الشعر ومشاكل مجتمعا تنا المعاصره .

[إبن لام الدويسي]

المشكلة الاجتماعية هي انحراف السلوك الاجتماعي عن القواعد التي حددها المجتمع للسلوك الصحيح.


أسباب المشكلة الاجتماعية /
سرعة التغير الاجتماعي.
ضعف الوازع الديني
التكامل الاجتماعي
مرور المجتمعات بأزمات اقتصادية أو سياسية أو غيرها

خصائص المشكلة الاجتماعية /
توافر رأي عام يجمع على ضرورة القضاء عليها.
ارتباطها بالقيم الاجتماعية
لها تأثير سلبي على المجتمعات.
ومن امثلتها الانحراف الفكري عند الشباب والشابات .
الادمان العنوسه الطلاق البطاله العنصريه
ما هو دور الشعر في عرضها المشاركه في حلها ننتظر مشاركة
الشعار خاصه ابناء العم
مرحباً الف
شكرا لمن أوحى لي بهذه الفكره .

[كبير بخت طويل بشت]

ولد العم الدويسي

أسعدك الله أين ماكنت

ماشاءالله تبارك الله فكرة رائعة

ألا ترى بأن المسئول الأول

بعد توفيق الله وهدايته هو

ولي الأمر في البيت من حيث

النشأة والتربية الحسنة والسلوك

والأخلاق ثم يأتي دور المدرسة

بعد ذلك

موضوع يستحق النقاش فعلا

شكرا لك ولمن أوحى لك بهذه

الفكرة حسب ماقلت

تقبل تحياتي .....

[شموخ الجموح]

تسلم ياعم على هالطرح

ويسلم راس اللي اوحى لك بهالفكره

وطبعا ياعمي مايحتاج انه نعيد ونزيد

الاساس السليم في مستقبل سليم

وبداية المشكله تبدا من البيت وتحديدا من اولياء الامور


واما بخصوص دور الشعر فالاكيد له دوووور كبيــــــــــــــــــــــــــــر

من وجهة نظري له تاثير على المتلقي

بس عاد ماعدت اشوف فيه متلقين كثير وهذا البلاء


دمتم بحفظ الرحمن ورعايته.......

[إبن لام الدويسي]

هههههه شموخ غششك ولد العم كبير غلط بس الدكتور سامحكم .
المطلوب ليس منا قشة الموضوع المطلوب من كل شاعر
يشارك بقصيده ويعالج بها بعض هذه الظواهر .
الغرامه قصيده منكم .

[شموخ الجموح]

ههههههههههههههههههههههه يعني توريطه

ياكبير لاهنت مره الجايه خلنا نغش منك صحيح لاتورطنا

يصير اورط صديق بدلا عني >> توهقت

[شموخ الجموح]

هههههههههه غشيت بسرعه وجيت ماقصر العم قوقل

هذي قصيده تحاكي موضوع الطلاق .......


