السؤال الأزلي ... هل الثقل صنعه ؟؟ أبي إجابة

[الوساف]

السلام عليكم ورحمة الله وبركاته

عندي سؤال محيرني واجد >>> وهو بخصوص الثقل >> فدائما نسمع عن الثقل > يعني يجي شاب يقولك انا أحب البنت الثقيلة ، هذي هي فعلا إلي تنفع تكون زوجتي . والثاني يقولك الثقل صنعة ... وواحد ثالث يقولك الثقل فخ توصل فيه البنت للي تبيه ... و و و و و .... بصراحة شغله تحير! حبيت أعرف رايكم بالموضوع ، وانا واعوذ بالله من كلمة انا شايف ان الثقل مطلوب بس مو زيادة عن اللازم ، لان الشيء ادا زاد عن حده انقلب ضده. ولا اشرايكم اعزائي.

[المــها]

صباح الخير اخوي
انت تبي راينا في اي ثقل الثقل بشكل عام
او اثقل الفتاة
ياليت التوضيح

[ميدو]

اخوى الوساف
اللة يعطيك العافية على هالموضوع
هو صحيح التقل صنعة لكن بحدود
لان مثل ما قلت الشئ اللى يزيد عن حدة يتقلب ضدة
تقبلى شكرى واحترامى لشخصكم الكريم

[الوساف]

أميرة نجد شكرا على التواصل وللتوضيح حبيت أعرف عن الثقل بشكل عام لو سمحتي ...

[الوساف]

أخي ميدو أشكر تواجدك معي ومشاركتك والله يعطيك العافية

[المــها]

لا اثقل مطلوب
بس فيه اوقات واوقات مثلا جالسه مع اهلي ولا اصحاباتي اكون طبيعيه
اما في مواضع ثانيه اكون راكده اكثر من وضعي مع اهلي
اثقل شي رائع 00
1\فرض احترام الناس
2\حفظ السان و وزن الكلامه قبل خروجها
3\وصاحب الشخصيه الثقيله دائما يكون وضعه مناسب لكل الظروف زواج او عزاء او 000000
4\تكون له مكانه عند اناس ويحسبون له حساب لانه فرض وجوده بشخصيه مثاليه

والمبالغه في الثقل
تبين الغرور وتسبب الاشمزاز والنفور

ويقلون الثقل صنعه وانا اقول الثقل صنعه ومانع من الزله :smile:
يعطيك الف عافيه على الموضوع
والحمدلله على اسلامه تو ما نور المنتدى

[الوساف]

أشكر مرورك أختي اميرة نجد وأيضا أشكرك على التوضيح والله يعطيك العافية ... والله يسلمك والمنتدى منوّر باهله عيال عمي جميعا وأشكر تواصلك عزيزتي ..

[فارس الظلام]

frame="7 80"]مشكووووووووووور

بارك الله فيك

وحفظك الله


والله يوفقك ويسعدك ويسخرلك ان شاءالله

وتسلم يمينك [/frame]

[الوساف]

فارس الظلام اشكر مرورك الكريم

[منيرهـ]

الثقل

هل هو بين شخص في منتدى يبحث عن فتاة وتصده؟؟

ام هو ثقل الفتاة وترفعها عن شخص يعاكسها بالشارع؟؟؟

أم هو بين الزوجين؟

الاولى ليه تعطيه وجه

والثانيه شخص ما يستحي ولا يحترم نفسه

و في الحالتين ليس ثقل بل أحترام للذات

أما الثالثه بين الزوجين هناك غنج وليس ثقل وعلى الرجل ان يكسر حاجز الخجل والخوف


أتمنى أن أكون وضحت رايي بالنسبة للفتاة

أما للرجل فهو يفقد قيمته وهيبته وجاذبيته حين يكون خفيف

لذلك أيها الرجل أثقل وحط في جيوبك حصى

تحياتي

منــيرهـ

[زيد السالم]

اخي الوساف موضوعك رائع ويستحق النقاش

سواء كنت خفيف ام ثقيل فاحب الناس يأتي من الله عز وجل

فابعض الاشخاص تجدهم يكذبون ويبالغون(يهايطون) ويمزحون وعلى ذالك فهم محبوبين وباللبناني(مهظومين)(ولا اشجعك على ذالك)

وبعض الاشخاص تجده يصطنع الثقل في غير محله فتجده منبوذ ومكروه.(دايم ماد بوزه شبرين)

وخلاصة وجهة نظري:
1-اتفق مع راي الاخت اميرة نجد
2-كلما كانت شخصية الانسان قويه ونظيف القلب استطاع ان يكسب حب الاخرين بمشيئة الله.
3-يقولون كل شي بوقته حلو يعني وقت المرح خلك مرح ووقت الجد خلك جاد
4-وكلما تقدم الانسان في العمر نجد طابع الثقل يغلب عليه.
5-ومثل ماقلت يا استاذي الوساف الثقل مطلوب بس لايزيد عن حده (خير الامور اوصطها)ادمج الخفه والثقل ولاكن بدلوماسيه.

