تدلى لي العنقود !

[طرقي]

سلامات لا تشكي من الوقت يا ذا العُود
مدامك تدلّى ،،، وان تمايليت ماعابك

روتك الحمايم دمعها لين خذت الفود
وتيانع خضارك لين ما بانت اطيابك

علي الحرام انه تدلى لي العنقود
ولاجيت عنقودك و لاجيت عنابك

ذبحني حياي وخوفي من الله المعبود
لو ان مابقى لي شيٍ واعبد ترابك

يا آخر ذنوبي ما بعدك الذنوب تعود
وانا بوجه ربي منك و من طاريٍ جابك
•
معي سرك من الناس في بيرٍ ومسدود
بحبك و تقديرك و شكرك مع اعجابك
•
سلامي عليك ومابقى منك عندي كود
سوالفك و نبرة صوتك و ليلة غيابك
•
ياربي دخيلك من ذواريك ومن النود
دخيلك دخيلك واقف وقاضبٍ بابك
•
وأنا إبن الليال البيض و إبن الليال السود!
خذاني قصيدي وأختلا بي عن كتابك
•
سلامي على ملوك السماوات وهم شهود
على اني اخافك ،،، وأتعبّدك وآهابك
•


فواز نايف الدواجنه

[ابن عباد]

صح لسانك وجاد بنانك