لاعوّد الله سـاعة ٍ قـشـرى حـصل فيها طلاق = إبلـيـس بشــروره حضـر فـيها وصار الانفـصال
لو ماحـصـل بـيـن الأبــو والام ألـفه واتـفاق = سـؤال يـتـوجه لهم فالحـال وش ذنـب العـيال
وش ذنـب طفلٍ ينحرم من حضن امـه بالفراق = وش ذنـب طـفـلة ماتجـد أيّـة إجابه لـلـسـؤال
وش ذنب اسره تنهدم ويكون وضع الكل شاق = ويعـيش كل افرادها عقـب الهنا في خـسَّ حال
وش ذنـب زوجـه تـنـصدم ابـواقـٍع مر المذاق = وش ذنـب زوجْ يْعيش في وحده وغربه وارتحال
لاتـنـسوا الفضل الذي مابـيـنـكم رغم الشـقاق = والله سبحانه امـــرْ بـالصـلح واعـطاء لـه مجال
عودوا لـنـبض قـلوبكم وين الـولـه والاشـتـياق = ياشـيـنـها الـفـرقه عقـب ذيـك المـوده والوصال
لو كل من يقدم على هالفعل قبل الـنُطق فاق؟ = ماكان قـاعـات المحـاكم تـشــهد انـواع الجدال
ماكان صدر المجتمع من زود هالحالات ضاق = ارقــام وإحصاءآت تـثـبـت كـبر حجم الاختلال
ونـود نعرف من هـو المـسـئول عن قل الوفاق = هل هو سـبـب كيد النـساء ولاّ عدم صبر الرجال
من ياتـرى يقسي على الآخر وفي عشرته عاق = حتى نفذ صــبر الـشـريك وصـار مـالـه احتـمال
مـتـى تـعـامل كل زوجه زوجها باسلوب راق = متى يكون الــزوج أقــرب في الـتـعامل لـلكمال
متى متى 00نلحظ تقـدم واضـحٍ في هالسـياق = متى تكـون الأسـره أقــرب لـلهدؤ من الانفـعال
متى نسجل في سبيل إسعاد هالجيل إختراق = ونـقــول لـلأزواج والـزوجــات لا لـلإنـفـصال

[كبير بخت طويل بشت]

اقتباس:
المشاركة الأصلية كتبت بواسطة إبن لام الدويسي http://www.alfothool.com/vb/fothol2011/buttons/viewpost.gif (http://www.alfothool.com/vb/showthread.php?p=354478#post354478)
هههههه شموخ غششك ولد العم كبير غلط بس الدكتور سامحكم .
المطلوب ليس منا قشة الموضوع المطلوب من كل شاعر
يشارك بقصيده ويعالج بها بعض هذه الظواهر .

الغرامه قصيده منكم .

=======================

ولد العم الدويسي

أنا ماغشّشت أحد ولكن هناك

حاجة في نفس يعقوب

صحّ أو أنا غلطان

والحمدلله الغرامة سدّدتها

بنت العم شموخ جعلها تسلم

تقبلو تحياتي ....

[إبن لام الدويسي]

رد: الشعر ومشاكل مجتمعا تنا المعاصره .


هههههههههه غشيت بسرعه وجيت ماقصر العم قوقل

هذي قصيده تحاكي موضوع الطلاق .......


لاعوّد الله سـاعة ٍ قـشـرى حـصل فيها طلاق = إبلـيـس بشــروره حضـر فـيها وصار الانفـصال
لو ماحـصـل بـيـن الأبــو والام ألـفه واتـفاق = سـؤال يـتـوجه لهم فالحـال وش ذنـب العـيال
وش ذنـب طفلٍ ينحرم من حضن امـه بالفراق = وش ذنـب طـفـلة ماتجـد أيّـة إجابه لـلـسـؤال
وش ذنب اسره تنهدم ويكون وضع الكل شاق = ويعـيش كل افرادها عقـب الهنا في خـسَّ حال
وش ذنـب زوجـه تـنـصدم ابـواقـٍع مر المذاق = وش ذنـب زوجْ يْعيش في وحده وغربه وارتحال
لاتـنـسوا الفضل الذي مابـيـنـكم رغم الشـقاق = والله سبحانه امـــرْ بـالصـلح واعـطاء لـه مجال
عودوا لـنـبض قـلوبكم وين الـولـه والاشـتـياق = ياشـيـنـها الـفـرقه عقـب ذيـك المـوده والوصال
لو كل من يقدم على هالفعل قبل الـنُطق فاق؟ = ماكان قـاعـات المحـاكم تـشــهد انـواع الجدال
ماكان صدر المجتمع من زود هالحالات ضاق = ارقــام وإحصاءآت تـثـبـت كـبر حجم الاختلال
ونـود نعرف من هـو المـسـئول عن قل الوفاق = هل هو سـبـب كيد النـساء ولاّ عدم صبر الرجال
من ياتـرى يقسي على الآخر وفي عشرته عاق = حتى نفذ صــبر الـشـريك وصـار مـالـه احتـمال
مـتـى تـعـامل كل زوجه زوجها باسلوب راق = متى يكون الــزوج أقــرب في الـتـعامل لـلكمال
متى متى 00نلحظ تقـدم واضـحٍ في هالسـياق = متى تكـون الأسـره أقــرب لـلهدؤ من الانفـعال
متى نسجل في سبيل إسعاد هالجيل إختراق = ونـقــول لـلأزواج والـزوجــات لا لـلإنـفـصال

