المساعد الشخصي الرقمي

مشاهدة النسخة كاملة : الشاعر الفضلي يرثي طيره وابوه يرد عليه

حيدر الزامل
13-09-2004, 11:54
هذي قصيدة قلتها في طير عندي وانتقل الى الرفيق الأعلى وابوي رد علي ..

طير الهدد ماهو ببوم وخفاش
طيرالنوايف فيد كل الخفافيش
الحر والي عن الصيد نفاش
مايرضى بالداني ولقط المناقيش
لافز فزت همته طلق رشاش
كنه يرد الي عنوله مطاريش
يابوي طيري اسمه اليوم بكاش
اسم على كل العواذل حنانيش
يابوي طيري يسكن العين عشاش
وصابته عين يطرف الطير تشويش
يابوي عقبه حالي اليوم مهناش
صابتني الحسره ودمعي غدى يهيش


ورد ابوي علي يقول ...

يابوك كنك عقب هالطير محتاش
لاعاده الله طير عظم على ريش
طيرك على راعيه وللطيب حواش
لافرع الهمه فتش الصيد تفتيش
يانايف طيرك سمه اليوم بكاش
اسم على كبره بنو له حواويش
لاوش غدى قبلك من الحقد مانحاش
العين حق وحاسدك فارعه خيش
مايرد طيرك فزعتك عنه وهواش
جعل العظم في حاسدك كسور تهشيش
ياجعل وجهك ينور النور بشاش
ابشر بغيره وقولتي ماهي بتهميش
محمد الفضلي
13-09-2004, 02:26
يابوك كنك عقب هالطير محتاش
لاعاده الله طير عظم على ريش
طيرك على راعيه وللطيب حواش
لافرع الهمه فتش الصيد تفتيش
يانايف طيرك سمه اليوم بكاش
اسم على كبره بنو له حواويش


الله الله الله



صح لسانك وصح لسان الوالد وعظم الله اجرك بطيرك صراحه قصيده جميله والرد اجمل



تقبل تحياتي

اخوك الفضلي1970
محمد الفضلي
13-09-2004, 02:29
يابوك كنك عقب هالطير محتاش
لاعاده الله طير عظم على ريش
طيرك على راعيه وللطيب حواش
لافرع الهمه فتش الصيد تفتيش
يانايف طيرك سمه اليوم بكاش
اسم على كبره بنو له حواويش


الله الله الله


صراحه قصيده طيبه تسلم اخوي الفضلي صح لسانك ولسان من رد عليك وعظم الله اجرك بطيرك وعوضك غيره ...




تحياتي لك

اخوك

الفضلي1970
حيدر الزامل
13-09-2004, 04:03
صح بدنك ولسانك الحلو ياخوي الفضلي وانا شاكر لك مرورك الكريم ولو داري انك بتمر كان والله ماتمشي الا وانت متعشي معي .:D لكن عاد حسافه ماصدناك على العموم احلى مافي القصيده انك انت قريتها وهذى شرف لي بصراحه بدون مجامله ... والله يعطيك الف عافيه....
حيدر الزامل
13-09-2004, 04:50
سلمك الله يابن غزي يابن اخي ويسلم لي لسانك الي ينقط عسل وانا شاكر لك على مرورك وانت راعي محل الله يحيك اي وقت |4| والله يعافيك ..........
فارس الظلام
16-09-2004, 05:31
السلام عليكم

الشاعر الفضلي

صح لسانك

وعظم الله اجرك بالطير

بس مثل ماقال ابوك ، الظاهر ان الشغله شغلة عين وحسد

بس لاتخاف ، اهو قال انه بيعوضك

بس مادري عاد صج عوضك والا لا ؟؟ :D:D:D
عبدالله الفضلي
16-09-2004, 09:09
الشاعر الفضلي صح لسانك على هذه القصيدة .
وأتمنى لك المزيد من التقدم لكي تصبح شاعر القبيله ، ولي ملا حظة أرجو أن يسع لها صدرك ، أمر طبيعي أن يكون لكل شاعر في بدايته بعض الأخطاء التي يجب أن ينبه عليها لكي يتلاشاها ، والملاحظة هي :
عليك أن تركز أكثر في وزن القصيدة .
فقصيدتك هذه على بحر المسحوب ، ولقد أخللت بالوزن بعض الشيىء ، وعليك أن تبذل جهدا أكثر من هذا في وزنها ، فانه لا ينقصك الا القليل ، ومثال لهذا البيت الذي يقول ( طيرك على راعيه " و " للطيب حواش ) فحرف الواو هنا أخل بالوزن فلو قمت بحذفه لاستقام البيت . وهذا على سبيل المثال لا الحصر فالقصيدة بها كثيره يجب عليك أن تراجعها ،
قلت هذا النقد وارجو ان يتسع له صدرك وصدور الاخوان الذين علقوا على الموضوع ،
ولك مني كل احترام وتقدير وأرجوا ان لا يثبط ماكتبت همتك وان يكون دافعا لك للمزيد من العطاء والتواصل يا ابن العم ،
ابن عمك عبد الله الفضلي .
جوزيف
16-09-2004, 11:58
صح لســـ بدنك ـا نك يالشاعر الفضلي على هذه القصيدة الطيبة وملاحضات الاخوان الاحباء الطيبة وماننسى رد الوالد الطيب ومشكوور علىهذه القصيدة واتمنى الجديد منك اخي واشكر الردود من الاخوان الطيبين

