المساعد الشخصي الرقمي

مشاهدة النسخة كاملة : اقدع , عسى يقدع على راسك الذيب / في خايع مابه من الناس دوعي (ردية مقاشر ).

بوثنيان
16-12-2006, 03:45
اترككم مع القصه ..


زار ضيدان بن صبحان العجمي صديقه سعد بن عبدالله الهتلاني العجمي . فتأخرعليه في تقديم

القهوه والقدوع ( التمر) .فأراد ضيدان ان يستفز صديقه بهذه الابيات فقال :,


جاك المسير ما لقى منك ترحيب = لاجبت له قهوه ولا من قدوعي
ياليتني دورت غيرك معازيب = جيتك جويع ورحت منك بجوعي
الظاهر انك ما تعرف المواجيب = لا شك طبعك يختلف عن طبوعي
حنا لا جانا الضيف ننفض له الجيب = ونجيب له من كل شكل ونوعي




فجاء سعد بالقدوع وقال غاضبا :.


اقدع , عسى يقدع على راسك الذيب = في خايع مابه من الناس دوعي
متعطل في البر قبلي تناقيب = من ليلة الجمعه ليومي الربوعي
ومروك ناس غايب عنهم الطيب = وخلوك وحدك في مكان يروعي
ثم جاك ذيب ما سنونه بتركيب = ذيب ولد ذيب وشرس قطوعي
سوى بك سواة على غير ترتيب = يجزع لها قلب الشجاع التبوعي




شاعران كبيران وما يعرف عنهم هي التردد الشعري فيما بينهم مع العلم انهم صديقين رغم فارق السن الكبير بينهم ...

وهذه المحاوره التي صارت بينهم في احد المقاهي .....


بدأ ضيدان بقوله :.




تطلب لي الشاهي وتطلب لك حليب = وانا على الحليب كبدي ذايبه
انا احمد الله يوم ما انت بلي نسيب = يقطع صبي مايقدر شايبه




رد سعد الهتلاني :.




قم اطلب لنفسك ترى ما انت بغريب = ولاني بطالبه لك ولاني جايبه
تبغى الكفايا يوم طريت المشيب = واتعبتني مثل الوزير ونايبه



رد ضيدان :.




في خوة الطيب انا مالي نصيب = ومن خوة الرديان نفسي طايبه
وقد كان ظني فيك للعله طيب = والا ريا ابها مخطي وفيها صايبه




رد سعد :.



كل يبى يرمي رفيقه في قليب = وابليس نوخ عندنا ركايبه
وعلمته الممشى وسبقني في الخبيب = الي علومه كل ابيها خايبه



ومن المعروف عنهما رغم هذه الردود ( الجلفه ) انهم صديقان وكل منهما يعز على الثاني ....



وسلامتكم , :appetizing77: :ylflower:



منقووووووووول
بن غزي 2005
26-12-2006, 02:18
البيرق


يعطيك العافيه على ذا المحاوره اللي صراحة استمتعت وانا اقرى ابياتها


وش رايك منقذ في ليلة بردها قارص :biggrin:


تسلم يمينك على ما نقلة لنا


لك خالص تحياتي

اخوك / بن غزي2005
بوثنيان
27-12-2006, 04:51
بن غزي 2005




أشكرك على مرورك الطيب .





ودمت بخير ,,
؟؟
30-01-2007, 06:44
الله يعطيك العافية

جميلة القصة والابيات

تسلم يدينك
بوثنيان
03-02-2007, 02:56
مبارك السالم

الجميل مرورك الطيب

ودمت بخير وود,,
حاتميه
24-04-2007, 05:27
بوثنيان .. والله موضوعك رهيب وخفيف دم رغم ما فيه من جلافه !!

اجل مسيكين ضيدان كبده ذايبه على الحليب والله رحمته
مع ان الشاهي مهوب شين! بس يمكن عشانه شايب ..
ولاعناد لصديقه ويداعبه ...

بس مشاء الله عليهم اصدقاء وبينهم جلافه مع كذا يعزون بعض
والحين بعض الاصدقاء ما بينهم شي ولا يعزون بعضهم ...

