وضحى

[عريب الجد]

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

يا جماعة الخير بغيت منكم مساعده خويي الله رزقه وجاته بنيه:banana::banana::banana:
وهو محتار وش يسميها قلت له أترك عنك هالأسماء الجديده
في أسماء قديمه كلها أصاله وبنفس الوقت حلوه وشرت عليه
يسميها وضحى :34_f:

شرايكم بالأسم ؟؟ وإلي عنده أسماء بنات حلوه :24_f:بس بشرط تكون قديمه
يكتب الأسماء
ولكم جزيل الشكر

[قريشي بني خالد]

اقتباس:
المشاركة الأصلية كتبت بواسطة قريشي بني خالد http://www.alfothool.com/vb/fodol/buttons/viewpost.gif (http://www.alfothool.com/vb/showthread.php?p=309963#post309963)


بديت نظم القاف شده بوضحـا =وانا على لعب الطواريق قاوي
ياحسرتي وان كان خلي تنحـا =ياكبرويلي كان للبعـد نـاوي
ياصاحبي ارجوك بي لاتشحـا =ارحم جريح طاح يشكي شكاوي
يـاوالله الاملزما"جـد لـحـا =وانا ادري الفرقا وراها بـلاوي
حيرتني والقلب يـزداد جرحـا =وزادت بهاذيل الجريح الشقاوي
خذالصحيح وكل صـح يصحـا =محمدشكى ظيم الدهر يالقساوي
ناديتكم لما غدا الصـوت بحـا =تقطعت دونك جميع الرجـاوي
مدري الخبـر دارك ولابرفحـا =مدري حجازيـا" ولاحسـاوي
واختم سلام به من الطيب لفحا =يهدى لكم سلام منـي هـداوي


تحيات القريشي لكم

http://www.alfothool.com/vb/showthread.php?t=28828

[راعي العليا]

عريب الجد

وعليكم السلام ورحمة الله وبركاته

في البداية وصل خوييك تهنئتنا له بالمولودة وجعلها الله من عبادة الصالحين يارب

اسم وضحى حلو ومنتشر

ومن الاسماء القديمة

لولوه ,,شفيا ,,ميثا ,, مزنه ,, رفعه ,, منيرة ,, نورة ,, شيخة ,, هيا ,, الدانه ,, الجازي

واذا تبي بعد نزيد زدنا

[عريب الجد]

مشكور أخوي راعي العليا

[قريشي بني خالد]

هذي قصيدتي قبل لاتحط موضوعك

http://www.alfothool.com/vb/showthread.php?t=28828

[عريب الجد]

مااقدر أقولك غير صح لسانك
وعشان هالقصيد في وضحى بلزم على خويي يسمي بنته بهالأسم هههههه

[قريشي بني خالد]

اقتباس:
المشاركة الأصلية كتبت بواسطة عريب الجد http://www.alfothool.com/vb/fodol/buttons/viewpost.gif (http://www.alfothool.com/vb/showthread.php?p=310159#post310159)
مااقدر أقولك غير صح لسانك

وعشان هالقصيد في وضحى بلزم على خويي يسمي بنته بهالأسم هههههه




ابي والله تكفى


والله لاسمي الكون كله على اسمك=وروحي وما تملك تره من فداتك
على اركابي يالقضي شوف وسمك=خليتها تسرح نواحي جهاتك
دونك يميني يالقضي مد خمسك=وامسح دموعاٌ نازله من جفاتك
يعلها ماتغيب بالكون شمسك=وجعلك سعيد مهتني في حياتك

[حمد سعد]

الف مبروك

اكتفيت
راعي العليا

وفى وكفا

[عريب الجد]

ألف شكر أخوي حمد سعد على مرورك

[حمد سعد]

توه جايه على بالي
خديجه وعائشة وساره وموزه ونباته ومريم وهياء ولطيفه

[هاوي احتراف]

الجوهرة،،،،،،، اسم حلووووو وقديمو،،،،،،

[حاتميه]

عليكم السلام ورحمة الله وبركاته
مبرووووك المولوده لـ صاحبك .. وعقبالك
الله يصلحها ويجعلها من مواليد السعاده
ما شاءالله انت وياه بتسمونها وامها وين مكانها من السالفه ههه
بس زين ذوقك حلو .. واهم شي في الاسم المعنى
واولاً واخيراً الشخص يجمل اسمه

شاكره لك عريب الجد

تقديري ..؛

[إيمان الجراي]

وعليكم السلام ورحمة الله وبركاته

عريب الجد بلغ تهانينا لصاحبك والله يجعلها من مواليد السعاده
ومن حفظة القرآن

[العذووب]

الف مبروك المولوده

سموها العنووووووووووود

[احمد القريع]

عريب الجد

وعليكم السلام ورحمة الله وبركاته

في البداية وصل خوييك تهنئتنا له بالمولودة وجعلها الله من عبادة الصالحين يارب
وانا اقول اختار الاسم انشالله يكون
خوش اسم
خديجه
او
عايشه
او
فجر