايف به شي انت كلها سوالف ..

لاعدمتكم جميع

المشكله إن القصه مهيب صحيحه وملبوووسه

وهذا ما خلاني اقول انقلوه لقسم القصص والألغاز عشان احذفه

ماأحب أجادل بشئ يطول النقاش فيه

مسافر

19-01-2010, 11:06

خيالة تميم

19-01-2010, 11:12

المشكله إن القصه مهيب صحيحه وملبوووسه

وهذا ما خلاني اقول انقلوه لقسم القصص والألغاز عشان احذفه

ماأحب أجادل بشئ يطول النقاش فيه

عندكم بس القصه موب صحيحه .. ما ادري وش عندكم :paranoid:

انقلوه لا اللي تبون اهم شي لايحذف :smile:

اجل جنب الملعبه << وش عندها تلعب محاوره :tongue:

خيالة تميم

19-01-2010, 11:24

سلام عليكم شباب انا ملي علقه بموضوعكم بس عندي مشركه بصيطه واتمنه محد يزعل من كلمي
انتو تتكامون عن تريخ من سنة الف وحطبه احناء الحين 1431 كلشي تغير لا تخذون الامور بجديه
خلوه سولف وبس وكلن عرف تريخ وتريخ ابائه وجداده
سمحوني اذ ثقلت عليكم بل كلام

كل عام وانت بخير على طاري السنة الجديده :cool:

ليتك و الله سنة الجايه تعرف للأملاء زين :biggrin:

<< ترى الدعوه مزوح واهم شي سعة الصدر :biggrin:

مسافر

19-01-2010, 11:25

هههههههههههههههههههههه
شوف في ناس بس تحب تالف القصاص يبي يسوي لنفسه مكانه بزيف ائكاذيب
بس احسن حل للي كذ تتجنبهم او انك تمشي معهم وعلمك في رسك عرفت الحين
سلام من مسافر ابو عجلان الله يوفقكم

مسافر

19-01-2010, 11:28

حلاوه بس اذ كنت عاجز صحين وبل موت اتحرك لا تشرهين علي انا لي ثلاث شهور ماحرك من جسمي قير يد وحده الله يشفني ولا يبلكم

خيالة تميم

19-01-2010, 11:35

حلاوه بس اذ كنت عاجز صحين وبل موت اتحرك لا تشرهين علي انا لي ثلاث شهور ماحرك من جسمي قير يد وحده الله يشفني ولا يبلكم

و الله العذر و السموحه و حقك عليه

و انا ماخذه الدعوه مزح لا اكثر

عسى الله يشفيك و يهنينا و يهني اهلك بسلامتك

و السموحه منك يالطيب

مسافر

19-01-2010, 11:43

لا عادي خذته مزح انا عجزي وسام على صدري والله بس كن الحض اشوي معكسني
من دلختي بدل ما افتح المظله جالس افكر في الطيور اشلون الله عطهم جنحان يطرون وقت الي يبون
وحناء طياره ومظله هههههههههههههههه شفتي دلختي لوين وصلت موعيت بعمري
الى في الاخير وفتحته بس متئخر وتكسرت

خيالة تميم

19-01-2010, 11:51

عبدالله السالم

19-01-2010, 11:53

خيالة تميم

يعطيك العافيه على ذكر القصه

اتمنى من جميع الاخوان عدم الخروج عن سير الموضوع وتحويله الى موضوع اخر

او التجاوز عن سطور الموضوع المذكوره ويكون بحدود وادب مع الكاتب والمشاركين بالموضوع

حتى نخرج بفائده وللمعلوميه لا فائدة منها لان القصه ذهبت مع من ذهب ولم يبقى منها الا ماينقله الرواة

والاخت خيالة تميم مجرد ناقل للموضوع وليس راوي الموضوع الاساسي نعرفها شاعره اكثر من راويه

تعليق بسيط.....

