معاند الوقت
19-10-2006, 07:44
هذي طول الله عمركم سالفة ابن نمر القحطاني والامير محمد بن رشيد امير حايل رحمة الله عليهم ، والسالفة طول الله عمركم : كان فيه واحد اسمه ابن نمر القحطاني وحل قصير على ابن رشيد يا بعد حيي يابن رشيد وبناله ابن رشيد بيت جنب بيته واكرمه وقدره على ربعه من الطيب اللي شافه فيه وهذا اثار غيرة جماعة ابن رشيد منه وحقدوا عليه المهم وافقت ذاك اليوم سرقة خزنة ابن رشيد قالوا هين يالقحطاني جابه الله وراحوا عند ابن رشيد وقالوا ان اللي سرقها ابن نمر القحطاني المهم الهرج وصل ابن نمر القحطاني عن اللي صار ما انتظر حتى يدعيه ابن رشيد على طول راح لابن رشيد دخل عليه بالمجلس وسلم عليه وقال القصيدة التالية يبين فيها برائته من التهمة هذي والقصيدة يقول فيها :
الهرج لا من كثر بيضيع مجراه = سجوا به العقال والجاهليني
مالي على الخايب دليل ن ابنصاه = مشروهنا والله على الطيبيني
والله والله يا مخاليق والله = يقنع بها الطالب من المطلبيني
هرج ن وقع في عرضنا ما فعلناه = وانه علي ظلم ن من الظالميي
لو الذرا من صوبنا ما فتقناه = ولا نويق بغرة الغافليني
وثوب الخنا لو مشخص ن ما لبسناه = يكرم عليك من الخنا يا يميني
يوم سمع ابن رشيد القصيدة اكرمه وقدره زودن على تقديره له اول ، وباروا جماعة ابن رشيد بعملهم ، وسلامتكم .................
اخوكم : معااااند ااالوقت
الهرج لا من كثر بيضيع مجراه = سجوا به العقال والجاهليني
مالي على الخايب دليل ن ابنصاه = مشروهنا والله على الطيبيني
والله والله يا مخاليق والله = يقنع بها الطالب من المطلبيني
هرج ن وقع في عرضنا ما فعلناه = وانه علي ظلم ن من الظالميي
لو الذرا من صوبنا ما فتقناه = ولا نويق بغرة الغافليني
وثوب الخنا لو مشخص ن ما لبسناه = يكرم عليك من الخنا يا يميني
يوم سمع ابن رشيد القصيدة اكرمه وقدره زودن على تقديره له اول ، وباروا جماعة ابن رشيد بعملهم ، وسلامتكم .................
اخوكم : معااااند ااالوقت