قال الوداع

[شموخ لا ميه]

قال الوداع وقلت ريع لي شوي
اصبر ترى عمر السعاده ثواني

قال الظروف وقلت عن ظرفه عي
تعال وقف ساعتك في زماني

قال احترق في شمسها وانت في فيّ
ماكل ماغطى عيوبك كساني

قلت العفو بصبر على حامي الكي
واكسيك من صبري كساوي حناني

قال الحقيقه شي واحلامنا شي
والشاهد الله ليت هذا مكاني

قلت الوعد قال الوعد يابعد حي
لاصاح لك قلبي وقلبك دعاني
...........اتمنى تعجبكم....................................

[عمر المسعر]

( يعلم الله أن هذه القصيد ألزمتني لتسجيل الدخول والرد )


مبدعه يا شموخ لام من طي
طرحك راقي و راق لي وإبتلاني

ذكرت الوداع اللي قبل عام منسي
يوم أودع الزين بدموع أعياني

اللي بغيابه عرفة قيمة الضي
ولامن حضر نسيت قيمة إخواني

لا شفته قلت يابعد الميت والحي
ويقول لا يابعد الإنس والجاني

ويذوب وأذوب لا لمست يدينه يدي
وأفقد الوعي لا أخذته بأحضاني

واليوم لا نت لا جوال لا شي ؟؟؟
أقول توفى وما أضنه نساني

( أبيات كيبورديه على عجاله )

( عمر آل مسعر )

تحياتي

[حاتميه]

رائعه شموخ

شكراً على هذا الاختيار

صح لسان الشاعر وتسلم يدينك


،،،


صح لسانك عمر .. :smile:

[إبن لام الدويسي]

شموخ من قدها الكبار متريقين عندها عمر والسنعه لاويمدحون .صباحنا روعه هنا

[حاتميه]

هههههه صباحك قشطه اطيب

[علوش الفضلي]

إلا بالله عجبتنا

أبيات رائعة

صح لسانك ولسان شاعرها

اختيار موفق

==============

صح لسانك أخوي عمر

[عمر المسعر]

حاتميه

أبو صالح

علوش الفضلي

صحت أبدانكم جميعا"

ما هي إلا شخبطه كيبورديه على عجاله

[إبن لام الدويسي]

صباح الشعر المعطر ارحبو عمر اذا هذا الروعه شخبطه لا تعطينا الا شخبطه شموخ الشعر الجميل دايم يذكر بمثله

[إيمان الجراي]

آبيات رآآآآآئعة

اختيار موفق تسلم يمناك شموخ

وصح اللسانك عمر على الرد

الله يعطيكم العافية

[الــهــنــوف]

روعه شمووخ

تسلمين ع الإختيار الراقي

والأروع مداخلة عمر المسعر بشخبطته الكيبورديه

صح لسااانك ياعمر وصح إحساسك العالي

[شموخ لا ميه]

اللـــــــــــــــــــــــــــــــــــــــــــــــ ــــه الله

لا ياعمــــــــــــــــر ما اظن انه نسااك
مبدع واعدك بالجديد اللي يخليك تكتب من غير ماتحس <<نشوف

وان شاء الله اذا نجحت وجت الاجاازه راح انزل قصاايدي

ارحبووووووووووو ارحبووووووووووو يا كبار