قصيدة للشاعر خليفه العوده تتعب

[خليفه]

أخذت بيت مــــن بيـــــوت تواليــــــــه *** أبى اتسلى فيــــه وابــــعتنــــــــي بــــــه
ياعين هلي صافي الدمـــــــع هليـــــــه *** والياقضى صافيــــه هاتـــــي سريبــــــــه
لي صاحب ياعيـــــــــن ودي أوافيـــــه *** في خلوة يلقـــــــى حبـــــــيب حبيبـــــــه
أفرح بشوفه واتحلــــــى بطـــاريــــــه *** وارسم له بجوفي بيـــــــــوت عجيبـــــــه
من لام انا ياعيــــن لاجيـــب طاريـــــه *** اقنب قنـاب الذيــــب وانحـــــب نحيبـــــــه
لخطــى علـي يزعــل وانا اللي أراضيه *** واســــامحـــه فــــــي كــــــل مايدعيبـــــه
خلـــي يهلـــي بــــي وقلبـــي يهليــــه *** وهذا مودة صـــــــاحـــــب مع صحيبــــــه
واليا نسيــت بحاجتـــــه مــن يدانيــــه *** أعلن جفاه وبالضــجر شــــق جيبـــــــــــه
واليــــا طلــبـتــه ياســـر قـال ماصخيه *** واليا طلبني كايد رحــــــــت أجيبـــــــــــه
بالضحك يرضيني وبالضحك أنا ارضيه *** والضحك هو طب القـــــلوب العـطيبــــــــه
اليـــا دعـــاني بالـوعـــد لازم اجــيـــه *** واليا دعيتــــــه جيتــــه لـــي صعيبـــــــه
هذي طبـــوعـــه ســدد اللــه خطاويـــه *** عرفت من طبعـــــه وخبثـــــه وطيبـــــــه

وســـــلامــــــتـــــكـم

[راعي الاوله]

ابيات جميله
الله يعطيك العافيه

[الجامح]

هذه القصيدة تشبه قصيدة تفول
ياعين شوفي زرع خلك وراعيه ......هذه معاويده وهذه قليبة
ياعين هلي صافي الدمع هليه.........الياقضى صافيه هاتي سريبه
أن مرني بدرب ماقد أحاكيه........مصيبةً ياوي والله مصيبة
ألي يبنا عيت النفس تبغيه.........والي نبيه عجز البخت لايجيبة

[الجامح]

يعطيك العافيه على النقل الجميل وصح السان الشاعر........................

[ابراهيم العوده]

صح لسانك يـــا خلــيـــفـــة ولا هنت بارك الله