معاند الوقت
20-10-2006, 09:00
مساكم الله بالخير : وهذي سالفة فيها العديد من العبر واتمنى ان كل من يقراها يستفيد منها لو مارد علي هههههههه . المهم ، هذا واحد كان مديون وراكبه الدين من ساسه لي راسه وضاقت به الدنيا وصار يدور على حل لين جاء عند ناس وسالهم بعد ما شرح لهم وضعه عن واحد يدينه فلوس مشان يفك ازمته الله يكفينا وياكم شر الازمات ، المهم قالوا له مالك بعد الله سبحانه وتعالى الا هذاك الشايب ان ما عطاك بعد الله مالك حل . وراح لهذاك الشايب صاحب محل ودخل عليه الرجال وسلم عليه وقال له سالفته وعن حاجته لبعض المال سلفه على يردها بعد مده ، قال الشايب امرك سهل بس انا ابي كفيل ، قال الرجال الكافل الله ، قال الشايب والنعم بالله بس انا ابي اضمن حقي ، قال الرجال الضامن الله . قال الشايب الضامن الله بس لازم ترهن عندي شي اضمن به حقي قال الرجال والله ما عندي شي ارهنه وما جيتك الا انا ضاقت بي الحيله لكن تكفيك شعره من شعر وجهي _ (هذاك يوم شعر وجه الرجال غالي عليه يوم يقولون اللحية الغانمة )_ مو الحين الله يخلف ، على طول اقرب حلاق ولو يحصل تركي والا مغربي احسن من الهندي بس تراهم غالين ، ويالله يامحمد ابي تنعيم وجه يامال اللي .... المهم . قال الشايب للرجال ايه تكفيني شعره من شعر وجهك وكان الشايب ذيبن امعط لا يشق له غبار .. المهم الرجال وش سوى ،،، اعلمكم وش سوى بس انزلوا تحت شوي ولا عليكم كلافة ..........
7
7
7
7
7
7
7
7
7
7
7
7
7
7
7
7
7
7
7
7
قام الرجال وبالمشط او بيده مشّط لحيته لين نزلت منها شعره ميّته وسحبها وعطاها الشايب من حركة الرجال عرف الشايب ان شعر وجهه غالي عليه لانه ما نتفها نتف عطاه شعره ميته المهم الشايب اخذ الشعره ولفها بقطعة قماش وحطها بالصندوق عنده وعطاه الفلوس اللي يبها على انه يردها اذا حال الحول ... واخذ وراح الرجال وبعد ما حال الحول ( وتفرّق الضول ) مالها دخل ذا الكلمة مشوها ____ جاء الرجال للشايب سلم وجلس ما عرفه الشايب ناسيه المهم قال هذي فلوسك الله يجزاك خير ويوسع لك برزقك ويفرج لك مثل ما فرجت علي قال الشايب من انت ، قال الرجال انا اللي رهنت عندك شعره من شعر وجهي والا الشايب يتذكره ويعطيه الشعره وكل واحد راح بحاله
الا والله يجي هذاك الهتلي اللي ما يدري وين الله حاطه فيه جا يبغى سلف وراح لناس دلوه على الشايب وقالوا انه قد سلف واحد فلوس بضمانة شعره من شعر وجهه قال بس قالوا بس قال هانت ، جاء ودخل على الشايب وقال انه يبغى سلف قال الشايب ابشر بس ابي كفيل ، قال الرجال الكافل الله ، قال الشايب والنعم بالله بس انا ابي اضمن حقي ، قال الرجال الضامن الله . قال الشايب الضامن الله بس لازم ترهن عندي شي اضمن به حقي قال الرجال تكفيك شعره من شعر وجهي ؟؟ قال الشايب تكفي ،، ( ركزوا معي الحين ) قام الرجال الهدر ونتف عشر شعرات من لحيته مره وحده ،،يوم شاف الشايب سواته عرف ان شعر وجهه ماهو غالي عليه وقال هونت ما عندي سلف وشعر وجهك خله عندك قال ليه اجل تقول ابي من شعر وجهك قال الشايب ياولدي انت شعر وجهك ماهو غالي عليك ولو انا قايل انتف لحيتك كلها ما تاخرت ، لكن يالله سقها لا اتوطى الحين ببطنك لين تخالف عيونك الخلا الله ابو هالفرّه تقول قرد مخيم بالثمامة ههههه والله والرجال يسوقها ............
اخواني الافاضل اتمنى انكم استفدتوا من السالفه واعجبتكم ...... تقبلوا فائق احترامي وتقديري ..........
اخوكم : معااااند ااالوقت
7
7
7
7
7
7
7
7
7
7
7
7
7
7
7
7
7
7
7
7
قام الرجال وبالمشط او بيده مشّط لحيته لين نزلت منها شعره ميّته وسحبها وعطاها الشايب من حركة الرجال عرف الشايب ان شعر وجهه غالي عليه لانه ما نتفها نتف عطاه شعره ميته المهم الشايب اخذ الشعره ولفها بقطعة قماش وحطها بالصندوق عنده وعطاه الفلوس اللي يبها على انه يردها اذا حال الحول ... واخذ وراح الرجال وبعد ما حال الحول ( وتفرّق الضول ) مالها دخل ذا الكلمة مشوها ____ جاء الرجال للشايب سلم وجلس ما عرفه الشايب ناسيه المهم قال هذي فلوسك الله يجزاك خير ويوسع لك برزقك ويفرج لك مثل ما فرجت علي قال الشايب من انت ، قال الرجال انا اللي رهنت عندك شعره من شعر وجهي والا الشايب يتذكره ويعطيه الشعره وكل واحد راح بحاله
الا والله يجي هذاك الهتلي اللي ما يدري وين الله حاطه فيه جا يبغى سلف وراح لناس دلوه على الشايب وقالوا انه قد سلف واحد فلوس بضمانة شعره من شعر وجهه قال بس قالوا بس قال هانت ، جاء ودخل على الشايب وقال انه يبغى سلف قال الشايب ابشر بس ابي كفيل ، قال الرجال الكافل الله ، قال الشايب والنعم بالله بس انا ابي اضمن حقي ، قال الرجال الضامن الله . قال الشايب الضامن الله بس لازم ترهن عندي شي اضمن به حقي قال الرجال تكفيك شعره من شعر وجهي ؟؟ قال الشايب تكفي ،، ( ركزوا معي الحين ) قام الرجال الهدر ونتف عشر شعرات من لحيته مره وحده ،،يوم شاف الشايب سواته عرف ان شعر وجهه ماهو غالي عليه وقال هونت ما عندي سلف وشعر وجهك خله عندك قال ليه اجل تقول ابي من شعر وجهك قال الشايب ياولدي انت شعر وجهك ماهو غالي عليك ولو انا قايل انتف لحيتك كلها ما تاخرت ، لكن يالله سقها لا اتوطى الحين ببطنك لين تخالف عيونك الخلا الله ابو هالفرّه تقول قرد مخيم بالثمامة ههههه والله والرجال يسوقها ............
اخواني الافاضل اتمنى انكم استفدتوا من السالفه واعجبتكم ...... تقبلوا فائق احترامي وتقديري ..........
اخوكم : معااااند ااالوقت