ابو ذيات عراقيه

[عشيرة آل طالب]

السلام وعليكم ورحمة الله وبركاتة


ريد اغفى على ذراعك وانامن
كضينه الحب تمن انت وانامن
وحك عيناك نسيت اسمي وانامن
تهت ارجوك دليني عليه


غرامك بالكلب حافر وناقش
يلصرت نيران تحركني وناقش
اريد اكعد وياك ولك بس احجي وناقش
واكلك لشوكت تقسى عليه


صديجي الجان رايدني واريده
رخص دمه وكطع لأجلي وريده
صديجي الجنت أحبه وريده
شماله شوكطع وصله عليه

[إبن لام الدويسي]

حلوه ابو ايوب
وشكل هذا الطرق يلعب على المعاني المختلفه للكلمه الواحده وتوظيفها بشكل
ذكي متناغم

[عشيرة آل طالب]

مره اهيج ابسبب بـعدک مره تين
عنب من بستانک احوي مره تين
من تمر من باب بيتــــي مره تين
مره احيـــه و مره اوصل للمات


عيوني لا دمع بيهة ولا نور
وبعدك لا شمس تنفع ولا نور
مهند ما عشك مثلي ولا نور
ولا يحيى حمل مثلي اذيه



ابد ما طاعن ابظهرك ولا نام
علي رب العرش يشهد ولانام
صرت لا ليل اهجع بي ولا نام
ولا أكدر اكول اشصار بية

[اسامة كريم]

جميل جدا عاشت ادياتك

[ابن عباد]

حلو حلو يابعد عيني حلو

تسلم الايادي وصح لسانك اخوي خالد

امطرنا بكل رائع مميز دووم

يعطيك العافية يابعدهم

[عشيرة آل طالب]

السلام عليكم ورحمة الله وبركاته

وحق الي تعبده الناس وحده
حبك سلب مني الروح وحده
هذني ثنين وانت اختار وحده
لو ترحل لو تضل محبوب اليه


قرص نعناع خدك وانت هيله
الحسن بس لجنابك وانت هيله
تراب اللحد بيدك وانت هيله
ويظل اسمك حلو وغالي عليه

[عشيرة آل طالب]

السلام عليكم ورحمة الله وبركاته


نوح وغير نوحي مانساني
وبالشده يصاحب مانساني
بعسر حالي وحمده مانساني
الباري وبس أله مديت اديه



دليلي شكثر من فركاك عانه
ولا صحله صديج بيوم عانه
هواي اصحاب مايسون عانه
وقليله امثالك العدهم حميه



زماني بفركتك حزين .. حزنة
وعلى كل الحزن والنوح .. حزنة
تعال على الدليل وشوف ..حزنة
مغيم ما صفة ومخبوط ميّة

[شموخ الجموح]

خالد ايوب الزامل

سلمت يمنآآآآآك ولاهنت ‏

ابدآآآآآآآع بكل معنى الكلمه
احب هاللون كثير.......

ولي عوده ‏‏<‏‏<بحاول اسطر لي بوذيه هههه
عسى تضبط معي بس

[عشيرة آل طالب]

افرح لــو شفت وجهـــك وسر بي
وحـبـك ثـابـت بكـلبــــي وسر بي
شماطال الدرب امشيه واسر بي
واجـيـب الـروح لـعـيـونـك هـديـه




وزن حبك جبل حمرين واكبر
واظل اصرخ واصيح الله واكبر
لو تكبر بعد عشرين واكبر
يظل حبك رمز مكتوب بية



كلبي ماعشك غيرك ولامال
ومنك مازعل مرة ولا مال
حياتي انت وحلم روحي والامال
واجيب الروح لعيونك هدية

[إبن لام الدويسي]

مشكور ابن العم خالد ال زامل الفضلي

[عشيرة آل طالب]

السلام عليكم ورحمة الله وبركاته


وموكلمن تحبة بيه الوفا عنوان..
ولاكلمن ينكطع يعتبر جافي..

صدكني محبتك تمشي بالشريان..
ولكلبي نبع ..دومك تظل صافي..





الك مني سلام والف مرحب
شكثر مرت صداقة وشكثر مر حب
وحك الي طبر بالسيف مرحب
تظل انت صديق واخو اليه

[شموخ الجموح]

الله الله

تسلم يمنآآآك ولاهنت...

بسدح بوذيه فريش وسريعه.......


ذاك اليوم بالصدفه شفته
عض ايده مدري شفته
خلاني اضيع شفتي وشفته
الك فدوه يروح قلبي وعمري


‏<‏‏<ههههههههههه اتوقع انها ضابطه معي ؟؟؟

[عشيرة آل طالب]

السلام عليكم ورحمة الله وبركاته

تسلم ايدك اختي شموخ على هاي البو ذيه

سهول الناس عندي وانت راسي

سفن غركَت بحري وانت راسي

انت صديقي واخوي وتاج راسي

واعز منك ترى ماكو عليه


اخونه الباع من حكه وشرانه

واخذ بالراي من عدنه وشرانه

اصيرن نار لعيونه وشر انه

لون واحد يمسه بسوء نيه




تظل اوياك عشرتنه نظيفه

وشرف النه لون شخصك نظيفه

تعال وهمك الهمنه نظيفه

ونشيل اهمومنه بجف الخويه

[عشيرة آل طالب]

معزتك بالگلب ياصاح زلزال
ومن تزعل علينه يطيح زلزال
اكص لساني اذا وياك زل زل
واكص ايد اليقصدك بالاذية

[ابن عباد]

تسلم الايادي ابن العم يعطيك العافية

[طه الكبيسي]

غيرك ما حلى بعيني ولا....طاب
ولا دونك دخل كلبي ولا....طاب
جرحي وياك ما هود ولا ....طاب
دم ينزف والسبب..بعدك علي-
تقبلوا مروري اتمنى ان يعجبكم
اخوكم طه الكبيسي