طلاسم الشعار(سلمان العنزي)

[صقر السعوديه]

احد قصيدي حبيت ان انقلها لكم اتمنا تحوز على رضاكم

الـشـعــر وشــعــور ابــن ادم والاحــســاس
بـالــذنــب والا بــارتــاب الـجــريــمــــه


ومـخـافـة الـرحـمــان وادغــــاث وسـواس
وابـليـس وافـكار الـضـمـيـر الـسـلـيـمـه


مـــرات تـوردنــي عـلــى عــــد الافــــلاس
ومـــرات تنحـيـبـي عـلى شـداد ريــمــه


روض الـفـرح والـلي ارسـله حزن عـساس
هـلــت عـلـيـه مــــن الـهـواجـيـس ديــمــه


والابـتـسـامـه بــيــن حـبـســات الانــفـــاس
ضـحـكـت حـزيــن وشـــاف دمـعــه يـتـيـمـه


هـواجــس(ن) تـعـانــق(ن) داخــــل الــــراس
تـوحــي لنـفـسـي بـيــن نـفـســي غـريـمــه


طـــواري(ن) نضـربـهـا اخــمــاس واسـداس
مــاتــطــري الا لـلـعــقــــول الـفـهـيــمــه


يـاخـاطــري ابـنـشــدك وش بــلــى الــنــاس
رحـيـلـهــم مــثـــل شــديـــد الـمـقـيـمـه


الـــلاش شـيــخ(ن) سـيـرتـه فـــوق نـبــراس
والـشــيــخ ذل وذاق طـــعـــم الـهـزيــمــه


هـــو واقـعــي والا هـــي احــــلام نــعــاس
فـسـرتـهـا واخـتـرتـهــا لـــــي نـديــمــه


لعـب البـيـوت ابـكى الـفـرح فـــوق قـرطاس
تـبـكي مـشـاريــه الــزمــن مسـتـضـيـمـه


طـــــــــــلاســـــــم الشعار ونغمات واجراس
تبين من خلـــــف القــفول الحـــكيمه


يـرجـي الصـبـاح يبـيـن فـي وقـت الادمـاس
مـحـبـط ولــــو انــــه قــــوي الـعـزيـمـه


يـاخـاطـري مـانــي عـلـى الـقــدر مـلااس
ادفـن ثــرى واضـفـي عـلى الـبـدرغـيـمـه


الـســوق صـــار لشـيـمـة الـرجــل مـقـيــاس
ارقــــام بـالـشـاشـه مــاهـــي مسـتـقـيـمـه

مــثــل الــذهــب والا بـلاتـيــن ونــحـــاس
سـهــم الـمـعــادن مــالــه ايــــات قـيـمــه


طــار التـنـك والـلـي نـــزل سـعــر الالـماس
سـهــم طـــرح سـهــم الـحـجــار الـكـريـمـه


لمـحـة فـــلاش فـــي دجـــى لـيــل غـــلاس
ماشـافـهـا مــــن هــــو بـعـيـنـه كـريـمــه


اطــو الامــل واطــرب شـجـن وابـعــد الـيــاس
واضـحــك عـلــى دنـيــاك ضـحـكـه الـيـمــه




اخوكم سلمان العنزي

[أبــرار]

أبدعـــت قريحتك ياسلمان صح منطوووقك
عشت ولا هنت..تسلم ايدياتك
وبأنتظار جديدك

[علوش الفضلي]

ياهلا بك أخوي سلمان العنزي

قصيدة جميلة وإحساس عذب

صح لسانك وسلمت يمناك

[صقر السعوديه]

صحت ابدااااااااانكم


الله لايهينكم ردودكم قمر الشرق على صفحتي



تحياتي لكم


اشكركم بحتراااااااااااااااااااااااااااااااااامــــ

[البــرنوو]

الـــلاش شـيــخ(ن) سـيـرتـه فـــوق نـبــراس
والـشــيــخ ذل وذاق طـــعـــم الـهـزيــمــه
///////////////////////////////////////////

صـــح لساااااانك واعتلا شانـك
ابيات رووعه..

[صقر السعوديه]

صح بدنكــ الله لايهينكــ


مروركــ قمر الشرق على صفحتي


لاهنتي اختي



اشكرك بحتراااااااااااااااااامــــــــــــــ

[شموخ الجموح]

الله الله

صح لسانك ولاهنت ياسلمان العنزي

ابدآآآآع ماشاء الله عليك

ابيات جزله ‏

سطوور متقنه

سلمت يمنآآآك وسلم احساسك،،،،،،

[صقر السعوديه]

صح بدنكــ الله لايهينكــ


مروركــ قمر الشرق على صفحتي


لاهنتي اختي



اشكرك بحتراااااااااااااااااامــــــــــــــ

[غلانفسي يكفيني]

قصيده في قمة الروعه
تسلم اخوي سلمان
ماننحرمش

[صالح الدعفس]

سلمت وسلم لنا منطوقك يالغالي .


صح الله للسانك .

:)

[صقر السعوديه]

الله لايهينكم


اخواااااااااااااني


غلا نفسي يكفيني


صالح الدعفس



اشكركم بحتراااااااااااااااااامــ