النفسية

[عبداللطيف الفضلي]

النفسية
أشـوف كـل الـنـاس بالنـفـسـيـّـة = أمـراض بالحـاضر غـدت مبليّه

رغم التّرَفْ والخيـر والله زايـد = خيــراتـهم مـن زودهــا مـرْمـيّــه

تـشـوف واحدهم بيومه صاحي = واليـوم الآ خــر حــالتـه مـرثـيــّه

وعيـالـهـم شــاشـات بالسـيّــاره = وبـلاستـيـشـن فـــور مـيّـه مــيّــه

وجـوّال راقي والبــرامـج فــلّـه = عـن كـل فيــروسٍ يـجي مـحــميّـه

واحنا بماضينا بحوض الدتـسن = دتـسن قـديــمه يـالـرّبـع مـهـريّــه

ويّا الغـنــم نركب وثوب مشقق = والحـاله قــشـرا وصـفـها مـعميّـه

نُضرب ونبكي بس عقبه ننسى = نـضـحـك سـوا ووجيــهـنا مدميّـه

ماقد عـرفنا الـهـم ويّا الضيـقـه = كـل المـشــاكل عنــدنا مــنـْسـيّــه
شعر / عبداللطيف سعد سعد العلي الفضلي
حررت في يوم الثلاثاء الموافق 3/5/1435هـ

[إبن لام الدويسي]

صادق ابن العم

النفسيات لك عليها وقت عصيب

على الفرد والامه

[عبداللطيف الفضلي]

ياهلا ومرحبا بابن العم


الله يكفينا الشر

[علوش الفضلي]

والله إنك صادق يابو سعد

يازين الماضي ويازين ناسه

صح لسانك

[عبداللطيف الفضلي]

صح بدنك اخوي علوش

الله يجزاك خير