ليت الشوارع تجمع اثنين صدفه

[شموخ لا ميه]

كلماااااااات للشاعر الامير / بدر عبد المحسن
يطيح جفن الليـل واهـز كتفـه
يفز نجم ، وباقي الليـل مطفـي
واحاكي الجدران عن مثل غرفه
ماتشبه الجدارن ويطول وصفـي
وتملني الجدارن واظهر لشرفـه
تحت السماء واسكر الباب خلفي
ليت الشوارع تجمع اثنين صدفـه
لا صار شباك المواعيد مجفـي
ريحٍ تهب وتسكن العظم رجفـه
وتموت ريح وتسكن اوراق نزفي
على الروابي تهطل دموع وطفه
ويصب لمع بروقها وسط طرفي
ياطاري الغدران ، والعمر رشفه

مع قلّها ، ياليتها ييـوم تصفـي
الحب واجد مير الأقـدار صلفـه
الحب واجد مير الأقـدار صلفـه
والارض واجد لكن العزم منفـي
والي اعرفه راح مانيب اعرفـه
ولااظن يذكرني اليا اقلبت مقفـي
ماهو حبيبي مورد القلـب حتفـه
ولاهو حبيبي يفرح بوقت ضعفي
مُّر ثمر هالليل ، وامـر قطفـه
يالحمظل الي صرت اذوقه بكفي
هذا وتّو الليـل مـاراح نصفـه

ياليل بعض اللي مضى منك يكفي
:smoker:مماراق لي
　

[سلامه العايد]

ليت الشوارع تجمع اثنين صدفـه


طيب انا معارض هذا الشطر طيب لو اصبح حقيقة هذا التمني ؟ اكيد الهيئه راح تطب عليهم

لكن تجري الرياح بمّ لاتشتهيه السفن, شكراً لك على الاختيار

وفقك الله بم يحبه ويرضاه.

[شموخ لا ميه]

سلامه الله من زود الذكـــــــــاء الخارق فيك

الحين ماتقولي ليه الهيئه تمسكهم هم وش مسوين
الضعووف تقابلو صدفه في الشارع بعد حاسدهم تبي تخرب عليهم ..!!

من سعه وانا اختك خلهم يتمقلون في بعض كود القلووب تستريح..!!

ولا وش قولك..
وانت وش قولك يااخالد بعد ..

[♥ ĐĻǯ]

ليت الشوارع تجمع اثنين صدفـه
لا صار شباك المواعيد مجفـي
يالييييـــــــــــــــــــــــت ..
شموخ دائم تنتقين شي على الجرح ..

[شموخ لا ميه]

هههههههههههه

دلــــــــــــــــــــــــــــــــــــــع يالبى قلبك يالبيه بس انتي اللي عرفتي اني ذويقه في ها الاشياا

علمي عبادي >>يقول انتي ماتصلح لك هاالاشياء يصلح لك خبيتي $ّ$

[سيف الفضول]

شــمــوخ ..حـيــاك الله يابنت العم ..وأشكرك على الأنتقاء الجزل والجميل والرائع
وأعجبني هذا البيت بشده مع أن جميع قصائد البدر تعجبني اللي يقول :-

الحب واجد مير الأقـدار صلفـه
والارض واجد لكن العزم منفـي


وتقبلي تحياتي ودمتي بخير

[شموخ لا ميه]

الحب واجد مير الأقـدار صلفـه
والارض واجد لكن العزم منفـي

اولااااااا يااهلااا وياا مرحبااا وياااغلااا ويااا وش بعد باقي ..

هلا والله بسيف الفضوووول شرفت وانورت الصفحه بوجودك ..

حتى انا بعد هذا البيت مرره اعجبني
كلك ذووق شكرياتي على المرور

[علوش الفضلي]

من أروع قصائد البدر

تسلمين على الاختيار شموخ

صح لسانك ولسان الشاعر

[خالد الكثيري]

تسلمين ياشموخه اصلن انا عارف ان قلبك خضر

ذكرتيني في بيت قصيد رااااااااااااااااااااااائع

يقول

مدري هي الصدفه دروبي تجيبك ......مدري انا في دروبك تحريت

يسلمو ياذوق وقريب جدآآآ ابنزل قصايد خاصه

[النشميه]

تسلمين يــ الغلآعلى الآختيآر
ولك كل الشكر