ماكنت احسب الحب هذي علومه .!!

[هيبة الصيت]

,

:
:




http://img511.imageshack.us/img511/7282/ab67ff0a6a.jpg




.
.


عزالله إني يوم حبيت / حبيت
ماكنت آحسب الحب هذي علومه



ضحيت ,
وأخلصت ,
وعطيت ,
وتفانيت ,
لو إن نفسي من عطاي [ محرومه ] !



الظاهر إني طحت وأنا ما سمّيت
ولا أظن لي من بعد ما طحت قومه



ما جت لي الدنيا
( على ما تمنيت ) !
حلمت : والأحلام شبه معدومه



عجزت :
وأنا اللي الى قلت سويت
حظي فتر حيله وبردت عزومه



ياما قطعت من الدروب وتعنيت
وسريت ليل ٍ ما تشعشع نجومه ,



وكم ليلة ٍ روحي على كف عفريت
وأقول ( ما آحد ٍٍ ميّت ٍ قبل يومه ) !



ماتحت رجليني ياكودالدناميت
آطا الخطر .. كني معارض حكومه !



وقفت
في وجه الظروف وتصديت
وقفة شجاع ٍ راس ماله : سلومه



وش عاد أخذت من المحبه وخليت
حب ٍ مضى وقته .. وبقيت رسومه



عليه أجرّ مع الونين / التناهيت
لا أخذت لي في جوّه الرحب .. حومه



ذكراه حولي .. كل ما أصبحت وأمسيت
رحل .. والأصعب من رحيله ؟ قدومه !




للشاعر/ مشعآن البرآق
http://img98.imageshack.us/img98/6476/74834467.gif


:

:

,

[سلامه العايد]

اي والله انشهد انه طاح ولا سمى

اشكرك عمتي على هذي القصيدة الله يعين الجميع ويعين اهل الهوى

صح لسان وصح لسانك وسلمت يمناك على النقل

لك كل الود.

[هيبة الصيت]

سلآمه العآيد

ارحب ارحب

العفو .،. صح بدنك يالاجودي
و يسلم راسك

حيآك

[حاتميه]

قمة الروعه و الابدااااع

صح لسان الشاعر

ولآهنتي بنت عمي

[هيبة الصيت]

تسلمين يابعدي

صح بدنك .. وحيآآك يالنشميه


لآعدمت هالتواجد الطيب