رسالة للشباب السعودي

[ميمونة]

هذي قصيده حبيت انقلها لكم لاْنها اعجبتني وهي لشاعر سعودي احس بالخطر الداهم على اخوانه فانبرى
محذرا وجادت به قريحته باْبيات المعية يقول فيها:


هذي رساله للشباب السعودي
رسالة فيها نذير وبشارة
بالله يالقاري تشيل الرسالة
لكل مسلم في ضميره حرارة
لابد نسعي في كفاح الجريمة
جريمة الاءدمان درب الفجارة
ياللي العقيدة والشيم في دماكم
صرتم على كل الخلايق منارة
انتم من احفاد الصحابه وفيكم
طبع الشهامة والكرم والجسارة
عدوكم يحسد وطنكم عليكم
لاْنكم طينة صقور ونمارة
هم يعرفون ان السعودي سعودي
في قلبه المصحف وفي الروح عاره
هم يعرفون ان الوطن في يمينه
والسيف الابتر شايله في يساره
هم يعرفون انه حفيد الصحابه
حدد على درب الفضيلة مساره
استبدلوا حرب العرب برصاصة
بالغزو لكن عن طريق السجارة
يسعون في نشر السكر والرذيلة
بالحقد لكن في ستار الحضارة
واهدافهم غسل العقول الرشيدة
حتى يصير العقل فوقه غبارة
واهدافهم فتنة شباب العقيدة
عن دينهم حتى يوقف قطارة
ترى المخدر يابن عمي فشيله
لاتقربه كله سموم وخسارة
من الذي يقتل بيده طموحه
من الذي يشري بماله دماره
من الذي يغتال بالسم روحه
ويحسب الاءدمان عز وشطاره
لاوالله اللي فيه ذل وفضيحة
تذوق فيه البهذلة والمراره
بدايته رفقة فساد وتجارب
ونهايته قبر تصليك ناره
خلك لبيب ولايغرك رفيقك
اللي يجرك في دروب الدشارة
لو هو يداوي كان داوى جروحه
والورد ماينبت بظهر الحجاره
تذكر اهلك كل لحظة وساعة
وابذر طموحك لاجل تحصد ثماره
خلك مع اللي مايغره رفيقه
يحسب بعقله قبل يصدر قراره
واحذر تجرب والعواقب وخيمة
ترى الحرايق من سببها الشرارة

[عبدالله الفضلي]

الاخت ميمونه لك كل الشكر على نقلك لهذه القصيده التي تحذر من المخدرات ،
فنحن بحاجه الى مثل هذا النوع من القصائد التي تتكلم عن الامور الاجتماعيه ،
نتمنى أن تتواصلي معنا دائما بمثل هذه القصائد الاجتماعيه ،

[أديب الدعفس]

فعلاً
رسالة وافيه جداً
يعطيك العافيه وشكراً لكــ

[ناصر السيف]

ميمونه



يسلمووووووووووووووو


دمتي يود

[صلاح القويماني الفضلي]

ميمونه

قصيدة جميلة يستحقونه الشباب السعودي

تسلمين ع الطرحك هذه القصيدة

[را عى الشعل]

الأخت ميمونه تسلمين على النقل الرائع

وهى رساله ليس لشباب السعودى فقط بل

لكل أبناء الخــــلــــيج 0

ودمتى بصحه وعافيه