عمر المسعر
18-05-2010, 02:13
السلام عليكم ورحمة الله وبركاته
قصيده أعجبتني وحبيت أن تشاركونني قرائتها
جروح قلبي كل ما جيت ابرفاه
هذا يشلّونه والآخر تِفَتّق
عِزّي لمن هو في حساب الهوى تاه
اتعب اجمّعها وترجع تِفَرّق
قامت تسوج الرجل من حِرّ ما جاه
بَرْقٍ لعج بالفكر غَرّب وشَرّق
شعيب عيني يوم فاضت شغاياه
مزجت دمع العين بالحبر الازرق
يالادمي دنياك ما اكثر رزاياه
إحذر وخلّك صاحيٍ لا توهّق
سَنّد على اللي بالمواجيب تلقاه
قرمٍ على القالات شوره موفّق
والنذل خلّه عنك بالك تنصاه
وقفّل على سدك بقفل وتوثّق
ما كِلّ من فَكّ المكاتيب يقراه
ولا كل من يقرا ويكتب يْفَرّق
ما كل من زام الملازيم يقواه
ولا كل من رام المراجل توفّق
لا تشرف المرقاب يتعبك مرقاه
رجليك يحفيها الحصى لو ترفّق
ياويلك ان شرّفت وارقبت ويلاه
تبكي ودمعك فوق خدّك تِدَفّق
ظعونهم قفّت وعيني تحلاه
هذا حدر قبله وهذاك شرّق
من شوفتي للترف قَفّت مطاياه
يبست معاليقي وقلبي تحرّق
خانت حلوم الليل هذي سواياه
يوم انتبهت وقمت عقلي تصعفق
طرت علي دْروبٍ أوّل مشيناه
إلى هصرت الخصر جان يتدغفق
د سعد الصويان
قصيده أعجبتني وحبيت أن تشاركونني قرائتها
جروح قلبي كل ما جيت ابرفاه
هذا يشلّونه والآخر تِفَتّق
عِزّي لمن هو في حساب الهوى تاه
اتعب اجمّعها وترجع تِفَرّق
قامت تسوج الرجل من حِرّ ما جاه
بَرْقٍ لعج بالفكر غَرّب وشَرّق
شعيب عيني يوم فاضت شغاياه
مزجت دمع العين بالحبر الازرق
يالادمي دنياك ما اكثر رزاياه
إحذر وخلّك صاحيٍ لا توهّق
سَنّد على اللي بالمواجيب تلقاه
قرمٍ على القالات شوره موفّق
والنذل خلّه عنك بالك تنصاه
وقفّل على سدك بقفل وتوثّق
ما كِلّ من فَكّ المكاتيب يقراه
ولا كل من يقرا ويكتب يْفَرّق
ما كل من زام الملازيم يقواه
ولا كل من رام المراجل توفّق
لا تشرف المرقاب يتعبك مرقاه
رجليك يحفيها الحصى لو ترفّق
ياويلك ان شرّفت وارقبت ويلاه
تبكي ودمعك فوق خدّك تِدَفّق
ظعونهم قفّت وعيني تحلاه
هذا حدر قبله وهذاك شرّق
من شوفتي للترف قَفّت مطاياه
يبست معاليقي وقلبي تحرّق
خانت حلوم الليل هذي سواياه
يوم انتبهت وقمت عقلي تصعفق
طرت علي دْروبٍ أوّل مشيناه
إلى هصرت الخصر جان يتدغفق
د سعد الصويان