المساعد الشخصي الرقمي

مشاهدة النسخة كاملة : صوتوا لسلمان الفضلي بشاعر الجمهور على قناة فلاش

النايف
06-05-2007, 12:50
اخواني ابناء قبيلة طيء الكرام
السلام عليكم ورحمة الله وبركاته
فيه مسابقة عنوانها ( شاعر الجمهور ) على غرار مسابقة ( شاعر المليون ) تنظمها قناة فلاش
وشارك فيها ابنكم ( سلمان ناصر الفضلي ) ممثل قبيلة الفضول والحمد لله تأهل للدور الجاي في برنامج شاعر الجمهور
يحتاج فزعتكم للفوز بلقب الشاعر على قناة فلاش بالجائزة المقدمة
ارجووا من ابناء قبيلة طيء والفضول خاصه
التصويت لابن القبيلة ( سلمان ناصر الفضلي )
وإحتمال يبدأ التصويت بعد مرحلة أو مرحلتين
فلا تنسونه من التصويت اذا بدأ التصويت
وإنتم ما تحتاجون وصاة يا الربع لكن للعلم والتذكير

وفالك اللقب يا الفضلي

وبالتوفيق
بوثنيان
06-05-2007, 12:59
النايف

بارك الله فيك,, ونتمنى له التوفيق....للشاعر..( سلمان ناصر الفضلي )..

ودمت بخير,,
حاتميه
06-05-2007, 01:08
الله يوفقه ولد عمي ..

ويلهمه الشعر المضبوط ... ويسخر له اللجنه .. والجمهور ..

شكرا لك يالنايف ......
العنود
06-05-2007, 02:54
الله يوفقه


...

و لكن ممكن انعرف هويته او تقدمون بطاقته الشخصيه انتعرف عليه عن قرب
عذبة السجايا
06-05-2007, 03:55
الله يوفقه ان شاءالله ويفوز باللقب

مشكور اخي النايف
الوساف
06-05-2007, 01:58
الله يوفقه إنشاء الله
سم الموت
06-05-2007, 02:26
سلمان ناصر الفضلي

الله يوفقك يابن العم

بس مدري في رقم معين للتصويت

وابشر بعزك
صقر الصبارا
06-05-2007, 02:32
اولا اشكرك اخوي النايف وماشا الله عليك سريع :21_f: بنقل الاخبار

واشكرك كل من تمنى الي التوفيق
وبالامانه ماكنت ناوي ادخل هل المسابقه لولا اصرار كبير من الجماعه وان يكون لنا صوت بين القبايل واني انا اكون اول المتقدمين لوحدة الصف ولرفع رايه القبيله ولو اني لست بشاعر بس تقدر تقول شويعر لان في هذه القبيله شعراء ينحنى لهم احتراما وتقدير لجزالتهم


اما من اكون فأنا ابن هذه القبيله الطيبه والاسم مثل ماتشوفون هذا اسمي الحقيقي



اما القصيده التي شاركت فيها بالمرحله الاولى


تقول



يكفي على نفسـي تزايـد عناهـا = يكفي جروحن خافيـات عطيبـه
إمـا تجـي بالطيـب ولا بلاهـا= ما ينبغي حبن يجـي بالغصيبـه
مانـي بمجبـور اسايـر هواهـا= والكل يطرد في زمانـه نصيبـه
نفسي عزيزه مـا تلفـت وراهـا= لقفت حبيبه غيرها إميـه حبيبـه
الله عطاني شـوق والله عطاهـا= سبع المفاتـن والمزايـا عجيبـه
كنت احسب ان اللي رماني رماها= في غبة الاشواق لوهـي صعيبـه
معـذورةٍ لـو اتباهـا ابحلاهـا= غنـدورةٍ مغنـاج دره عجيـبـه
بالرغم اني كنـت اتبـع خطاهـا= ماكنت افكـر واعتبرهـا غليبـه
بالعكس والله كنت ادور رضاهـا= وامشي الدروب المعضلات المريبه
كنت اتغاضى واتمـادى بخطاهـا= صبري نفد والصبر من وين اجيبه
توي عرفت الجرخ غايـة مناهـا= واني اعيش اوقات صعبه كئيبـه
خله مثـل ماقيـل فـي منتهاهـا= من راح من كيفه زمانـه يجيبـه [/poem]
والله يعينى على رفع اسم هذه القيبله مثل مارفعها إلي قبلنا من اجدادنا

salman_net77@hotmail.com
سالم الصبارا
06-05-2007, 03:08
الله يوفقك انشالله وفالك التوفيق

