فرسان الفضول
02-09-2006, 11:54
القلب يحزن والمدامع غزيره
في جوفي نار من لهبها تباكيت
والدار ظلمه كانت أمي تنيره
يايمه وينك من دونك خلى البيت
قلبي تفطر على الفرق المريره
آمنت بالله وبمقداره تراضيت
الموت حقن وكلن له مصيره
وموت النبي قبلك يايمه تعزيت
هذا جلالك وريحك في عبيره
كل يوم أشمه واذا شفته تهنيت
صوتك يايمه يامحلى اثيره
وحنانك يايمه يخلني دفيت
يايمه منه أجي له اشتشيره
يعدلي لاشفت الصواب وتنحيت
يوم كنتي عندي وكني امير ديره
كلن يناديني يقول لي تغليت
يوم رحتي يمه وكني في جزيزه
وحيدن فيها عن الناس تواريت
أجي دويخ في وقت الظهيره
محدن سأل عني يقول تغديت
وابيت الليالي وعيوني سهيره
وكم ليالي نايم ما تعشيت
ظروفن يمه تواجهني عسيره
الشكوى لله بظروفي تعنيت
ياكم تعلمت من معاني غزيره
يامنهل التعليم منك تربيت
كم قصة قلت للماضين سيره
ولاجيت عندك سواليفك تسليت
آه يايمه لنظراتي الاخيره
مليت كفي ترابن ثم حثيت
ابشري يمه بدعوات كثيره
كلما تذكرتك وللرحمن صليت
في جوفي نار من لهبها تباكيت
والدار ظلمه كانت أمي تنيره
يايمه وينك من دونك خلى البيت
قلبي تفطر على الفرق المريره
آمنت بالله وبمقداره تراضيت
الموت حقن وكلن له مصيره
وموت النبي قبلك يايمه تعزيت
هذا جلالك وريحك في عبيره
كل يوم أشمه واذا شفته تهنيت
صوتك يايمه يامحلى اثيره
وحنانك يايمه يخلني دفيت
يايمه منه أجي له اشتشيره
يعدلي لاشفت الصواب وتنحيت
يوم كنتي عندي وكني امير ديره
كلن يناديني يقول لي تغليت
يوم رحتي يمه وكني في جزيزه
وحيدن فيها عن الناس تواريت
أجي دويخ في وقت الظهيره
محدن سأل عني يقول تغديت
وابيت الليالي وعيوني سهيره
وكم ليالي نايم ما تعشيت
ظروفن يمه تواجهني عسيره
الشكوى لله بظروفي تعنيت
ياكم تعلمت من معاني غزيره
يامنهل التعليم منك تربيت
كم قصة قلت للماضين سيره
ولاجيت عندك سواليفك تسليت
آه يايمه لنظراتي الاخيره
مليت كفي ترابن ثم حثيت
ابشري يمه بدعوات كثيره
كلما تذكرتك وللرحمن صليت