بن غزي 2005
02-10-2004, 11:10
السلام عليكم ورحمة الله وبركاته,,
حبيت اشارك با القصه هذي عسى ان تحوز على رضاكم .
طبعن القصه منقوله , للكاتب ( لبتون )
في البدايه احب اهدي نسخه من الموضوع لمستشفى الحرس الوطني
=====================
دحيم وعزيز تؤام من مواليد 1393 هـ كانت بدايتهم صيحه انطلقت من افواهم كأي طفل توه مولود ... العجيب في الامر انهم كانو متلاصقين يعني حالتهم كانت غريبه خاصة ان التلفزيون في تلك الحقبه كان ابيض واسود .. والتقدم الطبي كان اي كلام والدكتور الربيعه كان توه في الثانوي
تقبلو اهل دحيم وعزيز حالة عيالهم وقالو الحمدالله على ماكتب واخذت عجلة الحياة تدور وسلكو معها الشباب
1400هـ - 1411هـ مرحلة الدراسه
دخل دحيم وعزيز المدرسه وبلشو فيهم المدرسين هل يعاملونهم على اساس انهم طالبين او طالب واحد وتم عمل ملفين مستقلين لهم ..
برغم انهم تؤامين ومتلاصقين الا انه كان فيه فرق كبير بينهم من ناحية الاخلاق والتعامل .. فا دحيم كان ملكع وشراني ولعاب من حينه بينما عزيز كان مثال لطالب النجيب الهادي الخجول الى حد السباهه
3300FF
دحيم : يا عزيز قرب بقولك شي
عزيز : وش تبي اقرب من كذا
دحيم : شفت صويلح تراني ناويه ومتواعدن معه عقب الطلعه اننا نتطاق
عزيز : ياخي انت ماترحمني ابد
دحيم : خلك رجال بعدين انت لاتسوي شي اقعد تفرج بس
عزيز : اجل اتفرج بس دايم تقول كذا اقعد تفرج بس وكل ماجو يطقونك بعجرا لفيت جسمك وجا الطق علي
دحيم : انت متى بتصير رجال المهم لا يكثر قلت بتطاق معه يعني بتطاق معه
المرحلة المتوسطه وبداية المراهقه
في المرحله هذي دشر دحيم وبدت ملامح المراهقه والمرجله المبكره تظهر عليه بينما عزيز على ماهو عليه من دلاخه ودباجه منقطعه النظير لكن لكي لا نهضم حقه كان جيد في دراسته
عزيز : يا دحيم ياخي تراك من يوم ماطحت في التتن وانت قالبن حياتي راسا على عقب
دحيم : الظاهر بقلب خشتك راسا على عقب ان ماسكت
عزيز : ياخي امي تقول اني اتتن واذا قلت لها والله انه ماطب ثمي واصلا مااحب الدخان تقول اجل ذا الريحه من وين الي في ثيابك .. ياخي تسنه انا الي لابسه بالحالي ورا مايسألونك انت طيب
دحيم : المهم لا يكثر انا ناوي افخت من المدرسه فا زهب عمرك
عزيز : يالله انك تكون في عوني ابشر
عزيز ودحيم في احدى اوقات العصريه ومتكين عند بقالة حارتهم مع ان عزيز وده يروح يذاكر بس يحتري دحيم يطيح الي في راسه مع شلته
المرحلة الثانويه 2/ ج علمي ( طبعا دحيم ماهوب لم المذاكره بس الله يخلي ورقة عزيز ولا دحيم كفو علمي )
في هذا الوقت كان دحيم يسولف مع احد اصدقائه الدشير وجابو سالفة السواقه
دحيم : عزيز انا قررت اتعلم السواقه وتراني مواعدن صديقي ابو عجه يجيب موتر ابوه يعلمني السواقه عليه
عزيز : يا دحيم ياخوي وش تبي بالسواقه بعدين ياخي مابزيتك انت ومشاويرك على رجلينا تبي تمترني بموتر بعد
دحيم : اقول تراك فقعت تسبدي لا تحدني الحين اجيب منشار وانشرك واذبك
عزيز :
في هذه الاثناء وصل صديق دحيم ابو عجه ومعه هايلكس ابوه