انا سراحه منصدم من الخبر لاني عرفته من المنتدى وماعندي اي تعليق

وكان لي مفاجأه ...كلنا نفتخر فيك وانشالله اخوانا وعيال عمنا يفزعون لنا

وهذول بيتين من اخوك يمكن يعبرون عن موقفي ,,, بقولك

شفت الخبر ياخوي وبالعون مذهول

.................................... مدري انا وشلون صرنا حيارا

فكري وانا ياخوي والعقل مشغول

.................................. وشلون ما ادري عن اللي يتبارا

اكبر فخر ياخوي لا صرت بتجول

................................ واسمك ترى مرفوع مثل المنارا

وابشر ترى ياخوي بفزعات الفضول

............................... موقد هـلك اليوم بالعون نــارا

شاعر تراك ياخوي وان كنت مجهول

................................ سلمان ولد ناصر صقر الصبارا


وسلاااااااااااااااامتكم


ونبي فزعتكم ياعيال العم

تقبلوا تحياتي

سالم ناصر الصبارا
راعي العليا
06-05-2007, 03:59
تم تثبيت الموضوع لعيناك يابن العم
..
سلمان ناصر الفضلي

الله يوفقك يابن العم

بس ياليت تخبرنا عن موعد وتاريخ ويوم الحلقه والرقم الذي من خلاله يتم التصويت
..
مع خالص التحايا والتقدير
العيسى عشيرتي
07-05-2007, 02:46
اخوي سلمان با التوفيق انشاء الله

وتبشر بعزك وانا اخوك وراك قبيلة ما تخليك واهديك بيت من قصيدة قديمة بشكل مبدئي

وعربون وفاء يا ابن العم




لاصارت الفزعة بالموقف سلوم=من سلومنا الفزع نظغط زندها
حمود الكثيري
07-05-2007, 11:18
يا سلمان ابشر بالفزعة والجماعة ما يقصرون

بس يا شباب لزوم كل واحد مسجل بالموقع يعلم جماعته اللي ما عندهم خبربالموضوع
صقر الصبارا
07-05-2007, 02:48
اشكر الكل سواء من شارك او المرور


وهذي العشم يا عيال عمي



بالنسبه للتصويت للحين ما بدا اما الرقم فهو 78



وإنشاء الله راح اوافيكم اذا بداء التصويت




ويعطيكم العافيه


وتقبلوا تحياتي

سلمان الفضلي ( صقر الصبارا ) ( 78 )
salman_net77@hotmail.com للتواصل
:61_f:
الجامح
08-05-2007, 08:40
أبشر بعزك ماطلبت شي صدقني لحذف كل المحطات وخلي فلاش بس عشان اثبته....................
صقر الصبارا
12-05-2007, 03:09
هذي الهقوه يا عيال العم

وبشروا الي انشاالله بالي يبض وجيهيكم


انتظروا مني قصيده انشالله الي راح تكون للمرحله القادمه

ونطلب الراي فيها


اخوكم سلمان الفضلي 78


salman_net77@HOTMAIL.COM
عبدالله السالم
12-05-2007, 07:29
السلام عليكم

الله يوفقك اخوي سلمان الفضلي

وابشر بعزك ماعندنا اغلى منكم
ابن عبيدالله
12-05-2007, 09:08
اخي الكريم / سلمان الفضلي المحترم

أتمنى لك التوفيق والنجاح وإن شاء الله الشباب ما هم مقصرين معك.
صقر الصبارا
12-05-2007, 02:31
السلام عليكم

الله يوفقك اخوي سلمان الفضلي

وابشر بعزك ماعندنا اغلى منكم




هذي الهقوه يالحر


واشهد انك حر


تقبل تحياتي


اخوك سلمان الفضلي 78
صقر الصبارا
12-05-2007, 02:38
اخي الكريم / سلمان الفضلي المحترم

أتمنى لك التوفيق والنجاح وإن شاء الله الشباب ما هم مقصرين معك.


