ياابحـــــــــــر...

[شموخ لا ميه]

يابحر .. فيني من الحزن .. كثـر مافيـك ..
من حزن .. وأوجاع .. وغياب .. وغرايب !!

لاتلومنـي إليـا شفتنـي .. دايـم أجيـك ..
ولاشفتني دايـم .. علـى الشـط .. ذايـب !!

حزني كبير .. أكبر من حدود .. شاطيـك ..
وأقسى مـن جـروح الزمـان .. العطايـب !!

وإن كان تنشدني فأنـا .. مقـدر أخفيـك ..
دايم اظـن .. ويطلـع .. الظـن .. خايـب !!

في هالزمن .. أقرب حبايبـك .. يشقيـك ..
إليـن تدفـع فـي غــلاه .. الضـرايـب !!

من بعد هذا .. يبتعد .. عنـك .. ويجفيـك ..
ماكنه .. بجنبك .. قضى الوقـت .. طايـب !!

وإلا .. الخـوي اللـي توقعـت .. يفديـك ..
يفديك عمـره .. لاغـدت بـك .. نشايـب !!

صد .. وتصدد .. مايبي .. سمع .. طاريك ..
وياما .. أنت .. دونه .. أتعبتك .. الطلايب !!

لاتقول لي .. بدري .. وتوك .. ويمديـك ..
وتعال .. وأسمع باقـي الهـرج .. صايـب !!

خلك بحالك .. وأطلـب الـرب .. يهديـك ..
ولاتنشد اللي غاب .. وين أنـت .. غايـب ؟؟

وإن شفتني غايب .. عن حدود .. شاطيـك ..
أعرف تراني .. تحت .. ذيك .. النصايـب !!

وأعرف تراني .. دايم إن ضقت .. بآجيك ..
لأني .. أنا .. والموج .. صرنا .. حبايـب !!


يابحرhttp://chat.graaam.com/images/quraan.gif (http://quraan.graaam.com/)

[التميميه]

صح لسان شاعرها
يعطيك العافيه على روعه الانتقاء

[شموخ لا ميه]

هلا وغلا ببنت عموو الهااديه

شرفتينااااا

[النشميه]

صح لسانك ولسان شاعرهااا وسلمت يداك على نقل

وأشكر ذوقك على الاختيار الرائع ولك كل الشكر لاهنتي

دمتي بحفظ الله