دحيم : هلا ابو عجه صديقي
ابو عجه : هلا والله بصديقي الدحمي هااه زاهب اعلمك السواقه
دحيم : ايه وش ضنك يالله سرينا
قرب دحيم وصديقه ابو عجه من السياره واكيد عزيز معهم
هنا حدثت المفاجاه الكبرى
الدحمي متلاصق مع عزيز على الجهه اليمين يعني لو حاول يسوق دحيم السياره هذا يعني ان عزيز يركب برا الموتر
دحيم اشتد غضبه وقعد يضرب كبوت الهايلكس من زود القهر والتفت على عزيز الضعيف قاله ( يا انت ناشبن لي ياخي اطلع من حياتي )
عزيز : <---------- قايلكم دلخ
الغاء دحيم فكرة انه يسوق وكان لهذا الخبر وقع عظيم على نفسية عزيز لانهو داريون انه ان تعلم دحيم السواقه ماعنه وعن الكشتات في هالبران والصحاري وسوفا يلهيه عن دراسته
مرحلة مابعد الثانويه العامه
--------------------------------
دحيم وعزيز جالسين جلسة عائله مع ابوهم
دحيم : شف يا يبه انا ناوي ادخل العسكريه
عزيز : بس انا ماابي العسكريه
دحيم : والله كل واحد حر في مستقبله
عزيز : ياخي انا ابي ادخل كلية الطب
دحيم : خلاص ندخل العسكريه واذا خلصنا ندخل الطب
عزيز : طيب وشلون بيقبلونا في العسكريه ماعندنا واسطه نصير ضباط <------- ضامن ابو الشباب
دحيم : انا راضي يقبلونا برتبة عريف
عزيز : يعني عقب ذا التعب والدراسه وعلمي بعد واخرتها تبيني ادخل عريف صاحي انت
دحيم : يا حمار بيعطون كل واحد شريطتين صح
عزيز : ايه
دحيم : خلاص تحط شرايطك مع شرايطي ونصير رقيب
عزيز :
راحت السنه الاولى وابوهم يدابك بهم من جامعه لجامعه ومن كلية عسكريه لمعهد فني ولا قبلهم احد مع ان نسبة عزيز 95% واكيد دحيم معه
فترة الفراغ
-------------
في الفتره هذي كثرت سهرات دحيم وصار مايجي الا تالي الليول وهالضعيف عزيز معه في كل محل .. كان دحيم يحاول استغلال اخوه عزيز في كل شي حتى في لعب البلوت فا كان يقول له شف ورق الي جنبي وعلمني وبعد ان تم كشف طريقة دحيم في الغش واستغلال اخوه لاهداف غير شريعه .. صارو خويا دحيم يغطون عزيز بشرشف كل ماجو يلعبون وعزيز كالعاده كذا >>>
في احد الايام وبينما كان دحيم متكي على اخوه عزيز وقاعد يعسل وعزيز غاطن في نوم عميق
قال صديق دحيم : يادحيم بقولك سر بس لاتعلم احد
دحيم : قل تعرفني مااعلم احد حتى ذا الي ناشبن فيني تسنه استبنه جيب
صديق دحيم : بعطيك رقم بنت
دحيم جته ام الركب : طيب وش اسوي فيه تعرفني مااعرف
صديق دحيم : حاول تتعرف عليها ياخي ماودك تتعرف على بنت حلوه
دحيم : تصدق عاد انها امنية حياتي
صديق دحيم : اجل خذ الرقم وانت ماتتوصا اعرفك انواع النصب .. تذكر يوم اول ماصداقتك وسالتك هذا وشو الي معك قلت لا هذا ضلالي بس تعرفت عليه
دحيم في غرفة النوم
دحيم : يا عزيز قم رح جب التليفون
عزيز :
دحيم : ماتسمع انت ؟
عزيز : وشلون اروح اجيبه طيب يعني انت منتب بجاي معي ؟
دحيم : ايه صح نسيت طيب مشينا
قعد دحيم يفكر مليا قبل مايتصل وكل اشوي متلفت على اخوه عزيز يقوله انقلب لاني تعبت وانا منسدح على هالجنب
اخيرا خربها دحيم واتصل ...........
