الموتـر اللـي

[ابن عباد]

من روائــع الشاعر الكبير محمد بن سعد الجنوبي



الموتـر اللـي مـرنـي باللـيـل=بعد العشاء يمشي على هونـه
في شارع الثقبه سقـاه السيـل=مـن مصنـعـه تــوه يمشـونـه
فيـه الحـلا والزيـن بالتكميـل=ياليـتـنـي قـايــد دركـسـونــه
لامن مشينا مع طلوع اسهيـل=ومرايـة الطبـلـون مـوزونـه
على الـذي خـده كمـا القنديـل=يـاواهـنـي مـنـهـم يعـرفـونـه
العيـن داعجهـا بـحـد المـيـل=تسلب عقـول اللـي يشوفونـه
يابـوجـديـلٍ لــفــة الـمـنـديـل=بالعـنـبـر الـغـالـي يـغـذونــه
حبـك سبـا قلبـي وزاده ويــل=مـن عطفكـم تسمـح تداوونـه
بشكي عليك الحال يابن شعيل=تـرى سبـب حالـي تعرفـونـه

[علوش الفضلي]

صح لسانك أخوي ابن عباد ولسان الشاعر

[كبير بخت طويل بشت]

ابن عباد

تسلم يمينك وصح لسان الشاعر وبارك

الله فيك ولك .

[شموخ الجموح]

صح لسانك ولسان شاعرها

سلمت يمنآآآآك ولاهنت ياولد العم...

دائما تمتعنا بكل ماهو ممتع ومميز ورائع

دمت بحفظ الرحمن ورعايته....

[إبن لام الدويسي]

صح لسانه وسلمت على نقل هذه القصيده

اظن ابن شعيل من حرمه لانهم دايم حاضرين
لربعهم ..

[ابن عباد]

صح ابدانكم ومن قال يسلم جميع

عمي ابوصالح اعتقد يمكن من صوبكم

بس ترى المقصود بالثقبة،تراها حي من احياء الخبر بالشرقية

وللقصيدة اكيد لها قصها

اعرف بحكم كنت من سكان الثقبة سابقا

ان الشارع الوحيد المزفلت شارع يسمى مكة وفيه وكالة السيارات
gmc

يقال قصة القصيدة ان سيارة جديدة مرت بذاك الشارع وبها

امرأة مع السائق وشاهدها الشاعر وصار حاير بين الموتر والجميلة.

القصيدة لها اكثر من 40 الى 45 سنة وان ماخاب ظني

شاعرها هو الفنان عايد عبدالله الله يرحمه.

[إبن لام الدويسي]

اكيد لكن عرب سدير لما ظهر البترول في
الشرقيه رحل كثير من رجالهم للعمل في
ارامكوا وهم ممن اسس الثقبه تقبة الخبر
ارحبو ابن عباد

[ابن عباد]

صدقت ياعم ابوصالح

ولايزال الكثير من اهل سدير متواجدين فيها (لهم مربع كامل مسمى بأسمهم)

مرحبا ومسهلا يابعدهم

[ناصر السيف]

ابن عباد


صح السان الشاعر


وعلا شانك


اختيار رائع


سلمت يداك


ودي واحترامي