حكايا الاولين حصرياً على منتدى الفضول**لاتفوووووووتكم

[عذبة السجايا]

السلام عليكم

اخواني واخواتي الاعضاء اليوم جايبه لكم حكايه من حكايا الاولين ومن منا لايحب قصص وحكايا الاولين...

لما تحمله من العظه والعبره ومالها من تأثير على النفس..


هذا الله مير يسلمكم كنت انا وهي جالسين برا في حوش البيت وسط الهواء العليل والجو الي تحس فيه بروح الماضي ونت تسمتع الى حكايه من حكايا اولين ... وقلت يابنت فرصه تقولي للوالده تحكيلك سالفه من سوالفها الحلوه والوالده الله يسلمها صراحه ماقصرت وتعبتها حيل معي خاصه وانا اكتب بعض الجمل اصعبه اشوي في كتابتها وخاصه انه الوالده كانت تقولها بشكل قصيد الي على وزن الربابه علشان كذا لقيت صعوبه في كتابتها المهم اول قصصها كانت هذي السالفه الجميله..


ونا حطيت عنوان لسالفه

عذربتني ياليل

والتي تحكي انه هناك شاب يدعى ليل جالس هو وامه في بيت الشعر حقهم وجلس يتأمل في امه

واخذ ينشد عليها ويقول:

الاول ياام ليل راسك مسابيح
واليوم يايمه راسك عراده

الاول يايمه نهيدك أفنجايل
واليوم يايمه انهيدك وساده

الاول يايمه عيونك شياهين
واليوم يايمه عيونك جراده

ردت عليه الام وقالت:

عذربتني ياليل وبوك قاعد
لاهو بالمجلس ولا هو براقد

ولما سمعها ايو ليل قال لها :

تستاهلين ياأم ليل تسعين ناقه
مضرباً احمر وريش الهداهد

ملاحظه

مضرباً : فراش القطن
الهداهد: المخده من ريش الطيور ونعام

اتمنى تكون عجبتكم
وحصرياً على منتدى الفضول وتنشر اول مره في عالم النت

واوعدكم بالمزيد من حكايا الاولين

[بوثنيان]

عذبة السجايا


أشكرك على النقل الجميل...



ودمت بخير ,,,




لا للأستعجال...!!....

[عذبة السجايا]

اخوي بو ثنيان ماكان بودي انك تفتح الموضوع من جديد
ولكن تقديراً لك ساانزل ماتبقى من الحكايا دفعه واحده وشكراً لك
..............................

[عذبة السجايا]

واليكم هذه السالفه رقم(2)

وقد وضعت لها عنوان واسميته

(بنت الاجاويد)

هذي قصة امراءه قد تزوج عليها زوجها بفتاه ذات جمال وحسب ونسب
فماكان من هذه الزوجه الاولى الا ان تقوم بأصلها وواجبها كزوجه محبه لزوجها
فاعملت على تنظيف بيت ضرتها وترتيبه واعداد الطعام لها كون الثانيه عروس جديده

وراحت الزوجه الاولى تنشد وتقول:

يامرحبا يامسهلا حي مريم

وحي طروش الي تجيني عليها

يابنت شيخاً ولفت عند خير

ذا محملاً يميل بها ويستويلها

وقد سمعها زوجها وهي تنشد ذلك

والتفت على زوجته العروس وقال لها روحي الله يستر عليك اراكبن الي جابتك تعودك

فماكان منه الا طلقها وبغيت الزوجه الاجوديه والتي عملت بأصلها هي الاصل

تعليق بسيط
وين حريم اول من حريم اللحين فرق شاسع بين السماء والارض

[عذبة السجايا]

قصه (3)


(الصاحب الوفي)

يحكى ان رجل نزل ضيفاً عند صديقه الروح بروح (صديق العمر)

وحصل ان زوجة هذا الرجل قد همت بصديق زوجها (الضيف)

الا انه رفض وامتنع وفاءاً منه لصديقه

فماكان من هذه الزوجة الخائنه الا ان تشتكي لزوجها مافعله بها صاحبه
كذبت عليه كي لايسبقها ويقول لزوجها ان زوجتك خائنه

ويوم اكل وشبع راح يغسل يديه واثناء ماصديقه يصب الماء على يديه ليغسلها

اذا به يقول له:

هنين مريين و متمتعن بالعافيه
تراك ياصاحبي اخطيت

قاله صاحبه:

شعوباً لعوباً وأرجتني في نفسها
علشانك ياصاحبي عفيت

فما كان من الرجل الا ان طلق الزوجه الخائنه

[عذبة السجايا]

القصه (4)

(العبد وزوجة الشيخ)

يحكى انه شيخ في ذاك الزمان له مجموعه من العبيد يقومون بخدمته وخدمة اهل بيته..
واحد من العبيد كانت له علاقه محرمه مع واحده من حريم الشيخ حيث انه الشيخ عنده اربع حريم

واثناء ماالعبد يسقي الزرع قام وجر هذا النشيد والشيخ في نفس الوقت كان يسمع للعبد من دون مايدري العبد انه الشيخ يسمعه..

قال العبد:

سوقن سقى الله ربع دار الابداجي

من مدلهن تالي الليل هطال

عصر الخميس اسقيت زرع الافوادي

من مبسمن راعيه ماهو بزعال

وراح الشيخ وامر بذبحه بعد مافهم وش يقصد ومن يقصد العبد بهذا الكلام..

وراح وشرى حب وقال لزاوجته كل ليله على واحده منكن تطحن هالحب وقلنا له خلاص الي تشوفه ياشيخ..

وفعلن صار انه كل ليله على واحده منهن تطحن الحب ..