بوثنيان كان ودي احط سويلفه بس ما عندي شي حلو زي سويليفتك الممتعه ...
اخوي والله اول ما دخلت مستغربه من العنوان بس بعدين انبسطت .....
الله يعطيك العافيه وتجيب شي حلو ثاني ...............
بوثنيان
24-04-2007, 04:13
حاتميه


شاكر مرورك الطيب ...

ونحن أعضاء المنتدى دائما نبحث عن المواضيع والسوالف الجميلة...

حتى لايكون مملا من قبل الاعضاء والزوار..



ودمت بخير
فارس الفضول
24-04-2007, 05:48
مشكوووووووووووووور على القصة الروووووووووووعه
بوثنيان
24-04-2007, 09:19
فارس الفضول



أشكرك على المرور الطيب.......





ودمت بخير
بقاايااكحل
25-04-2007, 02:17
راااائعه يابو ثنياان
يعطيك العافية على النقل الرائع
والمعروف عن الشعاار ان اشعارهم وليدة اللحظه
وربي مبدعين

تسلم ايديك


دمت بود
بوثنيان
25-04-2007, 06:20
بقااياا كحل



شاكر لك مرورك الطيب ...




ودمت بخير
فارس الظلام
22-06-2007, 07:32
الله يعطيك العافية

جميلة القصة والابيات

تسلم يدينك
بوثنيان
22-06-2007, 08:03
فارس الظلام

بارك الله فيك , وأشكرك على المرور الطيب....

دمت بخير,,,
بوثنيان
24-07-2008, 10:13
نرجع بعد طول غياب على الموضوع والرديه ...


هذا طال عمركم كان عند سعد الله يرحمه بيوك اتماتيك وانعزم هو وصاحبه ضيدان عند المحامي ثامر المجدعي في منطقة هديه .. والعشا لضيدان ولـ سعد .. المهم ويجي سعد لـ ضيدان العصر ويقوله نمشي ياخوك .. قال والله يابوك اني واني . خلها على وقتها ونشوفه .. وراح سعد العشا ولا جا ضيدان .. عاد عوّد سعد تالي على ضيدان قاله (وش عندك يومك تترك عشا الرجّال وهو موجبنا ؟) قال ( والله يابوك التعب والشيب وانت خابر العمر ).. قال سعد( اجل هذا العلم .). قال ضيدان .. اي والله .. قال سعد ( اجل اسمع :biggrin: )





إن مت ياضيدان ماني بباكيك ...و ان مت انا لياك تبكي عليـّه
مانت بكفو ياعود لامت نرثيك ... ما خبر منك الا الشقى والأذية
نسيت يوم اتعبتني في ترجيك ... العصر يوم ان العشا في هدية
تبغي المحامي يالردي يتصل فيك .. وش انت حتى ماتجي بالوصية
عود معقد والتعاسة تباريك ... و مؤهلات معالجيتك ردية
ياخف نفسك قبل تثقل مخابيك .. و اليوم حتى ماترد التحية
يا والله اللي به رجال تساميك .. لاشك يابعد السمي عن سميه
جاتك و انا راعي البيوك التماتيك ... فيها اعتزي و لا اعتزي بالمطية
نقطع امداد من طرفنا يغذيك ... يومك بطول و نيتك قلبية



هذا انت ياسعد شاب لكنه مهب ذاك النشاط .. وضيدان شايب لكن - الله يعطيه الصحه - متعافي ومبينّه عليه اثار النعمه .. وياكل ولا عليه من كلام الدكاتره ولا اللي يقولونه ... هذا العلم ان سعد ناقد عليه في امورٍ كثيره.. ويوم شافه على العشا عند ولد عمٍ لهم ورفيقهم .. قال سعد : ( يابو حميد .). قال ضيدان: ( لبيه يابن حسين ) .. قال اسمع نفداك :