ونحن بنتظار النقاش مع الاخرين

يعجبيني طرحك للمواضيع ذات الفائده اخي الوساف والى الامام

[الوساف]

منيره الله يعطيك العافية ومشكورة على التواصل واشكر صراحتك وشرحك في الرد .......... زيد السالم الله يوفقك ويعز شانك ويرحم والديك على الكلام الرائع واعجز عن الرد بالصورة التي تشرق ما تقدمت به من كلمات جميله .. الله يعطيك العافية

[سنافيه]

هلا وساف شخبارك وين الغيبه لاتسأل ولاتسير :smoker:

ماتقول في ام كشه قاعده بروحها في المنتدى تحتري طلعتك البهيه

مو عشان شي بس ابي اخرعك هههههه

بالنسبه لموضوعك :cool:

بصراحه انا في صوب والثقل بصوب

هو لساني لو ينربط كان الحين اهلي بخير والمجتمع يعمه السكينه والهدوء

ترا قبل مادخل كنت متهاوشه مع خواتي ولعت حريقه في البيت وطردوني من الغرفه

هين اوريك فيهم لاجا ابوي بعلمه ولاقالوا غسلي المواعين والله ماغسلها

مايتذكرون اني اختهم الا وقت الكرف

المهم

شاب يقولك انا أحب البنت الثقيلة ، هذي هي فعلا إلي تنفع تكون زوجتي

الثقل في هذي الامور مطلوب بس مايمصخونها لدرجة ان كل واحد يحس انه قاط وجهه على الثاني

ايه على الطاري بقولك سالفة وحده من البنات

ياحبي لهالسوالف :biggrin:

البنت ملكت على الولد ولاتعطيه وجه وهم من عوايدهم عادي الواحد يقعد مع زوجته وقت الملكه

طبعا تدري عندنا السالفه فيه قطع ارقاب هههههههه والله يحوسون الرجال ويمكن يطلقونه بعد

المهم البنت ماتعطيه وجه ولاتكلمه تقول كذا ابيه يتعذب والله اخرتها الولد بيهدها ويقولها باي باي

اذا قريت القصه طلع مايستفاد من القصه وعطني الدفتر اصححه لك :biggrin:

لاني داريه مال امها داعي السالفه

يلله تبي شي ماشيات قبل ماروح لايردك الاخشمك هههههههه

[الوساف]

سنافيه اشكرك على السؤال وعلى التواجد المستمر وعلى المرور وعلى ثقل دمك وعلى كشتك إلي ما أشوف الكلام من وراها وعلى القصة الجميلة إلي ناقصه ترجمة وعلى المعلومة إلي تبين تعطينها لــ أبوك عن خواتك ( يالفتينية ) خخخخخخخخخخ

ما أدري شوصف فيك يا سنافيه ؟؟؟؟؟ ودي أمدحك بس المشكلة بطاقتك العضوية تفضحك من مكان الاقامة ( عنبر المجانين ) عشان كذا المدح ما يفيد بالمجنون خخخخخخخخخخخخخخخخخخخخخ

الله يسلمك من كل شر ويعطيك العافية على السؤال عني وترى وحشتني سوالفك وغشمرتك الثقيلة ههههههههههه

أقول في صابون رقي للبيع يقولون زين حق الشعر ( ينعمه ) خخخخخخخخخخ

ولا صابون جزر يقوي النظر ( شكو هالسالفة بالشعر !!!! ) ههههههههههه جننتيني وقمت أسولف أي شي ...

سلامي لك

[؟؟]

اخوي الوساف

هههههههههه

انت ما سمعت اغنية احلام

الثقل صنعة


الله يكرمك


اكيد الثقل

شي اساسي في الانسان

لابد ان يحتفظ به

لكن في اوقات معينة

وليس كل الوقات


حفظك الله

[الوساف]

شكرا مبارك السالم على المعلومة الجيدة ( اغنية احلام ) هههههههههههههه