المساعد الشخصي الرقمي

مشاهدة النسخة كاملة : يا خوي

بن غزي 2005
02-10-2006, 09:06
يا خوي

ياخوي كل ما قلت يالله ندى البر
معزتك مثل الفيافي طويله
بصدورنا لو ابعدة دار عن دار
راعي الوفا يبقى غلاه جميله
فتحت صدرك يا الوفي وافي الاشبار
منحتنا عذب الحنان بنهيله
وقفت ما خليت يا نسل الاحرار
موقفك ماهو يوم لاهوب ليله
اتعبت حالك في مساريح الاسفار
هيجنت تتبع للربيع ومسيلة
غيم نشاء بعد الذي صار ما صار
واستمطرت كل اليالي القليله
قلت اقبلت يوم اقبلت شحت(ن) دار
تغيرت دنياي تاه الدليله
حسيت بجروحي غدة كنها نار
تصلى فوادي لين بين نحيله
تغربت روحي انا الفكر بي حار
واستيسرت جمح الخيال وصهيله
مثل البحر في عالمه كل الاسرار
تبحر عيوني والمجادف خليله

منقوله لشاعر غير معروف

ولكم خالص تحياتي

اخوكم / بن غزي2005
لينا
02-10-2006, 09:20
صح اللسانك

ويعطيك العافيه على النقل الرائع

دمت بخير
ابوسيف
02-10-2006, 10:28
صح لسان الشلعر
وتسلم على النقل
بس عندي تعقيب على (هيجنت تتبع للربيع) وش تقصد ممكن (هي جنت)
وبس
بن غزي 2005
02-10-2006, 10:48
لينا

يعطيك العافيه على المرور وصح ابدنك

ابو سيف

يعطيك العافيه على المرور وصح بدنك

بس عندي تعقيب على (هيجنت تتبع للربيع) وش تقصد ممكن (هي جنت)

مالك لواء يا ابو سيف

المقصود فيها هيجنت يعني ركبت الهجن

ولكم خالص شكري وتقديري

اخوكم / بن غزي2005
ابوسيف
02-10-2006, 10:55
شكرا على سعة صدرك يا خوي
؟؟
03-10-2006, 02:08
صح السانك

الله يعطيك العافية
بن غزي 2005
04-10-2006, 12:17
مبارك السالم

يعطيك العافيه على المرور وصح ابدنك

لك خالص تحياتي

اخوك / بن غزي2005
فلاح القويماني
04-10-2006, 01:51
الاخ الغالي / بن غزي2005
السلام عليكم ورحمة الله وبركاته
بيض الله وجهك ان نقلت لنا هذه الابيات وانا عارف القصد انك ترثي اخوك وهو اخ عزيز نسال الله القدير ان يسكنه فسيح جناته ويغفر له ولاخواننا المسلمين والله نساله ان يرزقك الصبر والسلوان
ولكن في قصيده للشاعر للشاعر -فهد بن سعود بعد وفاة (اخيه) مسعود الغليسي نسال الله القدير ان يسكنه فسيح جناته ويغفر له ولاخواننا المسلمين
يقول فيها

انا اللي من اللوعات صرت صويب***جريح من ضروف الزمان عطيـب

حزين على من فرق الوقت شملهم****وذا الوقت منه المترفيـن تشيـب

محا الله دنيا ماتقدر هـل الوفـاء***لها السود مـادام الهـلال يغيـب

تجرعت انا منها من السم ماصفـا***وتخصنـي بفـراق كـل حبييـب

راحت بإبي وعوال عمـي خمسـه***وعمامـي اللـي يتعبـون النيـب

ومن بعدهم راحـت بقـرم وافـي***راعي الجناب الزيـن والترحيـب

انا بشهد انها ماتعوض خسارتي***ولاعـاد ينفعنـي دوا الطبـيـب

وسود الليالي مقبـلات فجوعهـا***نعى الله وقت صـار لـي طليـب

احزنا بعد مسعود والحزن مانفـع***ولافـاد دمـع قـام لـه صبييـب

اخفي جروحي والعبايـر تخونـي***وصدري من الضيقات لـه نحيـب

ومن لايحزن لافقـد لـه صميـدع***واش عاد يبغى المقبـلات تجيـب

واناعلى مسعود ببكـي وباحـزن***وجرح بقلبـي ماانتظـره يطيـب

بيبطي وهو بيـن الضمايرمكانـه***يـروع الفـواد وللمنـام حريـب

مسعود صنديد ومن راس مشكـل***ورايه لصعبـات الامـور يصيـب

عزوم وعزمـه مايشابـه لغيـره***ولاهو يسمي الصعـب بالصعيـب

اشـوف المرجـل كلهاملـك كفـه***وقلبه على قطع الفجـوج نجيـب

فلو الدفـن ماسنـه لنـاالله سنـه***والله مايـدفـن وانــا قـريـب

فرجواي للي نزل الغيـث للثـرى***ان في جنان الخلـد لـه نصيـب

وانه معى اللي في الارائك مصيرهم***يـارب يلـي للـدعـاة مجـيـب


وأسئل الله جلت قدرته أن يرحم الفقيد ويدخله فسيح جناته ويجعله من الناجين .
زيد السالم
04-10-2006, 02:09
صح الله اللسان من قالها

وتسلم يمينك يابو نايف

الله يرحم اخونا تركي ويدخله فسيح جناته اللهم امين
بن غزي 2005
04-10-2006, 02:52
ابو عبدالعزيز

جزاك الله الف خير ووافي يا ولد الاجواد

ومن لايحزن لافقـد لـه صميـدع***واش عاد يبغى المقبـلات تجيـب

تسلم يمينك وصح اللسان الشاعر والله يغفر لاموات المسلمين اجمعين


لك خالص تحياتي

اخوك / بن غزي2005
بن غزي 2005
04-10-2006, 02:53
ابو مطلق

صح ابدنك

وجزاك الله الف خير


لك خالص تحياتي على المرور الطيب

اخوك / بن غزي2005
ReeM
04-10-2006, 04:11
صح لسانك
وتسلم على النقل
بن غزي 2005
04-10-2006, 08:31
صوت الامل

صح ابدنك

وتسلمين على المرور والتعليق

لك خالص تحياتي

اخوك / بن غزي2005
AHMADOV
04-10-2006, 09:23
بن غزي 2005

صح لسانك ولسان من قالها

والله يرحم جميع اموات المسلمين ويغفر لهم

لا خلا ولا عدم يا ابن العم


فلاح القويماني

صح لسانك ولسان الشاعر

دائما تكون باختيارك موفق

دمت بعز يالغلا
بن غزي 2005
04-10-2006, 10:54
AHMADOV

صح ابدنك

وجزاك الله خير

واسعدني مرورك الكريم

لك خالص تحياتي وشكري

اخوك / بن غزي2005