قصيدة مبكية من بنت تزوج من تحب وتركها

[النشميه]

بسم الله الرحمن الرحيم

ومن الحــب ما قتــــل قصيده مبكيـة من فتاة بعد ما تزوج حبيبها وتركها
عبرت بـ قصيدة حزينـة ترثي نفسها من أجل قلب إنسان فاقد
لـ معني الحب والوفاء والإخلاص إلى الأبد
والله ما عاد افكر فيه من عافنا عفناه لو كان غالي مقهوره بس

القصيــدة اعجبتني ونقلتها لكم



جاني الخبر يا صاحبي واظلم الكــون
قــدام عــينـي ثـم نــطقـت الشهــــاده


على العــمــوم أقولها ألـــــف مـليون
مــبـروك مـن قــلـب شكــــالك أبعاده


مــبروك لا يهمــك سواليف وظـنون
مــن عــاشــق يــهديك فـــرحة فـؤاده


ســو الــفرح اليوم وإبليس مـــلعون
واللــي يشــب الـــنار يـجني رمـــاده


أنا أول الــــعـالم على القصر يلفـون
أول مــــعـازيم الـــــفـــرح والحداده


ابشر أنا برقص على العرس بالهون
كـــلاً يـــــعـبـر فـــرحتـه باجتهاده


لــــو الـليله رقـصي يقولون مزيون
الـــمــشكلــه الــقلب يــفـضـح وداده


يـــوم الـعذارى في دخــولـك يغنون
وعــروستك بأحلى ثــواني السعاده


كــنت أتمنى بـــدالها والـله أكــون
وأحط أنا كـفي تحت رأسك وساده


وشلون ابكتم صرختي يوم تمشون
تــكـفى .. خــذنـي للعروسه قلاده


حتى مــعـازيـم الفرح قاموا يمشون
واصبــحت أنا وحدي بدون استفاده


وطـفو عــلي الــنور مــن غير يدرون
قــصر الــفرح يـا قـبر (مـنيرة) ومهاده


وصــيتي لـو جــاك بــنت وأنا أمون
سمــيتــها لك (مــنيرة) قــبل الولاده


......

[إبن لام الدويسي]

صباح ومساء العبرات علي ها لنشميه ول هو مايستاهل إلا مشعاب فوق دمجته صدق مايستاهلها عسى ماتدخل السنعه وش يسكتها .

[النشميه]

اقتباس:
المشاركة الأصلية كتبت بواسطة إبن لام الدويسي http://www.alfothool.com/vb/fodol/buttons/viewpost.gif (http://www.alfothool.com/vb/showthread.php?p=289862#post289862)
صباح ومساء العبرات علي ها لنشميه ول هو مايستاهل إلا مشعاب فوق دمجته صدق مايستاهلها عسى ماتدخل السنعه وش يسكتها .


انا اشهد انك صادق
مشكور اخوي على الرد
شرفني مرورك العطر

[خالد الكثيري]

ياســـلام ياســـلام

هذا الحب والا بــلاش

وبيض الله وجهها وصح السانها العاشقه


منيره

[ابوسيف]

مسكينة الله يلوم اللي يلومها
عزالله انه فرط فيها ... ما يستاهلها

صح لسانها ... ومتشكرين على النقل الرائع

[~سمو الأميرة ~]

تدرين احلى شي في الانسان يجلس عديم الاحساس عشان ما احد يجرحه ويئذيه

[ابو ريان]

الله أكبر تحط كفها تحت رأسه وساده .المسكينه ماتعرف أن بعض الرجال لايستاهل الحب يلبس الثياب ولكن لايملك المشاعرلايفرق بين الأبيض والأسود هذه الشريحة تلعب بالعواطف ولاتقدر المسؤولية تحلق في سماءالوهم .كم وكم وكم ضحية .حسبي الله ونعم الوكيل.

[الــهــنــوف]

المشكله بعض الناس ماتقدر الحب اللي يحبه المحبوب له
ومع الأسف البعض يتسلى بمشاعر الغير
ولا جا وقت الجد عطاه ظهره وراح
يالبى البنات بس لاحبوا حبوا من قلب
تسلمين يالنشميه ماقصرتي

[النشميه]

خالد الكثيري
ابو سيف
سمو الاميره
ابو ريان
الهنوف
شرفني مروركم ياعيال العم لا عدمناكم
تحياتي لكم

[إيمان الجراي]

آبيات محزنة والله

النشمية يعطيك العافية على النقل

[النشميه]

ايمان الجراي
نورتي الصفحه لاهنتي