أسد الفضول
22-02-2011, 03:22
بسم الله الرحمن الرحيم
السلام عليكم ورحمة الله وبركاته:
الأمير / جـعـيــلان بن نايـف بن ســــــويط وناقة ابن وازع الجبلي ............
في زمان الشيخ / جعيلان بن نايف بن ســويط كان فيه شخص اسمه حمد بن وازع من الجبلان من مطير
صارت عليه مشكلة مع بني عمه المطران وجلا يم السويط وجاورهم مدة مهيب قليلة من الزمن
وقام السويط باكرام ابن وازع غاية الاكرام واحسنوا مقامه عندهم وتقريب مجلسه في مجالسهم وكانوا
يدارون خاطره وهذي عادة الظفير من اول وتالي وهذا سلم العرب الخوي والجار له اكبر الحقوق عندهم
وبعد كم سنه انتهت سالفة ابن وازع مع بني عمه ورجع لدياره .....
وبعد فترة ارادوا مطير ان يغزوا على الظــفير وكانت عند ابن وازع ذلول مشهورة وطيبة وعنده تسوى ربع
مطير من غلاها وطيبها في نفسه وكان ابن عمك ياحمد بن وازع يريد ان يشترك بالغزو على الظفير لكن
ماعنده ذلول وذهب لابن عمه حمد وطلبه ان يعطيه ذلوله الطيبة علشان يغزي عليها فرفض ابن وازع ان
يعطيه لانه يرى ان الظفير والسويط خاصة لهم موقف طيب سابق معه فحلف له ابن عمه انه مانيتهم
الظفير .. المهم خذا الذلول وغزوا الظفير وصارت المعركة وينكسرون مطير شر كسرة اكسروهم الظفير
وذبحوهم وخذوا حلالهم ومن بين الكسب ذلول ابن وازع الطيبة .....
وجابوها الظفير للامير / جعيلان بن نايف بن ســويط رحمه الله لانها اطيب ناقة وارادوا ان تعطى لشيخهم .....
فلما سمع حمد بن وازع الجبلي بالعلم ركب ونصا ابن سويط يطلب ذلوله اللي خذوها الظفير
مع علمه ان الذلول المغيره لا تعاد ، فتوسل اليهم بهذه القصيده المؤثرة قال حمد :
ياراكب من فوق فـج العضـودي
قطم الخفوف ومبعدات المصابيـح
مـا كعمـوا مرباعهـن بالنفـودي
يرعن بالصلب الحمر والصحاصيح
ثلاثة اشهـر مااوجسـن البـدودي
يتلن اخو هيـلا وهلهـن مصاليـح
وان روحن يشدن بيض الخـدودي
ليا زان موماهن وصكتهـن الريـح
حثوا عليهن من رقـاق الحيـودي
حثوا عليهن بالسـرى والمصابيـح
تلفـون بيـت للقبايـل عـمـودي
ابو غنيـم اللـي عليـه التماديـح
جعيلان بن نايف عريب الجـدودي
كل المشاور غير شـوره مدابيـح
اشقر خفيف الريش ماهو جـرودي
من ماكر تظهـر تبوعـه ذوابيـح
لازم تجون احمود *حرز الشرودي
فكاك بالضيقـات شقـح ملاويـح
وابكرتـي مـن بينكـم يالجنـودي
راحت فوت ماجا عليهـا سواميـح
وابكرتـي وان وردوا للـعـدودي
تشرب صراة العد ما تنقر الريـح
من يـوم نوخـت امهـا للقعـودي
واليوم عوصا تسبق الفطـر الفيـح
قصيركم من يـوم بنيـت عمـودي
معكم ولد واليـوم شيبـي ملاويـح
عنزتهـا حيـد طويـل الحيـودي
والرس ما يسقي الظوامي الى ميح
من طاع هرج المنسدح والحسودي
يموت ما يقوى على هبـت الريـح
ويوم سمع ابن سويط هالقصيدة قال ياحمد والله ان مالك حق عندنا ذلولك مغيرة علينا وخذناه
بحد السيف المصقل لكن عن قصيدك بنا وقصرتك وخوتك لنا تستاهلها ..عطوه ذلوله يالظفير ...)
فادوها الظفير ذلوله له ورجع بها لربعه وديرته ولم ينسى طيب ال سويط وفعلهم الغانم
اللي يسطر بماء الذهب ... فهذي شيم الكرام والطيبيين اعلومهم طيبه وتنومس اللي يسمعها ..
وماهيب غريبة على قبيلة الظفير.....
مع التحية والاحترام......
