ترفع لك البيضاء

[معاند الوقت]

يسعد مساكم عيال عمي ، هذي القصيدة اسند بها على اخوي وولد عمي الحر الله يطول بعمره وارجو منه ثم منكم السموحة على القصور فيها .............



سار القلم يكتب جواب وسلامات = من معاند الوقت للحر مرسوله
يامرحبا بك عد مزنن غزيرات = واعداد ما تخضر القاع بنزوله
ترفع لك البيضاء بروس الطويلات = الى غدى للحرب صوله وجوله
مثلك سناد القوم يوم الملمّات = لي الفخر سقت القوافي عجوله
عبدالله ابن الفضول اهل الشكالات = بالطيب ماله ندٍّ ولافيه حوله
ثنّيت قولي وازعج الصوت هيهات = الحر مثله حواء تنجب زحوله
حق علي اثني براع الجمالات = ياكيف وانت الطيب عرضه وطوله
والله مابي لقولي مجازات = شعور قلبي لك بخطي اقوله
واعذر وسامح كان بالقول زلات = ماكل نفس تمنا مناها تنوله
تم الجواب وصلوا بختام الابيات = على النبي بختام قافن اقوله


وسلامتكم
الشاعر : معااااند ااالوقت

[راعي العليا]

الصلاة والسلام علية


معاند الوقت

صح السانك على القصيدة الرائعه في اخوي الــحــر

وكثر الله من امثالك يامعاند الوقت والله لا يحرمنا من تواجدك

جل التحايا والتقدير

[معاند الوقت]

راعي العليا

صح بدنك وما قصرت على ردك الرائع اسعدني تشريفك لموضوعي

اخوي احمد واخوي الحر تستاهلون كل خير والله ولا يهونون عيال عمي

تقبل فائق احترامي وتقديري

اخوكم : معااااند ااالوقت

[راعي العليا]

معاند الوقت

تستاهل الطيب كله ياعزوتي

والله يكثر من امثالك

والله يحفظك ويرعاك

جل التحايا والتقدير

[عبدالله السالم]

اللهم صلي وسلم عليه
معــــــــاند الـــــــــوقت
صـــح الله اللسانك يالغالـــــي.. وبارك الله فيك
والله يخونــي التعبير وتعجز الكلمات...
ومهما كتبت ماوفي حقك..
تسلم يابن العم والقصيده وسام اعلقها بصدري
دمت ودام لنا حضورك وتميزك

[؟؟]

الصلاة والسلام علية


معاند الوقت

صح السانك على القصيدة الرائعه في ابن عمي الــحــر

وكثر الله من امثالك يامعاند الوقت والله لا يحرمنا من تواجدك

ويستاهل الطيب ومجراه الحر هذا جزاه واذا كان به قصور عيونا تكمل مكانه


اشكرك من صميم الفؤاد

هذا ليس غريب على ابن عم مثل

اجمل وارق التحايا

[معاند الوقت]

ابن العم : الحـــــر

صح بدنك ولا عليك زود ، وانا ما قلت غير الصحيح

وشهاده اعتز فيها ياغالي

تقفبل فائق احترامي وتقديري

اخوكم : معااااند ااالوقت

[معاند الوقت]

ولد عمي : مبارك السالم

صح بدنك يالغالي ولاهنت على ردك الطيب وهذا حق وواجب علي لكم ياعيال عمي

الله يبارك فيك على ماقلت ولك مني مثله تقبل فائق احترامي وتقديري

اخوكم واابن عمكــم : معااااند ااالوقت

[فارس الظلام]

مـــــــــــــــــــــــشكور أخوي مــــــــــــعانـــد الــــوقـــت

صــــــح الســــانـــك

على القــصــيــدة الحــــلــــوه

سار القلم يكتب جواب وسلامـات

من معاند الوقت للحـر مرسولـه

يامرحبا بك عد مزنـن غزيـرات

واعداد ما تخضر القـاع بنزولـه

ترفع لك البيضاء بروس الطويلات

الى غدى للحرب صوله وجولـه

مثلك سناد القوم يـوم الملمّـات



يالغـــالـــــي.. وبـــارك الله فــــيـــك

[معاند الوقت]

ولد العم : خالد العبيدالله

اثني الشكر لك على ردك يالغلا صح بدنك وما قصرت

تقبل فائق احترامي وتقديري

اخوكم : معااااند ااالوقت