اخوكم :
&فتى البستان&|7|
زيد السالم
16-09-2004, 05:14
صح السانك يابن العم

واللي جاب الطير يجيب غيره وانا اخوك

وسلم على ابوك وصح السانه
حيدر الزامل
18-09-2004, 12:21
الله يعطيك العافيه ياولد العم ومشكور على التنويه لكن وان اخوك القصيده طالعه في وقتها يعني جت بدون تفكير يعني اكيد بيكون فيها بعض الأخطاء وملاحظها بس حبيت اني اجيب القصيده على ماهي يعني نفس ماقيلت وانا شاكر لك على مرورك الي شرفني ويشرفني اكثر واكثر تعليقك على القصيده وانا شاكر لعيال العم كلهم على مرورهم الكريم والله عيطيكم العافيه ....
عبدالله الفضلي
18-09-2004, 05:29
الله يعافيك يا ابن العم ( الشاعر الفضلي )
وأشكرك على سعة صدرك وتقبلك ، ولا يوجد أحد معصوم من الخطأ بعد النبي صلى الله عليه وسلم ، فأحيانا أقرأ لبعض الشعراء الكبار ( اللي ملمعينهم على الساحه ) !!؟ وأجد لهم أخطاء اما في الوزن أو القافيه أو سخافه في المعني ؟؟؟ ومع هذا ماشي حالهم !!!
أما بالنسبة لك أنت والاخوان الشعراء الفضول الشباب فأمركم يهمني ، وأتمنى أن تكونوا أفضل الشعراء .
وأنصحك اذا أردت أن تنشر قصيدة مرة أخري في هذا المنتدى أو غيره أن تراجعها مره ومرتين وثلاث ولا عيب في مراجعة القصيدة فكبار الشعراء يفعلون ذلك . ( علشان ماتخلي للرجال ممسك على قصيدك ) ،
وتقبل مني كل ود واحترام وتقدير يا ابن العم ، وأتمنى أن أراك يوما من أفضل الشعراء ، ( علشان نفتخر فيك )
حيدر الزامل
19-09-2004, 11:04
ولد عمي عبد الله الفضلي والله ياولد جدي ان رايك ونعم الراي وعلى عيني وراسي ولاتحرمنا من تعليقك الي يشرفني وانا استفيد منه ورايك يهمني ... ويكفيني فخر انك حريص ان عيال عمك يظهروون بأحسن صوره .. وانا شاكر لأهتمامك وبصراحه وبدون مجامله لاتحرمنا من تعليقك لأنه من جد راح استفيد منه ... ومره ثانية اقول انا شاكر لك من كل قلبي .... وانشالله راح تسير علينا في السعوديه ونجتمع سوى ...والله يعطيك العافيه ..
عبدالله الفضلي
19-09-2004, 05:18
الشاعر الفضلي الله يعافيك يا ابن العم على هذا الكلام الطيب ، وكلامك هذا يشرفني
وأسأل الله أن يوفقك لكل خير .
بن غزي 2005
30-09-2004, 10:36
صح اللسانك يا ابو غياض والله يرحم طيرك يا الشاعر الفضلي وياليت تكتب لنا المزيد اما بنسبه للاخ عبدالله الفضلي فضاهر أن الانتقاد في قصيدة ابوك واضاهر انك زدت الواو غلط مطبعي ولا ما اضاهر الي يكتب القصيده هذي يصير عنده اخطاء في الوزن ومره ثانيه صح السانك يا الشاعر الفضلي صراحتن تعد هذي القصيده من القصايد الحلوه الي كتبت في الموقع ....


اخوك / بن غزي 2005
الأصيل
15-12-2004, 05:08
يسلمووووووووو اخوي الشاعر الفضلي على القصيده

وصح لساااااااااااااانك

وحقيقة ذكرتني في قصيدة أمير العجمان راكان بن حثلين

والتي قال فيها

الطير يا زبن المناعير يفداك

ابغي العوض في الطير خطو النداوي

ويفداك الطير والطير بداله طير

مشكوووووووووووووووووور