...
نجاح بامتياز شموخ كل كبير بركه صحه وخطاه .
الف شكر من كل اسره عانت من الانفصال لك
وللشاعر .

[إبن لام الدويسي]

اشهد الله ان اشراقتكم في كل موضوع تسعدني يا كبير وعليه لا اتردد في إسناد ما يروق لي على مداخلاتك
ومشاركتكم. ههه ولك دعوتنا بسدير جزاك الله خير .
غرامة ساهر سددت ننتظر من كبير نزاله الموضوع .

[كبير بخت طويل بشت]

اقتباس:
المشاركة الأصلية كتبت بواسطة إبن لام الدويسي http://www.alfothool.com/vb/fothol2011/buttons/viewpost.gif (http://www.alfothool.com/vb/showthread.php?p=354485#post354485)
اشهد الله ان اشراقتكم في كل موضوع تسعدني يا كبير وعليه لا اتردد في إسناد ما يروق لي على مداخلاتك
ومشاركتكم. ههه ولك دعوتنا بسدير جزاك الله خير .
غرامة ساهر سددت ننتظر من كبير نزاله الموضوع .

===================

ولد العم الدويسي

أسعدك الله أينما كنت وهداك

الغرامة تم تسديدها ولله الحمد

هذه الغرامة هل هي جائزة

شرعا أو مثل غيرها سدد أول

وبعدين قدم تظلم .

تقبل تحياتي ....

[إبن لام الدويسي]

يقول حكيم العوام خل بينك وبين النار مطوع يعني عالم
ابن
عمي ننتظر اسير الوفاء ويعلمنا

[كبير بخت طويل بشت]

اقتباس:
المشاركة الأصلية كتبت بواسطة إبن لام الدويسي http://www.alfothool.com/vb/fothol2011/buttons/viewpost.gif (http://www.alfothool.com/vb/showthread.php?p=354491#post354491)
يقول حكيم العوام خل بينك وبين النار مطوع يعني عالم
ابن عمي ننتظر اسير الوفاء ويعلمنا

=========================

ولد العم

رحم الله حكيم العوام

اعذرني إن كنت غلطت وأنا

ماقطعت إشارة ولاعكست شارع

ومازال الأمل بالله موجود

تقبل تحياتي .....

[ابن عباد]

السلام عليكم ورحمة الله وبركاته

يعطيك العافية ياعمي

ابوصالح

موضوع بالفعل رائع شيق ويستحق المناقشة فيه

اسعدني جدا مشاركات كبير و شموخ

مما لاشك فيه ان للشعر دور كبير في شتى
امور الحياة
كلنا نعلم كم من بيت من قصيدة اشعل فتيل حروب
و افترق حبيب عن حبيبه الخ...

ومن خلال موضوعك ياعم
اود ان ازف لكم مفاجأة جميلة جدا لها علاقة كبيرة بموضوعك الرائع
ان شاء الله سوف يتم الاعلان عنها عم قريب.

[إبن لام الدويسي]

ارحبو ولد العم كبير ما لك مخلاص نبي القصيده وطازه مقمره من تنور فكركم .

[إبن لام الدويسي]

يكفينا يا بوسالم مرورك ونبي مقدم نقدي قصيده من قديمك او جديدك .

