قطعت بالطيب سبع ابحور وسبعة سماوات وياها(شيلة)

[بنتٍ لـِ آل غزّي]

السلام عليكم ورحمة الله وبركاته


اهديكم شيلة جميلة
جمع فيها الصوت الرائع وقوة الاداء
وروعة الحضور وجزل الابيات


للشاعر المبدع ابن عمنا
فواز الكثيري

مادحا اللواء منصور خلف العلاج

يقول فيها..

مسيت بالخير يامنصور
سم الرجاجيل ودواها
كل البشر عبدٍ ومامور
إلا أنت تامر وتنهاها

وجهك عطاه الله امن النور
ونفسك من الطيبة اعطاها
عطاك حلم وعطاك اشعور
وعطتك خلق الله ارضاها

سويت حاجات يامنصور
محدن من الناس سواها
قطعت بالطيب سبع ابحور
وسبعة سماوات وياها

لومنته بطيب ومخبور
الناس ذي ويش دراها
فرشت للناس فرش ودور
وارسلت مرضئ لمشفاها

مابار عند الولي ويبور
عند الردايا وشرواها
وانا زماني خذبي دور
وحموله اثقال مااقواها

يارحلتن دون كرت عبور
ياغربتن طال مسراها
4 اسنين و3 اشهور
والكبد مابلّها ماها

مليت واقف ورا الطابور
ولي حاجتن ما اتعداها
لو انني من عيال السور
عينت ماها ومرعاها

ولاوقفت انتظر بالدور
واناعيوني تحراها
ماجور ياخاطري ماجور
مكتوبةٍ لك بتلقاها

والله لو اكشف لك المستور
والنفس تبحث خفاياه
يروح ليل وتضيق صدور
تاخذلك ايام تقراها


http://www.youtube.com/watch?v=qEVGh6aEEQo



وسلامتكم

[ابن عبيدالله]

صح لسانك فواز

وبارك الله فيك خيه على هذا النقل الجميل


بالتوفيق

[بنتٍ لـِ آل غزّي]

صح ابدنك ربي يبارك فيك

تسسلم حياك الله

[علوش الفضلي]

أداء جميل

صح لسان شاعرها

مشكورة على النقل بنت آل غزي