المساعد الشخصي الرقمي

مشاهدة النسخة كاملة : سقا الله زمانٍ زال وبالذاكره مازال .. _ .. فداه العمر لو راح الاول على التالي

سلامه العايد
05-09-2010, 02:19
بسم الله الرحمن الرحيم

السلام عليكم ورحمة الله وبركاته

هذه القصيدة للشاعر .. / ثامر شبيب .. / وأداء هذه الشيلة .. / النـــــــادر



سقا الله زمانٍ زال وبالذاكره مازال
فداه العمر لو راح الاول على التالي

..

قبل من عوايدنا نعشق السهر لا طال
معي بكل يوم وليله اقرب من اظلالي

..

تنام بعيوني فارعه ماعليها شال
سترها الغلا والخوف من عين عذالي

..

وفجأه بلا موعد صحينا على زلزال
اخذ كل شي ولا ترك غير غربالي

..

بقا بيننا يمكن تواصل بقايا وصال
تجيني بعد مده تدور عن اوصالي

..

مجرد سلام ومانسيتك وكيف الحال
هذا آخر الغالي وحقه وهو غالي

..

واذا مر وقت ولا لفى منها مرسال
وبديت التفت عن حالها شوي في حالي

..

عن اللوم والشرهه رسايل علي تنهال
من يدينها واحسها تسولف قبالي

..

يقولون : مايبكي على المقفيه رجال
وانا اقول : جعل قلوبهم مالها والي

..

على وين ماراحت اسوق القدم رحال
اخيل المدى والدرب موحش وبلحالي

..

ادور حدر غيمة مواعيدها همال
ولا شفت منها غير موعد مع اهمالي

..

خلاص انتهينا مابقا للسنين آمال
بعد ماقِصر مرسالها مات مرسالي

..

هي الحين صارت راعية بيت وام عيال
وانا الحين مثل اول على خبرها حالي




http://www.4shared.com/audio/oDLPEVcY/_______.html
الــهــنــوف
05-09-2010, 02:39
االله عليك يا سلامه
إنتقاء ولا أروع
صح لسااان شاعرها
وصح إحساسك العذب ياذوق
سلامه العايد
05-09-2010, 03:00
الــهــنــوف


االله عليك يا سلامه
إنتقاء ولا أروع
صح لسااان شاعرها
وصح إحساسك العذب ياذوق

صح بدنك والاروع تواجدك وطلتك لاعدمتك .. شاكر لك على هالحضور وفقك الله.
علوش الفضلي
06-09-2010, 10:14
اختيار رائع أخوي سلامه

قصيدة رائعة وأداء رائع

الله لايهينك
سلامه العايد
05-10-2010, 07:07
علوش الفضلي


اختيار رائع أخوي سلامه

قصيدة رائعة وأداء رائع

الله لايهينك

ولا هان مغليك , والاروع تواجدك وطلتك الجميلة وفقك الله.
إيمان الجراي
06-10-2010, 02:22
سلامه العايد

اختيار رآآآآآئع كالعاده

تسلم يمناك ع النقل
بنت ارجال
08-10-2010, 06:41
http://www.youtube.com/watch?v=RiVpYIl8Dvc&feature=related

اهداء للى وللي نسوونى سلامة العايد
سلامه العايد
09-10-2010, 03:47
بنت ارجال


http://www.youtube.com/watch?v=rivpyil8dvc&feature=related

اهداء للى وللي نسوونى سلامة العايد

ياهلا ومرحبا فيك وحنا مانسيناك والحمدالله على السلام ومن طول الغيبات جاب الغنايم

ياهلا فيك مره اخرى واشكرك على هذه الاطلاله وفقك الله

دمتي بود.
حفيد مانع
10-10-2010, 12:11
متابع لك ولجديدك

ياصاحب الذوق الرفيع
سلامه العايد
10-10-2010, 09:08
حفيد مانع


متابع لك ولجديدك

ياصاحب الذوق الرفيع

اشكرك اخي العزيز على هذه الاطلاله وفقك .. دمت بود.