يكفينى اهتمامك طال عمرك والنجاح ماهو نجاح المادي لكن الى يطيب خاطري فزعت عيال عمي وهذي هو طبعنا

اهل فزعات للغريب فما بالك بولد عم


والله اني سمعت وقريت من مسجات الي زاد اصراري الا ارفع رايه القبيلتي ولي الفخر


تقبل تحياتي

اخوك سلمان الفضلي 78
راعي العليا
12-05-2007, 03:23
صقر الصبارا

اتمنى ان ترسل صورة لك يابن العم

على اساس نضعها بالبنر

هذا وتقبل فائق الاحترام
العيسى عشيرتي
12-05-2007, 05:17
اخوي العزيز صقر الصبارا

ممكن تقبل اضبفك عندي على الايميل وتشغل ايميلك الان

الصراحة حاب اتكلم معاك شوي

اخوك محمد العيسى
صقر الصبارا
13-05-2007, 02:27
اخوي العزيز صقر الصبارا

ممكن تقبل اضبفك عندي على الايميل وتشغل ايميلك الان

الصراحة حاب اتكلم معاك شوي

اخوك محمد العيسى
]
الاخ العزيز / العيسى ما وصلني شئ على الماسنجر

وانا اتشرف والله يحيك [/size]
؟؟
15-05-2007, 11:44
الله يعطيك العافية

والله يوفقكم

وحنا معكم

معكم

كالسيل


وصح السانك والسانهم

ومشكوووووووور

ويالله يا شباب الهمه الهمه
حمد سعد
15-05-2007, 04:30
مشكورين لكم
محمد علي عطيه الفضول
16-05-2007, 09:21
ابشر بالسعد والفلاح يا ابن العم وفالك النجاح ان شاء الله
امل2000
18-05-2007, 06:12
عموماااااااااااااااااااا نتمنى التوفيق للكل ولكن لاننسى باقي المشاركين
من قبيلة الفضول
وهو ابن العم عبدالله بن محمد بن عبدالله العودة الفضلي
حيث لايخفى عليكم شاعرية هذا الرجل وجزالة شعرة
حيث ان القصيدة كانت اكثر من رائعه في نظري
ويحمل هذا المتسابق رقم 94
وبالتوفيق لجميع المتسابقين وخاصة من قبيلة الفضول
ولد العم سلمان وعبدالله
بوثنيان
18-05-2007, 12:00
أخواني الاعضاء فضلا وليس أمرا...

نتمنى من الجميع بأن يباشروا بإرسال التصويت فقط ( 74 ــ 78 ــ 94 )..

وهو الرقم الذي يعني رقم الشاعر أما إذا تم إرسال ( الاسم + الرقم ) سوف لن يزيد تصويته

ولكن مجرد الشريط الظاهر على الشاشه ..


1/ عادل صبيح الفضلي .... (74 )

2/ سلمان ناصر الفضلي.... ( 78 )

3/ عبدالله العوده الفضلي ....( 94 )


بالاضافه إلى النقطه المهمه بالتصويت لجميع الشعار وليس اختيار واحد أو أثنان دون الاخر....

وسوف ينقل برنامج شاعر الجمهور يوم الجمعه على قناة فلاش ( فترة الظهيرة 2:00 بتوقيت مكة )

ودمتم بخير ,,
ناصر السيف
21-05-2007, 04:28
تمنياتي لك باالتوفيق اخوي سلمان ناصر الفضلي
ومزيد من النجاح بأذن الله سبحانه وتعال الله يوفقك
تحياتي
ناصر السيف
فارس الفضول
21-05-2007, 04:38
الموضوع ولا اروع يعطبك العافيه

وصح السانك والسانهم

ومشكوووووووور