دحيم : الو
البنت : هلا مين
دحيم : لا انا دحيم مانيب مين
البنت : طررررررررررررررررقع
دحيم : شكلها من النوع الي بيتعب الواحد معها
دحيم يتصل مره ثانيه
دحيم : مساءو الخير <------- يقاله بيغير الاسلوب
البنت : ياكثرك وش تبي انت الحين
دحيم : صراحتن فاضي ودقيت رقمك بالغلط فا الموضوع كله نسولف وندردش مع بعض اذا كان الشي هذا راح يسبب لك مضايقه او شي من تلك القبيل <------ بدا يخمبق فا انا متأسف وحقيقة مدري وش السالفه .. الا صدز ورا ماعاد تسيرون علينا
البنت : ههههههههههههههههههههه
دحيم يهمس في اذن عزيز : البنت حبتني ضحكت
بدأت علاقة دحيم تزداد قوه مع حبيبته وترك عنه السهر واصبح يرجع للبيت وينصا غرفته لكي يسولف معها ( هذه النقطه في صالح عزيز )
وكان عزيز يحاول الاستفاده من الوقت الي فيه دحيم يغازل بان يقرا له كتاب علمي لين مايخلص
في احدى اليالي اتصلت البنت فا قال دحيم لاخوه عزيز رد اذا كانت فلانه قلها دحيم ماهوب فيه
عزيز : اما ماهوب فيه كثر منها
دحيم : سو الي قلت لك عليه ولا تراني معزوم في الثمامه
عزيز : لا تكفى خلاص ابشر انت تامر امر
عزيز : الووو هلا دحيم ماهوب فيه الحين
البنت : ليش وينه رايح
عزيز : طالع عنده مشوار ومعزوم مع بعض
البنت : طيب ياليت تبلغه اني اتصلت وقول له لازم يكلمين الليله علشان الاتفاق الي بينا اوكي يالله باي
عزيز : باي
عزيز : دحيم وش اتفاقه
دحيم : ياخي مدري وش اقولك صراحتن حبي في خطر
عزيز : ليش
دحيم : ياخي البنت تزن على راسي تقول لازم نتقابل وانا احاول اغير الموضوع وهي ناشبتن فيني الا تشوفني
عزيز : ياخي تصدق عاد هذا ازين مشوار بروح معك وانا مستانس
دحيم : ايه وش ضارك انت حبي هو الي بيروح فيها
عزيز : طيب ياخي قابلها وخلك في الموتر وقلها مااقدر انزل من السياره والي جنبي هذا سواقي الخاص
دحيم والعبره تخنقه من موقف اخوه الشجاع : عزيز ورا ماتلفقه وشلون بتسوق يا عبدالله باخشب
يتــــــــــــــــــــــــــــــــــــــــــــــبع .......
في الحلقة القادمه,,,,
مع تحيات,,,,
اخوكم/ بن غزي2005
حبيت اشارك با القصه هذي عسى ان تحوز على رضاكم .
طبعن القصه منقوله , للكاتب ( لبتون )
في البدايه احب اهدي نسخه من الموضوع لمستشفى الحرس الوطني
=====================
دحيم وعزيز تؤام من مواليد 1393 هـ كانت بدايتهم صيحه انطلقت من افواهم كأي طفل توه مولود ... العجيب في الامر انهم كانو متلاصقين يعني حالتهم كانت غريبه خاصة ان التلفزيون في تلك الحقبه كان ابيض واسود .. والتقدم الطبي كان اي كلام والدكتور الربيعه كان توه في الثانوي
تقبلو اهل دحيم وعزيز حالة عيالهم وقالو الحمدالله على ماكتب واخذت عجلة الحياة تدور وسلكو معها الشباب
1400هـ - 1411هـ مرحلة الدراسه
دخل دحيم وعزيز المدرسه وبلشو فيهم المدرسين هل يعاملونهم على اساس انهم طالبين او طالب واحد وتم عمل ملفين مستقلين لهم ..