الشعطاني الظفيري.....
السلام عليكم ورحمة الله وبركاته:
الأمير / جـعـيــلان بن نايـف بن ســــــويط وناقة ابن وازع الجبلي ............
في زمان الشيخ / جعيلان بن نايف بن ســويط كان فيه شخص اسمه حمد بن وازع من الجبلان من مطير
صارت عليه مشكلة مع بني عمه المطران وجلا يم السويط وجاورهم مدة مهيب قليلة من الزمن
وقام السويط باكرام ابن وازع غاية الاكرام واحسنوا مقامه عندهم وتقريب مجلسه في مجالسهم وكانوا
يدارون خاطره وهذي عادة الظفير من اول وتالي وهذا سلم العرب الخوي والجار له اكبر الحقوق عندهم
وبعد كم سنه انتهت سالفة ابن وازع مع بني عمه ورجع لدياره .....
وبعد فترة ارادوا مطير ان يغزوا على الظــفير وكانت عند ابن وازع ذلول مشهورة وطيبة وعنده تسوى ربع
مطير من غلاها وطيبها في نفسه وكان ابن عمك ياحمد بن وازع يريد ان يشترك بالغزو على الظفير لكن
ماعنده ذلول وذهب لابن عمه حمد وطلبه ان يعطيه ذلوله الطيبة علشان يغزي عليها فرفض ابن وازع ان
يعطيه لانه يرى ان الظفير والسويط خاصة لهم موقف طيب سابق معه فحلف له ابن عمه انه مانيتهم
الظفير .. المهم خذا الذلول وغزوا الظفير وصارت المعركة وينكسرون مطير شر كسرة اكسروهم الظفير
وذبحوهم وخذوا حلالهم ومن بين الكسب ذلول ابن وازع الطيبة .....
وجابوها الظفير للامير / جعيلان بن نايف بن ســويط رحمه الله لانها اطيب ناقة وارادوا ان تعطى لشيخهم .....
فلما سمع حمد بن وازع الجبلي بالعلم ركب ونصا ابن سويط يطلب ذلوله اللي خذوها الظفير
مع علمه ان الذلول المغيره لا تعاد ، فتوسل اليهم بهذه القصيده المؤثرة قال حمد :
ياراكب من فوق فـج العضـودي
قطم الخفوف ومبعدات المصابيـح
مـا كعمـوا مرباعهـن بالنفـودي
يرعن بالصلب الحمر والصحاصيح
ثلاثة اشهـر مااوجسـن البـدودي
يتلن اخو هيـلا وهلهـن مصاليـح
وان روحن يشدن بيض الخـدودي
ليا زان موماهن وصكتهـن الريـح
حثوا عليهن من رقـاق الحيـودي
حثوا عليهن بالسـرى والمصابيـح
تلفـون بيـت للقبايـل عـمـودي
ابو غنيـم اللـي عليـه التماديـح
جعيلان بن نايف عريب الجـدودي
كل المشاور غير شـوره مدابيـح
اشقر خفيف الريش ماهو جـرودي
من ماكر تظهـر تبوعـه ذوابيـح
لازم تجون احمود *حرز الشرودي
فكاك بالضيقـات شقـح ملاويـح
وابكرتـي مـن بينكـم يالجنـودي
راحت فوت ماجا عليهـا سواميـح
وابكرتـي وان وردوا للـعـدودي
تشرب صراة العد ما تنقر الريـح
من يـوم نوخـت امهـا للقعـودي
واليوم عوصا تسبق الفطـر الفيـح
قصيركم من يـوم بنيـت عمـودي
معكم ولد واليـوم شيبـي ملاويـح
عنزتهـا حيـد طويـل الحيـودي
والرس ما يسقي الظوامي الى ميح
من طاع هرج المنسدح والحسودي
يموت ما يقوى على هبـت الريـح
ويوم سمع ابن سويط هالقصيدة قال ياحمد والله ان مالك حق عندنا ذلولك مغيرة علينا وخذناه
بحد السيف المصقل لكن عن قصيدك بنا وقصرتك وخوتك لنا تستاهلها ..عطوه ذلوله يالظفير ...)
فادوها الظفير ذلوله له ورجع بها لربعه وديرته ولم ينسى طيب ال سويط وفعلهم الغانم
اللي يسطر بماء الذهب ... فهذي شيم الكرام والطيبيين اعلومهم طيبه وتنومس اللي يسمعها ..
وماهيب غريبة على قبيلة الظفير.....
مع التحية والاحترام......
الشعطاني الظفيري.....