راعي الاوله
15-02-2007, 07:39
على الموعد بلهفة جيت لامانع ولا تأخيـر
لفيت من العصر هايم مع ان الموعد المغرب
وجتني بس انا مدري شعرت الجية هذي غير
وهي تقرب من عيوني شعرت ان الممات أقرب
وقلت : الله يهونها عسى في جيتك لي خير
أنا من شفتك اقبلتي وأنا خايف ومستغرب
على كثر الحكي مدري كأنه خانها التعبير
قالت لي جمل وأشياء لاتكتب ولا تعرب
هدت فجأه تطالعني وأنا في حاجة التفسير
لجل نحكي بهدوء أكثر سألت الحلوة : وش تشرب
وصاحت بي أنا احبك ولك في هالحشى تقدير
وتدري ان المثل فينا وفي احساسنا يضرب
صحيح انك وفي وانك بري من تهمه التقصير
ولكن ذي عوايدهم من أيام وزمن يثرب
تكون البنت لابن العم ورغبات الكبار تصير
وتدري الاقربون أولى مع انك للخفوق اقرب
وتدري للقدر كلمه لعادات الأهل تأثير
لذا أرجوك تتركني وانا من دنيتك باهرب
شعرت بحكيها كنه قصاص وأمر بالتعزير
شعرت الدنيا ضاقت بي من المشرق ليا المغرب
مشت خلت وراها طفل مايدرك وش التدبير
يحسب أن الغرام اشعار شاعر واغنية مطرب
ضحكت وماقدرت اني ألاقي لضحكتي تبرير
من اللي بوقتنا مره ضحك من لدغة العقرب
رفضت استوعب اللي صار ولا استسلمت للتغيير
ثمان سنين اجي نفس المكان بحزة المغرب
برغم ان الثمان سنين جرح وكلفتني كثير
أنا لليوم اجي وادعي تجي يارب .. تجي يارب
للشاعر محمد الشهري
لفيت من العصر هايم مع ان الموعد المغرب
وجتني بس انا مدري شعرت الجية هذي غير
وهي تقرب من عيوني شعرت ان الممات أقرب
وقلت : الله يهونها عسى في جيتك لي خير
أنا من شفتك اقبلتي وأنا خايف ومستغرب
على كثر الحكي مدري كأنه خانها التعبير
قالت لي جمل وأشياء لاتكتب ولا تعرب
هدت فجأه تطالعني وأنا في حاجة التفسير
لجل نحكي بهدوء أكثر سألت الحلوة : وش تشرب
وصاحت بي أنا احبك ولك في هالحشى تقدير
وتدري ان المثل فينا وفي احساسنا يضرب
صحيح انك وفي وانك بري من تهمه التقصير
ولكن ذي عوايدهم من أيام وزمن يثرب
تكون البنت لابن العم ورغبات الكبار تصير
وتدري الاقربون أولى مع انك للخفوق اقرب
وتدري للقدر كلمه لعادات الأهل تأثير
لذا أرجوك تتركني وانا من دنيتك باهرب
شعرت بحكيها كنه قصاص وأمر بالتعزير
شعرت الدنيا ضاقت بي من المشرق ليا المغرب
مشت خلت وراها طفل مايدرك وش التدبير
يحسب أن الغرام اشعار شاعر واغنية مطرب
ضحكت وماقدرت اني ألاقي لضحكتي تبرير
من اللي بوقتنا مره ضحك من لدغة العقرب
رفضت استوعب اللي صار ولا استسلمت للتغيير
ثمان سنين اجي نفس المكان بحزة المغرب
برغم ان الثمان سنين جرح وكلفتني كثير
أنا لليوم اجي وادعي تجي يارب .. تجي يارب
للشاعر محمد الشهري