برغم انهم تؤامين ومتلاصقين الا انه كان فيه فرق كبير بينهم من ناحية الاخلاق والتعامل .. فا دحيم كان ملكع وشراني ولعاب من حينه بينما عزيز كان مثال لطالب النجيب الهادي الخجول الى حد السباهه
3300FF
دحيم : يا عزيز قرب بقولك شي
عزيز : وش تبي اقرب من كذا
دحيم : شفت صويلح تراني ناويه ومتواعدن معه عقب الطلعه اننا نتطاق
عزيز : ياخي انت ماترحمني ابد
دحيم : خلك رجال بعدين انت لاتسوي شي اقعد تفرج بس
عزيز : اجل اتفرج بس دايم تقول كذا اقعد تفرج بس وكل ماجو يطقونك بعجرا لفيت جسمك وجا الطق علي
دحيم : انت متى بتصير رجال المهم لا يكثر قلت بتطاق معه يعني بتطاق معه
المرحلة المتوسطه وبداية المراهقه
في المرحله هذي دشر دحيم وبدت ملامح المراهقه والمرجله المبكره تظهر عليه بينما عزيز على ماهو عليه من دلاخه ودباجه منقطعه النظير لكن لكي لا نهضم حقه كان جيد في دراسته
عزيز : يا دحيم ياخي تراك من يوم ماطحت في التتن وانت قالبن حياتي راسا على عقب
دحيم : الظاهر بقلب خشتك راسا على عقب ان ماسكت
عزيز : ياخي امي تقول اني اتتن واذا قلت لها والله انه ماطب ثمي واصلا مااحب الدخان تقول اجل ذا الريحه من وين الي في ثيابك .. ياخي تسنه انا الي لابسه بالحالي ورا مايسألونك انت طيب
دحيم : المهم لا يكثر انا ناوي افخت من المدرسه فا زهب عمرك
عزيز : يالله انك تكون في عوني ابشر
عزيز ودحيم في احدى اوقات العصريه ومتكين عند بقالة حارتهم مع ان عزيز وده يروح يذاكر بس يحتري دحيم يطيح الي في راسه مع شلته
المرحلة الثانويه 2/ ج علمي ( طبعا دحيم ماهوب لم المذاكره بس الله يخلي ورقة عزيز ولا دحيم كفو علمي )
في هذا الوقت كان دحيم يسولف مع احد اصدقائه الدشير وجابو سالفة السواقه
دحيم : عزيز انا قررت اتعلم السواقه وتراني مواعدن صديقي ابو عجه يجيب موتر ابوه يعلمني السواقه عليه
عزيز : يا دحيم ياخوي وش تبي بالسواقه بعدين ياخي مابزيتك انت ومشاويرك على رجلينا تبي تمترني بموتر بعد
دحيم : اقول تراك فقعت تسبدي لا تحدني الحين اجيب منشار وانشرك واذبك
عزيز :
في هذه الاثناء وصل صديق دحيم ابو عجه ومعه هايلكس ابوه
دحيم : هلا ابو عجه صديقي
ابو عجه : هلا والله بصديقي الدحمي هااه زاهب اعلمك السواقه
دحيم : ايه وش ضنك يالله سرينا
قرب دحيم وصديقه ابو عجه من السياره واكيد عزيز معهم
هنا حدثت المفاجاه الكبرى
الدحمي متلاصق مع عزيز على الجهه اليمين يعني لو حاول يسوق دحيم السياره هذا يعني ان عزيز يركب برا الموتر
دحيم اشتد غضبه وقعد يضرب كبوت الهايلكس من زود القهر والتفت على عزيز الضعيف قاله ( يا انت ناشبن لي ياخي اطلع من حياتي )
عزيز : <---------- قايلكم دلخ
الغاء دحيم فكرة انه يسوق وكان لهذا الخبر وقع عظيم على نفسية عزيز لانهو داريون انه ان تعلم دحيم السواقه ماعنه وعن الكشتات في هالبران والصحاري وسوفا يلهيه عن دراسته
مرحلة مابعد الثانويه العامه
--------------------------------
دحيم وعزيز جالسين جلسة عائله مع ابوهم
دحيم : شف يا يبه انا ناوي ادخل العسكريه
عزيز : بس انا ماابي العسكريه
دحيم : والله كل واحد حر في مستقبله
عزيز : ياخي انا ابي ادخل كلية الطب
دحيم : خلاص ندخل العسكريه واذا خلصنا ندخل الطب
عزيز : طيب وشلون بيقبلونا في العسكريه ماعندنا واسطه نصير ضباط <------- ضامن ابو الشباب
دحيم : انا راضي يقبلونا برتبة عريف
عزيز : يعني عقب ذا التعب والدراسه وعلمي بعد واخرتها تبيني ادخل عريف صاحي انت
دحيم : يا حمار بيعطون كل واحد شريطتين صح
عزيز : ايه
دحيم : خلاص تحط شرايطك مع شرايطي ونصير رقيب
عزيز :
