سواليف بنت نجد وبنت الحساء [الأرشيف] - مجلس قبيلة الفضول التوثيقي الرسمي الأول

مشاهدة النسخة كاملة : سواليف بنت نجد وبنت الحساء

المــها

29-01-2007, 12:50

اهلين عذبه وشلونتس ما عرفتيني انا مهاااوي

عذبة السجايا

29-01-2007, 01:03

هلا وغلا مهاوي شلونش وشلون الاهل والجماعه والقبيله كلها هههههه

اقولش مهاوي وش رايش تسلفيني الف ريال ابي اروح ابهم السوق وبعدين اردهم لش لاتخافين

<<<<<<<<<, ايه هييييييين خخخخخ

المــها

29-01-2007, 01:10

بخير جعلتس تسلمين

بس تبين الف ابد عندنتس بس عطيني رقم حسابتس اقرب صراف احولتس الي تبينه
الى ما قلتيلي وش عندتس بسوق وش بتشترين يا جعلي ما بتسيتس

عذبة السجايا

29-01-2007, 01:13

ايوالله تراني ابغى اروح اشتريلي بلوزه وتنوره للعيد

اقول تروحين معي وش رايك

المــها

29-01-2007, 01:18

جعل العمى يعمي عدوانتس وينا وين العيد ولا علشان السوق مخفض
انا عارفتس تحبين الرخص ههههههههههه
لا والله يختي راسي موجعني اليوم

عذبة السجايا

29-01-2007, 01:22

يؤيؤيؤ وش دارش اني ادور ارخص بل ساحره انتي

بس اقولش يعني علشان بعدين اخاف تقولين ماقلتيلي ولاش قلت اعلمش ههههههههههههههه

المــها

29-01-2007, 01:28

ايه عرفتس عذبه ما غيرتس
اتذكر في الكفيريا المدرسه ما تشترين شي الى عصير ابو ريال وتكسرينها بعد هههههههههههه

عذبة السجايا

29-01-2007, 01:32

خخخخخخخخخخخخخ بسش فضحتيني دبه

الاابسئلش شلونش مع مدرسة الرياضيات القشرا

المــها

29-01-2007, 01:44

ابد كل عاده اول مدخل تقولي انزلي تحت
وتلقيني يا في مبنا اتمهيدي او في الكفتيريا او اصير ممرضه عند الطبيبه واساعدها \\ والله صدق كذا انا في حصص الرياضيات هههههه
وانتي اخبرتس راعية طبخ وتحبتس استاذة الطبخ السعوديه كل حفله ينادونتس البنت اظفره ويعطونتس شهادات شكر الي يشوف شهادتس ابد يقول ما ادرو فندق Four seasons ولا كان خلوك اشيف الرسمي هناك ههههههههههه

عذبة السجايا

29-01-2007, 01:51

خخخخخخخخخخخ ايوالله وانتي الصادقه يامهاوي حتى انا تفوقت عليش في مسابقة الطبخ تذكرين

وتذكرين يوم انش تطحين من على الدرج وتتكسر السنونش وتروحين لدكتور وكان يعطونش ابرة مخدر كبيره وقمتي تبشين ههههههههه

المــها

29-01-2007, 02:00

خارج النصب هههههه(ههههههههههههههههههههههههههه
يازين حكيكوم)
ايه اتذكر ويقولن البنات انها عينتس علشان اسناني بيضاء ومرتبه هههههههههه
ويقلون انك دائما تحتسين فيها وتقولين يا زين اسنان مها ههههههههههه
الى وش عندتس سوليف جديده وعن الغبار الله يصلحتس

عذبة السجايا

29-01-2007, 02:03

ههههههههههههه

وترى ماعندي ليش سوالف يادبه عنادن فيش ماابي اقولش شي

انا زعلانه منش خلش شذا احسن

المــها

29-01-2007, 02:10

وش مزعلتس يا كثر ما تزعلين
يختي حومتي ( تسبدي ) معنها كبدي هههههه
خلاص انا بسولف دريتي اسنافيه مخطوبه ههههههههههههههههههه (يا ويلي منها)

عذبة السجايا

29-01-2007, 02:15

سنافيه انخطبت لالالالالالا مش مصدقه خخخخخخخخخ

عسى بس عدلت ذا الكشه لاتخرع بها رجلها ههههههههههه

اقولش مهوي وش رايش نفصل لنا فساتين لعرس سنافيه

المــها

29-01-2007, 02:24

هههههههههههههههه
الا انخطبت ولاكشه قطعي الظفارها ولا تمشطينها ههههههههههه
ايه بعد وش ريتس نطقم كنا صبابات هههههههههههههههه
لا انا بشتري جاهز
اقول وش تتوقعين تسرحة شعرها ومين الكوفير الي بتجها \\هذي موضه عندنا في الرياض اهم شي اسم الكوفير حتى لو ما ضبطة مكياج العروس بس اهم شي انها روز او نانسي او استر او وووو اسماء الكوفيرات ههههههههههه

عذبة السجايا

29-01-2007, 02:40

ههههههههههههههههه ياويلنا منها بس

اقولش ترى هي بتطلع احلى مني ومنش بالمكياج لانه شعرها بتصلح عليه انواع التسريحات خخخخخخ

المــها

29-01-2007, 03:07

ههههههههههههههههههههه
هي وانا اختس حلوه بس لو تهجد كشتهاههههههه
وقول بتروحين اي سوق

عذبة السجايا

29-01-2007, 01:16

ابروح سوق القيصريه والسويق ونشتري ع قولتش فساتين جاهزه بس عاد

المشكله انه انا ضعيفه وانتي دبه وين بنحصل فستان جاهز ع مقاسنا خخخخخخخخخخ

تدرين ناخذ من فساتين سنافيه هالزينه كل فستان عندها احلى من الثاني من هالدراعيع المعلقه عندها بدولاب

