المساعد الشخصي الرقمي

مشاهدة النسخة كاملة : كيف تستخرج القطعه المزورة

الوساف
11-03-2007, 10:08
السلام عليكم ورحمة الله وبركاته

لديك عدد ( 24 ) قطعه ذهبية واحدة فقط منهم مزورة أريد أن أعرف كيف تستخرج القطعه المزورة علمأ بأن لديك ثلاث محاولات فقط لكي تزن هذه القطع ... وضّح لي كيف تزنهم وتستخرج القطعه المزورة ؟؟؟؟؟؟
عذبة السجايا
11-03-2007, 11:18
يمكن ماتكون بينهم قطعه مزوره اصلاً
بقاايااكحل
12-03-2007, 08:04
الله اعلم؟؟؟
الوساف
12-03-2007, 12:08
يمكن ماتكون بينهم قطعه مزوره اصلاً

الصراحة أحرجتيني بردك ههههههههههههههههه

ترى في بينهم قطعة مزورة صج ...

شكرا على المرور
الوساف
12-03-2007, 12:09
الله اعلم؟؟؟

شكرا للمرور مع إني توقعت تجيبين الحل الصحيح
بقاايااكحل
12-03-2007, 12:26
ارفع الرايه البيضاااء

استسلم


قول ايش الحل؟؟
الوساف
12-03-2007, 01:27
والله !!!!!!!!!!!!!!!

بكل بساطة تبين الجواب ؟؟؟؟؟؟


أنا إنفجر مخي وأنا أدوره خخخخخخخخخخخ

وإنت تبين الحل ببساطه !!!!!!!!!!!!

إحمدي ربك إنك مو جمبي كان ............................ ههههههههههههههه


خلينا ننطر يمكن يجاوبون
بقاايااكحل
12-03-2007, 01:39
هههههههههههههههه
الحمد لله اني بعيده هههههههههه
يعني هاللغز ماله حل؟؟
كيف تحط لغز ماتعرف حله؟؟


؟؟
شيهانةالفضول
12-03-2007, 11:59
هذي مثل المعادله يكون حلهاا قسمه
تقسم القطع ال 24 الى 3 مجموعات كل مجموعه فيها 8 قطع فتوزن كل مجموعه وراح يتطابق مجموعتين بالوزن

ثم تاخذ المجموعه الاقل وزناا وتقسم الى 4 مجموعات كل مجموعه بها قطعتين ثم توزن راح يتطابق 3 مجموعات بالوزن

تاخذ المجموعه الرابعه وهى من قطعتين توزن كل قطعه على حده فتعرف القطعه المزوه :)

وهذا هو الحل على ثلاث محاولات
عبدالله السويلم
13-03-2007, 02:45
شيهانت الفضول

الثلاث مجموعات اذا وزناها بتخلص الوزنات على طول

ويمكن يكون حلك مثل اللي بقول بس خانك التعبيييييييييييير او انا اللي خانني الفهم

بسم الله

الميزان اكيد ميزان بكفتين

المزوره اكيد اقل وزن من الاصليات ......... اتفقنا ؟

نقسم الاربع وعشرين على 3 مجموعات كل مجموعه 8 حبات

نزن مجموعتين فقط
اذا تساوو في الوزن يكون المزور في المجموعه الثالثه اللي برا اكيد واذا اختلفاً فالخفيف هو اللي فيه المزور

ناخذ المجموعه اللي فيها المزور ونقسمها على 3 مجموعات 3 ، 3، 2

نازن الثلاث والثلاث ونخلي الثنتين برا

اذا تساون الـ3 والـ3
يكون المزور في الـ2 اللي برا
نازنهن وتبين الخفيفه منهن وهي المزوره

اذا اختلفن؟
الكفه الخفيفه فيها ثلاث حبات وهي اللي فيها المزور........ زين ؟

نازن ثنتين من الثلاث ووحده برا

الخفيفه منهن هي المزوره

اذا تساون فاللي برا هي المزوره

هاه
وش رايكم
الوساف
13-03-2007, 10:22
الأخت شيهانة الفضول شكرا على المرور وإجابتك كانت صحيحة ولكن فيها نقص بالأخير فالإجابة خاطئة ..
الوساف
13-03-2007, 10:24
الأخ أبو جهاد بارك الله فيك وتراك جبت الحل الصحيح ما شاء الله عليك وتسلم يالغالي ... صج إنك شاطر .. هههههه

أبي الاخوات عذبة السجايا و بقايا كحل يشوفون الحل عشان يعرفون إني ما حطيت لغز ماله حل .. ههههههه

تسلم يمينك أبو جهاد
شيهانةالفضول
13-03-2007, 10:59
ابو جهاد

انا استخدمت ثلاث محاولات

المحاوله الاولى تقسم القطع الى 3 مجموعات ووزنهم وتعتبر محاوله

المحاوله الثانيه تقسم المجموعه الثالثه الى 4 مجموعات ووزنهم وتعتبر محاوله

الثالثه وهى اخر مجموعه فيها قطعتين بس توزن كل وحده على حده ومنها تستخرج القطعه المزوره

اصبح اني استخدمت 3 محاولات فقط بعمليه الوزن ؟!!!!!!!!!!!!!!

وحلك شويه معقد يا بو جهاد

الوساف

الحل كامل وصح :)
الوساف
14-03-2007, 10:29
شيهانة الفضول الله يعطيك العافية ولكن ممكن تركزين شويه في إجابتك ...

1. تقسم إلى ثلاث مجموعات وتوزن أول وزن
2. تقسم مجموعة ( 8 ) إلى أربع مجموعات ... وستضطر إلى وزنها مرتين يعني ( 2 ) >>> ( 2 ) متعادلين
وبعدين لازم توزنين الالأربع قطع الثانية ( 2 ) >>>> ( 2 ) عشان تعرفين الأقل وزن راح يبين وياك عدد ( 2 ) قطعة ..إذن كيف توزنين القطعتين الأخيرتين لكي تعرفي القطعة المزورة وقد استنفذتي جميع المحاولات ؟؟؟؟؟؟؟
زيد السالم
15-03-2007, 09:00
خطير يابو جهاد وكفو ماشاء الله عليك
صقر الأحساء
15-03-2007, 11:45
هذا سؤال صعب ومعقد
عبدالله السويلم
16-03-2007, 07:34
الوساف
شيهانت الفضول

اخوي زيد

حياكم الله يا الربع

تحياتي للجميع
الوساف
17-03-2007, 11:34
الله يحييك ويسلمك يالغالي
الوساف
17-03-2007, 11:35
شكرا لمرورك صقر الاحساء