[إبن لام الدويسي]

قصيده تحكي معاناة عاطل اجتهد وبحث ولا تيسر له عمل خليك نايم بفراشك لين تشبـــع
تمدد وغمض عيونك وتمتـــع

تلفلف زين وتلوى وتنطــــع

حط راسك على المخدة ولاتتمنــع

اندعس بفراشك مثل الفرخ المنقــع

نام نوم الهنا غير النوم ماينفــع

ماعليك من الدنيا خلها تتصرقـــع

لاتتعب نفسك ولاحلامك ارجــع

شخر بأعلى صوت محد راح يسمــع

أغطس بالنوم مثل الطفل اللي يرضع

واصل ياخوك مايصلح النوم المقطــع

واصل الى ثلاث بعد العصر او اربــع

وش عليك تغيب الشمس ولا تطلــع

لاحق على الدنيا لاتفز ولاتتخـــرع

تمغط وتقلب واحضن المخدة بالاربــع

تدفى بفراشك ترى البرد برة يصقـــع

النوم أحسن من اللي في الشوارع يتسكـع

النوم أحسن من اللي في قعدته ماينفـع

النوم أحسن من اللي على العاير يتربــع

لاتهتم غيرك يسحبها ثلاث ايام او اربــع

ماهو فايتك شي والرزق يروح ويرجــع

واذا تعبت جنوبك الظهر والبطن تفــزع

مايلومك الاحاسد النوم عنه تمنــع

لايهمك تلحف بفراشك وبنومك تمتــع

[ابن عباد]

يكفينا يا بوسالم مرورك ونبي مقدم نقدي قصيده من قديمك او جديدك .


اكون صريح معك ياعم

اكيد انت ملاحظ هذا الشيء من خلال مااكتبه

مااعرف غير قصايد الغزل والحب :rolleyes:

[كبير بخت طويل بشت]

اقتباس:
المشاركة الأصلية كتبت بواسطة إبن لام الدويسي http://www.alfothool.com/vb/fothol2011/buttons/viewpost.gif (http://www.alfothool.com/vb/showthread.php?p=354503#post354503)
ارحبو ولد العم كبير ما لك مخلاص نبي القصيده وطازه مقمره من تنور فكركم .

==============


ولد العم الدويسي

عسى الإختيار يرضيكم





قصيده للشاعر غازي الرويعي الحربي عن المخدرات

يالمدمن اللي بعت عمرك بدنياك
العمر واحد والسنين محســــوبه
لعبك الشيطان والصاحب اغواك
وخلوك وسط الناس مثل الجلوبه
ضيعت دينك يوم واصلت بلواك
وخليت عمرك يكتسي من ذنوبه
الله عطاك العقل مــيزه للادراك
والله جعل للعبـــــد بالذنب توبه
وامك وش لي ذنبها اللي تمناك
تلعاك طفل ونومها به صعوبه
ربتك تبي تالي العمــــر تلقاك
لان الدهر لامال تكثــر عيـوبه
تبي تذرابك عن الذل بحمـــــــاك
وتبي مع الجيــــران دوم محبوبه
وابوك يومه يتعب النفس لرضاك
يشري لك البسمه ولو بـــاع ثوبه
ياما سهر طول الليالي وعشـّــاك
وياما تغرب بالشمـــــال وجنوبه
حتى خياله لادبح الليل يرعــــاك
لو كان شرق الدار وانت بغروبه
واليوم بان الشيب والعــود ولاك
يبيك تقصــــــر عنوته في دروبه
وصاك في دينك وبالطيب وصاك
ويبي الهنا مثل العـــرب لاهتنوبه
واخوك يومنه على الطيب ينخاك
يبيك عزوه لانخـــــــوك ونخوبه
واختك تبيك لسترهاعــن هذولاك
من خوف يلحقها من الوقت كوبه
ولدك لاقابلك صبحك وممسـاك
يقول بسمي شـــف ابويه دعوبه
ويبي الدلع لوكان ماجيتله جـاك
يبي حنان وعطفهــــم لاعتنوبه
والزوجه اللي ماتحسب خطياك
تترك لك الغلطه وكبر العقـوبه
وطولت بالغيبه وكلن تحـــراك
وقلوبهم للباب وعيون صـــوبه
وقالوسجين وصاحت الام لاباك
قال اسكتي خطرٍعلى القلب نوبه
قام وتحيزم عقب ماذاق فرقــاك
يبي ستر بيتن غــــدت فيه هوبه
ولدك وسط السجن زارك وبكاك
وصارت به العقــده ثمانين نوبه
هذي حقيقه بالمخــــدر ومدراك
حشيش والهــــروين والاحبوبه
سمِ يهودي بين الاسلام فتــّــاك
يوم ان بالميدان فشلت حــروبه
حذراقبل تطيح حذراك حذراك
نفســـك عزيزه لاتصيرمغلوبه