راحت السنه الاولى وابوهم يدابك بهم من جامعه لجامعه ومن كلية عسكريه لمعهد فني ولا قبلهم احد مع ان نسبة عزيز 95% واكيد دحيم معه
فترة الفراغ
-------------
في الفتره هذي كثرت سهرات دحيم وصار مايجي الا تالي الليول وهالضعيف عزيز معه في كل محل .. كان دحيم يحاول استغلال اخوه عزيز في كل شي حتى في لعب البلوت فا كان يقول له شف ورق الي جنبي وعلمني وبعد ان تم كشف طريقة دحيم في الغش واستغلال اخوه لاهداف غير شريعه .. صارو خويا دحيم يغطون عزيز بشرشف كل ماجو يلعبون وعزيز كالعاده كذا >>>
في احد الايام وبينما كان دحيم متكي على اخوه عزيز وقاعد يعسل وعزيز غاطن في نوم عميق
قال صديق دحيم : يادحيم بقولك سر بس لاتعلم احد
دحيم : قل تعرفني مااعلم احد حتى ذا الي ناشبن فيني تسنه استبنه جيب
صديق دحيم : بعطيك رقم بنت
دحيم جته ام الركب : طيب وش اسوي فيه تعرفني مااعرف
صديق دحيم : حاول تتعرف عليها ياخي ماودك تتعرف على بنت حلوه
دحيم : تصدق عاد انها امنية حياتي
صديق دحيم : اجل خذ الرقم وانت ماتتوصا اعرفك انواع النصب .. تذكر يوم اول ماصداقتك وسالتك هذا وشو الي معك قلت لا هذا ضلالي بس تعرفت عليه
دحيم في غرفة النوم
دحيم : يا عزيز قم رح جب التليفون
عزيز :
دحيم : ماتسمع انت ؟
عزيز : وشلون اروح اجيبه طيب يعني انت منتب بجاي معي ؟
دحيم : ايه صح نسيت طيب مشينا
قعد دحيم يفكر مليا قبل مايتصل وكل اشوي متلفت على اخوه عزيز يقوله انقلب لاني تعبت وانا منسدح على هالجنب
اخيرا خربها دحيم واتصل ...........
دحيم : الو
البنت : هلا مين
دحيم : لا انا دحيم مانيب مين
البنت : طررررررررررررررررقع
دحيم : شكلها من النوع الي بيتعب الواحد معها
دحيم يتصل مره ثانيه
دحيم : مساءو الخير <------- يقاله بيغير الاسلوب
البنت : ياكثرك وش تبي انت الحين
دحيم : صراحتن فاضي ودقيت رقمك بالغلط فا الموضوع كله نسولف وندردش مع بعض اذا كان الشي هذا راح يسبب لك مضايقه او شي من تلك القبيل <------ بدا يخمبق فا انا متأسف وحقيقة مدري وش السالفه .. الا صدز ورا ماعاد تسيرون علينا
البنت : ههههههههههههههههههههه
دحيم يهمس في اذن عزيز : البنت حبتني ضحكت
بدأت علاقة دحيم تزداد قوه مع حبيبته وترك عنه السهر واصبح يرجع للبيت وينصا غرفته لكي يسولف معها ( هذه النقطه في صالح عزيز )
وكان عزيز يحاول الاستفاده من الوقت الي فيه دحيم يغازل بان يقرا له كتاب علمي لين مايخلص
في احدى اليالي اتصلت البنت فا قال دحيم لاخوه عزيز رد اذا كانت فلانه قلها دحيم ماهوب فيه
عزيز : اما ماهوب فيه كثر منها
دحيم : سو الي قلت لك عليه ولا تراني معزوم في الثمامه
عزيز : لا تكفى خلاص ابشر انت تامر امر
عزيز : الووو هلا دحيم ماهوب فيه الحين
البنت : ليش وينه رايح
عزيز : طالع عنده مشوار ومعزوم مع بعض
البنت : طيب ياليت تبلغه اني اتصلت وقول له لازم يكلمين الليله علشان الاتفاق الي بينا اوكي يالله باي
عزيز : باي
عزيز : دحيم وش اتفاقه
دحيم : ياخي مدري وش اقولك صراحتن حبي في خطر
عزيز : ليش
دحيم : ياخي البنت تزن على راسي تقول لازم نتقابل وانا احاول اغير الموضوع وهي ناشبتن فيني الا تشوفني
عزيز : ياخي تصدق عاد هذا ازين مشوار بروح معك وانا مستانس
دحيم : ايه وش ضارك انت حبي هو الي بيروح فيها
عزيز : طيب ياخي قابلها وخلك في الموتر وقلها مااقدر انزل من السياره والي جنبي هذا سواقي الخاص
دحيم والعبره تخنقه من موقف اخوه الشجاع : عزيز ورا ماتلفقه وشلون بتسوق يا عبدالله باخشب
يتــــــــــــــــــــــــــــــــــــــــــــــبع .......
في الحلقة القادمه,,,,
مع تحيات,,,,
اخوكم/ بن غزي2005