من على سيف البحر ثارت من عيوني يتيمه .. _ .. بللت جفني وحارت داخل عيوني ثواني

[سلامه العايد]

بسم الله الرحمن الرحيم

السلام عليكم ورحمة الله وبركاته

هذه القصيدة للشاعر .. / بدر الآمي .. / وأداء الشيلة .. / عبدالله ابوعبيد



من على سيف البحر ثارت من عيوني يتيمه
بللت جفني وحارت داخل عيوني ثواني

..

قمت اردد ماحكى ضيدان قبلي ياعضيمه
كل شي وله حدود الا الزمان اللي عصاني

..

صرت اشح بدمعتي مير العيون اضحت كريمه
مدت حبال الحزن مني على صدر المواني

..

وسجت افكاري على الذكرى والايام القديمه
وجاتني مثل الخيال وحطت بجوف المحاني

..

كنت احسب ان الزمن يبغى من الطرقي عزيمه
واثره اللي مايبيه الا يكون انسان ثاني

..

والاماني روحت والعاقبه صارت وخيمه
واحتدم شرقيها بغربيها وانا مكاني

..

يالقلوب اللي لها في داخلي حشمه وقيمه
شابت عيون القا والياس ماحرك كياني

..

وين حطت فيكم الدنيا والايام العقيمه
لين ضيق الوقت من عقب السعه قام وغزاني

..

اتشيم والزمان اللي خذا مافيه شيمه
لو رماني ضيق قلت استغفر الله مارماني

..

احتويت من القهر ماينقص الرجال قيمه
وارتجي المولى عسى المولى من الضيق يحماني

..

آه ياليت الزمن يرجع ورا ويسوق غيمه
للمكان اللي على ذكر المحبين يحداني

..

واتوقف فيه واحذ فرحته واعطيه ضيمه
وابتدي لكن بداية منتهي مماخذاني

..

يالوجيه اللي لها في داخلي حشمه وقيمه
تبت من ترديد ابي اصل وابي ارجع مكاني



http://www.4shared.com/audio/xvLQHiqd/__________.html

[إيمان الجراي]

آبيات رآآآئعة

تسلم يمناك على النقل سلامه

الله يعطيك العافية

[غيمة مطر]

والله مبدع يا سلامه كلمات اخذتني معاها ,,

قصيده جدا رائعه تسلم الايادي سلامه واختيار موفق ,,

آه ياليت الزمن يرجع ورا ويسوق غيمه
للمكان اللي على ذكر المحبين يحداني


لكن كأني سمعت احد يناديني :61_f::61_f:

[حفيد مانع]

مبدعنا سلامة العيد

يسلم ذوقك

[علوش الفضلي]

ياسلام على الإبداع

قصيدة رائعة بكل معنى الكلمة

الأداء مميز ورائع جدا

وينك سلامه أشوفك مبطي من الشيلات

الله لايهينك على الاختيار الراقي

[سلامه العايد]

ايمان الجراي


آبيات رآآآئعة

تسلم يمناك على النقل سلامه

الله يعطيك العافية


الله يعافيك ويبقيك لعين ترجيك .. وسلمتي من الشر لاهنتي

شاكر تواجدك اختي الفضله لك كل باقة ورد

دمتي بود.

[سلامه العايد]

غيمة مطر


والله مبدع يا سلامه كلمات اخذتني معاها ,,

قصيده جدا رائعه تسلم الايادي سلامه واختيار موفق ,,

آه ياليت الزمن يرجع ورا ويسوق غيمه
للمكان اللي على ذكر المحبين يحداني


لكن كأني سمعت احد يناديني :61_f::61_f:

الاروع تواجدك وطيب تواصلك في متصفحي .. اسعدك المولى اينمّ كنتي .. دمتي بحفظ الله.

[سلامه العايد]

حفيد مانع


مبدعنا سلامة العايد

يسلم ذوقك

الله يسلمك ويخليك يارب شكراً لك اخي على تواجدك العطر لاهنت .. دمت بحفظ الله.

[سلامه العايد]

علوش الفضلي


ياسلام على الإبداع

قصيدة رائعة بكل معنى الكلمة

الأداء مميز ورائع جدا

وينك سلامه أشوفك مبطي من الشيلات

الله لايهينك على الاختيار الراقي

هلا اخي علوش والله مالي خلق بالمشاركه هذا اولاً اما ثانياً لو كل يوم احط شيلة خلصت الشيلات

هههههههه يعني حبه حبه ولا ويش قولك ولا ننسى تواجدك الاروع

دمت بحفظ الله

[عبير الورد | ~]

الله على القصيده هيضتني والصوت الشجي
سلامه العايد
الله يعطيك العافية وتسلم على ذائقتك
لاهنت

[سلامه العايد]

عبير الورد | ~



الله على القصيده هيضتني والصوت الشجي
سلامه العايد
الله يعطيك العافية وتسلم على ذائقتك
لاهنت

ولا هانت ايامك .. والله يعافيك ويبقيك لعين تريجك .. وسلمتي من الشر استاذه عبير

واشارك حضورك واشراقتك الرائعه وفقك الله بم يحبه ويرضاه

دمتي بحفظ الله