المــها

29-01-2007, 05:32

وش دبته الله يصلحتس
بسم الله علي ريانت العود مو مثلتس يا ناشفه هههههههه
وش فيتس السوق كله مقستنا وشفيتس متحطمه ههههه
لا برح اشتريلي جديد وش نخذ فستينها يختي هي دبه
الا اقولك وش مسوين اليوم على الفطور هههههههههههه جوعانه

عذبة السجايا

29-01-2007, 08:46

هههههههههههههه ربنا يرجش يامهوي

ايه وش مسوين ع الفطور انا اقولش الله مير يسلمش بيض مقلي جبنة مرتديلا زيتون فول خبز مدمس خخخخخخخ

هاه وش رايش فيه عسى بس اشتهيته

المــها

29-01-2007, 11:07

ههههههههههههههههههههههه
هذا فطور الصباح لا انا اقصد فطور الصيام ولا ما صمتي
ايه والله مشتهيه زيتون المخلل بفلفل اممممم

عذبة السجايا

29-01-2007, 11:20

ايوا فطور الصايم ماقلتيلي دبه

شوربه ولقيمات وسويتلش شباتي ايوالله هذاك الخبز الهندي الي يحبه قلبش

المــها

29-01-2007, 11:33

مشاءلله عليتس ظفره يا حليلتس تعرفين تسوين خبز

عذبة السجايا

30-01-2007, 04:07

ايه شو على بلاش ترى اعجبش انا

وبس خلاص لاتكلميني لاني زعلانه منش دبه

المــها

30-01-2007, 07:11

ههههههههههههههههههههههه
ليش زعلانه يا كثر ما تزعلين
اسفه يا عمتي عذبه اذا كنت غلطانه

عذوبه عطيني طريقة الخبز خليني كشخ عندد اهلي و اخبزلهم هههههههه

عذبة السجايا

30-01-2007, 01:57

لاااااا تموتين تطيرين تنزلين مااقولك

المــها

30-01-2007, 04:52

ههههههههههههههههههههه
احسن منيب ميته على خبزتس
بسئل جمولتنا اذا تعرف تسويه بس عطيني اسمه عن انذله لاجيتس للحساء واحوستس هههههههههههههه
بدت تعصب هههههههههههههههههههه

عذبة السجايا

31-01-2007, 02:36

ههههههههههههههههه

دبه يليت والله بس علشان تجين علينا

مهوي قوليلي اسماء الاسواق الشعبيه الي عندكم في الرياض

وانا ابقولش عن اسماء اسواقنا الشعبيه طبعاً اشهر سوق عندنا القيصريه يجون عليه كل دول الخليج وقطر خاصه

والسويق في المرتبه الثانيه بس هو محلات كثيره جنب بعض يعني مثل القريه وفيه كل شي جديد وقديم

هاه وانتوا وش اسم اسواقكم واشهرها

المــها

01-02-2007, 03:52

شعبيه فيه كثير بس انا ما اعرف الى الي في شمال الرياض
فيه عندنا سوق عويس يبعون فيه ملابس وفيه محلاة عطاره وفيه محلاة اوني منزله واثاث مره حلو اثاثهم خاصه المكتبات والطاولات نفس المحلاة الكبيره بس عندهم ارخص
وسوق طيبه قريب من سوق عويس بينهم شارع فيه الملابس ومحلاة الذهب
وكان فيه سوق شعبي كله محلاة ابو ريلين بس هدموه وفتحو بداله العزيزيه مول
ايه بعد فيه سوق مو سوق شارع اسمه شارع سويلم ه في جنوب الرياض
تخيلي شارع كله محلاة العاب اطفال
وشارع فيه اكسسورات وبوكل وكلابسات مررررررررررره رخيصه طبعا بيعولك ايا بدرزن بس رخيصه وحلوه
وشارع كله مكياج وعطور
وقريب منه بعد بجنوب الرياض سوق اسمه الوشيقر معروف بسم الديره قديم مره
يبيع ادوات مدرسيه ومفارش ومدري فيه ملابس او لا

عذبة السجايا

01-02-2007, 05:02

اهاا مشاءالله واجد عندكم الاسواق الشعبيه

ماادري فيه عندكم سوق اسمه سوق البطحا هذا شعبي بعد؟

وشارع فيه اكسسورات وبوكل وكلابسات

اكسسورات وعارفنها وبوكل عارفنها الكلابسات وش ذي بعد

المــها

02-02-2007, 07:35

ايه صح البطحاء بس مدري هو فيه الحين او لا

وبنسبه اسؤالتس يا قمر الفضول
معليش انت تعرفيني انا والخطاء الاملائيه ملازمه معاي
اقصد كلبسات شعر وفيه ناس تسميها شباصات ههههههههه

انتم في المنطقه الشرقيه كلكم تحكون بحرف اشين ولابس الحساء

عذبة السجايا

02-02-2007, 11:33

اها شباصات قولي كذا من الاول دبه

انتم في المنطقه الشرقيه كلكم تحكون بحرف اشين ولابس الحساء

ايه الشرقيه كلهم

المــها

06-02-2007, 08:40

مساء الخير
عذبه وينتس الله يصلحتس من زمان عنتدس لا ما سنجر ولا منتدى
عسى ما شر

عذبة السجايا

09-02-2007, 10:37

الشر مايجيش يالغلا

انا الان فيه هاه امري تدللي وش بغيتي

عبير الورد | ~

28-03-2008, 04:02

اخباركم صبايا

وين العرب ؟؟؟؟

عبير الورد | ~

08-04-2008, 07:17

هلا مهويه اخباااااااارج

منورة المنتدى بطلتج

لا تقطعين يابنت