=================

وهذه قصيدة للشاعر فلاح القرقاح عن المخدرات واضرارها...



لك المشتكـى يـارب مـن ضيقـةٍ فالبـــال
ضحاهـا غبـر وعصيرهـا مظلـمٍ حـالـك
لها مخرج واحد وخمسة عشـــر مدخـال
في بيتٍ بـه المستاجـر يضايـــق المالـك
سببهـا سوايـاك انـت يـاراعـي الـجــوال
عسى الله يليٌن قلبـك ويصلـح احــوالـك
تـعـذٌر بـعـذرٍ مايـعـذٌر عـلى ايــة حـال
وانا ادري وش اللي حدٌك تبيـع جوالـك
تبـي تشتـري لـك عـقـدةٍ مالـهـا حـــلاٌل
مـن نـجـي منـهـا يعتـبـر نـاجـيٍ هـالـك
تقـول البحـر مالـح لكـن العطـش قـتـٌّـال
وان اقول مفتاح الضياع انـت وامثـالـك
رح لظلـمـةٍ ماللنشـامـى بـهـا مـدهــــال
معك ناسٍ في نفس النفق مانت بلحــالك
ظـلال المخدر فالحقيقـة ماهو بـظــلال
لو انٌـه ينومـس ماجهـل عمــك وخالـك
يخليـك تشـري مـن يبيعـك بربــع ريـال
ويحٌطمك ليـن تقـوم تجفــل مـن ظلالـك
لــو يــوردك بحـبـال ويـصـدرك بحبال
يلبسـك ثـوبٍ خامـه اســــود مـن عقالـك
ومصيرك لو إنك من رجالٍ عيال رجال
تضيٌـع شرفـك ودينـك ومـــرزق عيالـك


إنشاءالله يعجبكم الإختيار والعذر

من الله ثم منكم عن التقصير

تقبلو تحياتي ....

[إبن لام الدويسي]

حشيش والهــــروين والاحبوبه
سمِ يهودي بين الاسلام فتــّــاك

...
يسلم الاختيار وصح لسان الشاعر آبيات في الصميم
الله يجزاك خير ابن العم كبير ويفك المسلمين وأولادهم من هذه الخبائث

[إبن لام الدويسي]

يخليـك تشـري مـن يبيعـك بربــع ريـال
ويحٌطمك ليـن تقـوم تجفــل مـن ظلالـك
لــو يــوردك بحـبـال ويـصـدرك بحبال
يلبسـك ثـوبٍ خامـه اســــود مـن عقالـك
ومصيرك لو إنك من رجالٍ عيال رجال
تضيٌـع شرفـك ودينـك ومـــرزق عيالـك
...

مشكور ابن العم صح تفردك باختيار الرائع المناسب عرف بالمشكله
وحذر منها بأسلوب مقنع .نفع الله به
وكل التحايا لشاعر الشباب وشاعر قحطان والوطن ولد العم فلا ح القرقاح .
جمل الله حالكم وطاب مسعاكم كبير بخت وفيت .