قصيدتي في الشيخ / هزاع أبا الروس العنزي .. في مزاين الأبل

[طرقي]

السلام عليكم ،،،،،،



عقب دحوا الويلان ياصوتي المبحوح
لزوم ن نشارك وايل ونكسر الجربه

لو ان مالي بوايل ولاكنهم *'asd'بالروح
و أبا الروس رجالٍ نماري و نفخر به

سلامي سلامٍ شايله في سفينة نوح
نيابه عن الشعار في داري الذربه

على اللي نماري به وبابه لنا مفتوح
تقل بابه ينادي على من يجي دربه

نصيبه مع اهل الطيب مكتوب له باللوح
نشوفه بحر ونشوف خلق الله الجربه

معاه المراجل وين ماراح معه تروح
تجي مستهله فوق خاطره منطربه

لو ان ولد عايش ماهو بغبته سابوح
ماجاك الكثيري كله موكلٍ ربه

بعد زلة دلال المزاين وفاحت فوح
فـ ابا الروس فنجاله مع الروس يبشر به

ياراع *'asd'المواقف يوم ضوح البلاوي ضوح
مواقفك لا من وقف الوقت تثر به

دوّي الرعد فعلك وشوفك بروق تلوح
ويدّيك فـ الشدات ضرباتها ضربه

وانا ياحمام الايك *'asd'مدري حمام الدوح
لك الله ماغنيت فاضي ولا طربه

حزين ويقلبني زماني وانا مجروح
ولا راحت الضيقه تدرهم لي الكربه

تباح السدود لمثل شرواك يوم ابوح
يهود الليالي فجرت صبحي وصربـه*'asd'

رماح الليالي نكّستها قصار الشـوح*'asd'
وانا اللي يدين الوقت تومي له بحربه

يبا يفزع مطوطح يبا يفزع الطحطوح
ولو صد عني لي عيون وتبحر به

ذبحني حياي اللـي يكوح السنافي كوح*'asd'
ولا فادني لا شرق عمري ولا غربـه*'asd'

وانا جيت لك هالحين مدري لوين اروح*'asd'
مجي البحر لا مــده الله على التربـه