الله ماشفناه لكن بالعقل عرفناه وخلونا ناخذ الامور من الوسط

ونتقبل كل رد وناخذه بعين الاعتبار

قبيلة الفضول خصوصا اخر ايامها بعد رحيل القبيله من نجد ولم يبقى منها الا العشائر تدخل معارك وغزوات ضد قبيله كامله وقبائل مجتمعه وهي عشيرة واذا نبالغ نقول فخذ وايضا ليس مجتمعين

اما قبيلة مطير وجودها في نجد معروف ومذكور وهي اخر ايام الفضول

وكان اول ذكر لقبيلة مطير
العام1022هـ
مناخ بين الفضول ومطير
وذلك ان الفضول ناخوا مطيراً في ارض العرمة وكان الفضول مع آل كثير وآل مغيرة ، ومع مطير وزعب وغيرهم . واستمر المناخ حوالي عشرين يوماً طراداً على الخيل ثم تقاتلوا قتالاً شديداً وصارت الدائرة على مطير واتباعهم وقتل صلف بن حنيان شيخ البرزان من مطير وصامل بن هميجان من شيوخ الفضول .

أقول : وهذا أول ذكر لقبيلة مطير قي التواريخ النجديه التي تكون مصادر هذا الكتاب مع الاشارة الى ان ابن فضل الله العمري يعتبر من اوائل الذين ذكروا مطير في نجد في القرن الثامن الا انه لم يجد موضعهم في نجد

شاهد الرابط ادناه

http://alfothool.com/vb/showthread.php?t=19336

وبعدين ليس بشرط ان قبيلة الفضول جميعها من غزى ربما يكون شخص واحد

وهذا ليس بغريب علينا ولكن الراوي جمع الشخص بقبيلته كلهاا وقال قبيلة الفضول

وغزوات الفضول من شخص او رجل واحد كثيره يغزو لوحده منها مانستطيع ان نذكره ومنها مالانستطيع ذكره ونتحفظ عليها

مسافر

19-01-2010, 11:55

أمين بس والله اول مقوم بسلامه برجع وعيده مرثنيه بس ماني مفكر بشي هههههههههههههههه
انا الي مستقرب بعد 6 اسنين في هل مجل يصير فني كذ

عبدالإله الدعفس

20-01-2010, 12:02

عفواً إخواني
خلو كل شي يمضي بروح الأخوة والمودة
القصة أو القصيدة غير مؤكده كما ذكر البعض والله اعلم
هي بالمناسبة منقولة زي ماذكرت الأخت خيالة ((القصه قديمه لكن اعجبتني و حبيت انقلها ))
يعني أي منقول لاتؤخذ الجدية فيه تماماً حتى يتبين من كتبها عقلاً
انتم اللحين صرتو تعاتبون هالأجودية خيالة تميم
هي ماقصرت جابت لكم قصة وقصيدة انا ياواحد اعجبتني
وهي كأنها تقولكم " خيالة " خوذو الشي الزين وتركو اللي ماتبونه
وسلامتكمـ

خيالة تميم

20-01-2010, 12:08

السموحه منكم جميع ان كاني غلطت على حداكم بالموضوع و ان شاءالله ان الاجواد عذاره

و الله يتجاوز عنا فيما نقول و نفعل

عبدالله السالم

20-01-2010, 12:14

خيالة تميم

ماحصل منك الا كل خير وبيض الله وجهك

وانتي من الاعضاء اللي اثبتي نفسك بالمنتدى واسمك له صدى قوي

وتحملي اخوانك زي حاتميه وشيهانة

خيالة تميم

20-01-2010, 12:27

وجهك ابيض يا عبدالله ... شهادتك وسام

عزيزين و غالين يالخوال

مسافر

20-01-2010, 12:36

انا بعطيك حل في المكتبه العامه الي بل خبر كتاب اسمه قبائل العرب وقصاصهم خلهم يشترونه
ويعرف اقصه منه

هيبة الصيت

20-01-2010, 07:26

حلاوه بس اذ كنت عاجز صحين وبل موت اتحرك لا تشرهين علي انا لي ثلاث شهور ماحرك من جسمي قير يد وحده الله يشفني ولا يبلكم

الله يشفيك و يشفي مرضى المسلمين

بس ماااله علاقه يد ولا ثنتين في الاملاء.. :)

على العموم خيالة ماقصرت هي سالفة و اعجبتها و حبت تنقلها لكم

.. وياليت البعض يقدر مجهودهآآ

خيآآلة .. يسلم راسك على النقل

خيالة تميم

21-01-2010, 04:31

مرحبا بك وانا خالتك

شرفني تواجدك يعلم الله

و ما اقول غير " ربي اغفر لـ قومي فـ انهم لا يعلمون "

لاعدمتكم جميع

" انتهى "