واحده منهن صارت تنشد وهي تطحن وتقول:

العبد وش مهيده بالمسيري
كنه يتلها واحداً من مقفاه
ويطير من جيبه سوات الضريري
من ذا كلاً له من الناس مشهاه
وعليه شققن الثياب الحريري
وعلى خوياً مالقينا مثيله

وقالت تقصد زوجها:

وبو لحيةٍ كنها ازيقم القويري
مير هقوتن علت العبد وداه

ولماسمعها زوجها وعرف انها هي الخائنه امر بذبحها

[؟؟]

الله يعطيك العافية

مشكووووووووورة

على هذا الجهد الرائع

مشكووورة

بعدد حبات الرمل

وبعدد قطرات المطر

وبعدد ما غرد طير

ورفر صقر


تسلم يدينك

[الوساف]

.. تقبلي مداخلتي البسيطه ..

.. تعبيراً مني عن اعجابي بقلمك الراقي ..

[حاتميه]

عذبه يعطيك العافيه على هالقصص الحلوه .

قصص الاولين عجيبه والله ..

وعندهم سوالف وحركات ...

عذبه .. سلميلي على الوالده الله يعطيها الصحه والعافيه ..

وقولي لها .. ترى نبي قصص جديده لا تتاخرين وان نسيتي

الفي لنا معليش .. كل الي يجي منك حلو

عذبه .. سلام مني لك ولام خالد .......

[عذبة السجايا]

شاكره لكم مروركم وان شاءالله راح انزل لكم قصص جديده بس تابعوني

يوصل سلامك يالغلا

[علي الفايز]

اي والله وين حريم اول ====> يخطط ياخذ ثنتين

يعطيكي العافيه
وقصص جميله وممتعه ومعبره
واذا في اكثر ياليت تتحفينا ..:)

[بوثنيان]

عذبة السجايا


أشكرك على التواصل المستمر ,,وعلى إثرائك للمنتدى بحكايات الاولين وننتظر المزيد...



ودمت بخير,,

[عذبة السجايا]

شاكره لكم متابعتكم
وترقبوا المزيد من حكايا الاولين

[عذبة السجايا]

القصه(5)

عزة امرأه


يحكى ان أمرأه سافر عنها زوجها. وفي يوم جأتها أمرأه عجوز وقالت لها ترى زوجك اعرس عليك
انصدمت المرأه المسكينه من حكي العجوز وقالت في نفسها كيف يعرس علي وهو قايلي انه يبي يجيب لنا رزق.


فاراحت تنشد وتقول:


جتني عجوزاً أم الحكايا والاعلام
وتقول شوقك مرعسن عليك يالهديه


احسب رواحته يدورلنا مال
واثر مطرايشه يدور بنيه


عساه مايلقى سواتي على البال
وعساه مايلقاها هداه مترشيه


وعساه يجيني تالي الليل منحاش
وكل العرب توحي بطرفة شليله


وافتح له ويقول افتحي ياخلف والديه
واصفق له بالكفين واقول حماش


هذا جزاة الي راح يعرس عليه
يلقى الحصى والشوك يطفح على الجال


وعساه يلقاها عجوزاً معيه
وعساه ياخذها وعقبها يتندم


ويتم بيته خراب مايتعدل
عبدالعزيز دن القلم والدواتي
واكتب حروف وقل لبوك ياتي
سبع اواليداً بحكم وتدريس
ماسدوا ظهوره ودخوله عليه


وراحت الرساله لزوجها وقراها وقال:


يليتني من ليلة العرس عيت
محدن نهاني يوم دزت عليه
رقت علي بحجولها تردس ارداس
كنها ملك الموت شاقي عليه
يوم عشفوها بزابد الشمطري
ماكنها الاجيفتن في حويه


ردت عليه زوجته الجديده وقالت:


اصبر عليه يابن الاجواد يومين
لاتدري الحساد تشمت عليه
اكشف جدار وتلقى بينها جدارين
والثالث اللي ناشبن في حوينا


رد عليها وقال:


ماصبر عليك حتى صرف ساعه
من يوم جاني خط مريوشة العين

[عذبة السجايا]

قصه (6)




يحكى ان رجل احب امراءه غنيه حباً جماً وقدر الله ومرض هذا الرجل
فما كان منها الان تأتيه وتعمل على تمريضه وكانت في كل مره تذهب لتعوده تأخذمعها مالذ وطاب من الطعام..
وكان هذا الشي يضايق اهل هذا الرجل وطردوا المرأه خوفاً من بطش اهلها بحكم مكانتهم الاجتماعيه الراقيه..
فتألم الرجل لفراق محبوبته

فأخذ ينشد ويقول:

ياخوي جاني الموت ماهو واهب
ميرالله الله بالكفن والراهبه

لي صاحباً للغير ماهوب واثب
لاشافني قام يتضاحك انيابه

ولاشاف غيري قام يتكمكم بلسلاب
لاشافني مافوق راسه رام بها

لامت مروبي على سيد الاحباب
قولوا توفى العنقري وسفابه

ويوم مات مرو بها على قصرها وقالوا لااله الاالله توفى العنقري وسفابه

فلما سمعت ماقالوه الناس رمت بنفسها من اعالي مقصورتها وماتت

وهنا نقول ومن الحب ماقتل

[حاتميه]

عذبه ..
......... قصتين جميله بس مؤثره الحقيقه .. والعشق غثيث !!

شكرا لتواصلك عذبه ....

والله يعطيك العافيه ..........

[عذبة السجايا]

تسلمين عزيزتي ربي يسعدك
شاكره لك هاطله الحلووه