مايشبع الا فالولايم والافراح
ذا المسلم اللى صار بطنه فضيحه

ماأدرى معاه الجن تاكل والاشباح
والا شفاح اهل الكبود الصحيحه

يحضر عند الناس والقدر مافاح
لين العشا عنه الستاره نزيحه

ماهمته نسبة دسمها والاملاح
وعيا من الدكتور يسمع نصيحه

والمشكله ماهوب للضان ذباح
استادكم ياللى ألسنتكم فصيحه

لادل من رايه ولاهوب نصاح
جعله يطيح وينثبر فى مطيحه


قال ضيدان .. ( العلم كذا .) . قال سعد( هالله الله ) .. قال ضيدان
( اجل اسمع ):

ابوحميد بيتعشى ويرتاح
وماكل ليل عند ربعه ذبيحه

فى بيت منه للمواجيب نطاح
محمد منصا الوجيه الفليحه

والحر ياتيبه من البعد ملواح
والعود يجذبنا من البعد ريحه

ودنياك يابن حسين ماجات به راح
وعزى لكم ياهل النفوس الشحيحه

اضحك وانا فى ايدى زقاره ومسباح
وخل الزعل لاهل الوجيه القبيحه

العود يطرح له ثلاثين ماطاح
مهوب مثلك عاجز فى نطيحه

يغشنى غش البريكات مزاح
الله لا يثرى ثراه ويبيحه
__



دمتم بخير,,


منقووووووول
إيمان الجراي
24-07-2008, 03:53
بوثنيان

بصراحة قصة رآئعة والأروع المحاورة التي دارت بينهم في شكل آبيات
سبحان الله الشعراء يمتازون بردود سريعة ،،، زادهم الله من فضله

بوثنيان

جزآك الله خيراً على الطرح الطيب والنقل الرآئع
بوثنيان
24-07-2008, 04:09
ايمان الجراي



ويبارك فيك ,, وأشكرك على المرور الطيب والرائع ...


دمت بخير,,,
صلاح القويماني الفضلي
25-07-2008, 02:18
بوثنيان

نرجع بعد طول غياب على الموضوع والرديه ...

رجعت وامتعتنا بهذه السالفه والمحاوره بين شعراء رائعين وكانت محاوره بينهم

نهايتها طيبه تسلم يالغالي لهذا النقل الطيب بارك الله فيك

والله يعطيك العافيه

ونطمح بالمزيد
بوثنيان
25-07-2008, 04:19
صلاح القويماني


بارك الله فيك ,, منـــــــــــــــــــــــــــور ...بمرورك الطيب والرائع ...



دمت بخير,,,
أسيرالوفاء
20-11-2009, 12:16
أخـــوي / بوثنــيان
السـلام عليكم ورحمـة الله وبركاتــه ..
رائـــــــــــع بهــذه الإطلالات الطـريفه والممتعــه ...
وسّــــع اللـه صــدرك بالعافيــه.. ( مهيب العافيه المغربيه الله يحميك منها ... ) والحقيقـــه إن الموضوع فعــلاً فيه الكثير من الصور الشـعريه الجماليه وإن إختلف منحاهــا وهدفهـــا ، تبقــى عــلى قدر كبير من الجمال وتعطي تصور عميق عن سـعة خيال شــعراء الرد الذي يعتمد على سرعة بديهة الشــاعر وغزارة مخزونه اللغوي وسـعة خياله .. الأمر الذي لايعجزه عن سـرعة الرد ( وبتمكن ) ..
مجرد تعليق على ماقرأت لايصل لمسـتوى ردود من سـبقوني ، ولكنها رغبة في إيصال عميق شـكري لك على مجهــودك الذي عودتنا من خلاله على التحلـيق في ســـماء إبداع إختيارك المنتقى بعنايه ..
لك كل الود وخالص تقديري ،،،؛؛؛

أخوك/ أبومـــراد ..
شموخ لا ميه
20-11-2009, 02:20
خخخخخخخ ياااداافع البلا
صالح الدعفس
27-11-2009, 02:05
رديات ومحاورة رائعة امتعتنا عمي يو ثنيان بارك الله فيك ,,,

تسلم يالغالي ولا خلينا يارب ,,

أأأأحتررامي ,,
د.سعاد الفضلي
29-11-2009, 05:21
طرحك يسر الخاطر بوثنيان
ونحن نقرأ تلك المناورات الشعرية
كانت غاية في الطرافة
ننتظر المزيد من حسن اختيارك
تقبل تحياتي ودمت