المساعد الشخصي الرقمي

مشاهدة النسخة كاملة : جديد.... شر البلية ما يضحك


محمد الفضلي
20-09-2004, 11:18
قصيده جديده للشاعر /نواف الغريزان
--------------------------------------------------------------------------------






بين نارك يالجبيـل وبيـن بـردك يالحفـر
راحت أحلى أيام عمري من رحيلٍ في رحيل

كل ما جاء الأربعاء حلّت طواريـه السفـر
ولّ يادرب الحفر ما بك عن الرمضاء مقيـل

ملّت عيوني من الخـط القديـم اللـي قفـر
كل ما عديت قريه قلت يا (مطولـك ليـل)

وأن تعومس خاطري لعنت أبو جـد الشفـر
لين ياصل منتهاه وتسمـع (لقيـره) عويـل

طايرٍ بين الرجاء والياس لو يضرب (كفـر)
رحت فدوه للزمان اللي ولا منـه حصيـل

الزمان اللي قعد لـي كنّـه الضابـط خفـر
كل ما أخطيت أبتدع لي من جزاه المستحيل

كل ذنبٍ من ذنوب الغـيّ ينسـى ..يغتفـر
غير ذنبٍ ما تركنـي ليـن عدابـي سهيـل

وكل غربه لو تطول ألاّ يجـي منهـا ظفـر
ألاّ أنا ما جبت غير الظيم من وقـتٍ بخيـل

يازماني وين مـن كبـر المشاريـه المفـر
خايفٍ شرهة قريب وخايفٍ ضحكـة هبيـل

ولا أنا شاللي حداني عن ربيع أهل الحفـر
غير شرهة صاحبٍ عدّاني حـدود الجبيـل

حيدر الزامل
20-09-2004, 03:09
كل ذنب من ذنوب الغي ينسى ويغتفر ...
غير ذنب ماتركني لين عدابي سهيل ...
الله الله صح لسانك ولسانه قصيده رائعه وتسلم يالفضلي ويسلم ذوقك ولاتحرمنا مشاركاتك الي تشرح الخاطر ..... وتكفى لاتبخل علينا بمشاركاتك وتراني اترقب متى تشارك يعني لو ماتشارك ترى بجيك وافقع وجهك .:D . واشكرك ثاني مرة على هالمشاركه والله لايحرمنا منك ولا من باقي العزوة .....

فارس الظلام
20-09-2004, 08:00
السلام عليكم

الاخ / الفضلي 1970

شي مو جديد عليك

دائما متعودين منك الجديد ، وتعودنا على مشاركاتك الحلوه والرائعه

الله يعطيك العافيه ، والى الامام دائما

زيد السالم
21-09-2004, 08:43
صح السانك يالغريزان

شكله دق مشاوير لين قال بس

بس يعجبني الشفر

محمد الفضلي
26-09-2004, 09:43
الشاعر الفضلي

لاا تفقع وجهي والا شي انت تامر امر طال عمرك عزييييييييييييز يابن العم

اخو حوشه


حياك الله يابن العم واشكر لك ردودك الجميله دائما


ابو مطلق


حياك الله يابو مطلق وحاظرين بنقل ما يسعدك واخواننا الاعضاء ...

الشفر راح وقتها انصحك بالفورد لا صرت بحلان ههههههه

عبدالله الفضلي
26-09-2004, 01:22
الفضلي 1970
صح لسانك ولسان الشاعر ابن العم نواف الغريزان ،
أنا قلت من طول الغيبات جاب الغنايم ،
يربي شيصبرنا للقصيده الجااااااااااااااااااااااايه .

محمد الفضلي
27-09-2004, 09:35
عبدالله الفضلي

حياك الله يابن العم بس لو اعرف انت منهو جان تمام

تحياتي لك واشكر لك ردودك

الأصيل
30-11-2004, 07:59
وين القصيده هي محذوفه ولا شسالفه
*** الفضلي 1970 فضلا لا أمرا تغيير هاللون في المشاركات القادمة
ومشكورين

محمد الفضلي
19-12-2004, 11:33
الاصيل

انت تامر امر اللون وغيرناه لك


تحياتي لك وتشكر على مرورك

الأصيل
19-12-2004, 01:36
يسلموووووووووووو اخوي الفضلي1970 على القصيدة

تو شفتها ماكانت تطلع معاي

مايامر عليك عدو ومشكور لتغيير اللون

وصح لسانك وصح لسان الشاعر / نواف العريزان

قصيدة حلوه

ومشكوووووووووووووور

محمد الفضلي
20-12-2004, 09:35
حياك اخوي الاصيل