وين الاذكيـــــــــاء ...

[حاتميه]

السلام عليكم وحمة الله وبركاته

عندي لغز للأذكياء فقط

اعطيكم اياه

هي قصة صارت لي

امس القريب

احم احم

شريت عشر (10) صناديق (( ذهب )) يقولون ان السعر بيرتفع

في كل صندوق 20 سبيكة وزنها كيلو جرام

المهم اني بعد ما استلمت الذهب جاني مسج يقول ان

فيه واحد من صناديق (( الذهب )) كل اللي فيه مزور وكل سبيكة ناقصة جرام ,,,<<<==== لعبو علي الرجاجيل

:37_f:



المهم حبيت اعرف اي الصناديق المزورة ,

تقولون وين المشكلة

انا اقول لكم

الحين جالسه في البيت جنب الصناديق

وعندي ميزان قديم بكفة وحده ، ولا اقدر اوزن عليه الا وزنة واحدة <<== مره وحده

وشلون اقدر اعرف الصندوق المزور بوزنه وحده للصناديق كلها !!؟؟


محتاره ؟؟؟


ابي الحل بسرررعة ..........

[سالم الصبارا]

]مشكوره على هاللغز

الله يعطيج الف عافيه

بس عندي استفسار بسيط

لان اتوقع وصلت للحل

والسؤال اهو يصير ان احط الوزن على الميزان تدريجيا

يعني ما احط الوزن مره وحده

في حال ان يصير احط الوزن تدريجيا

يكون الحل كالتالي :

بما ان كل سبيكه تمثل كيلوا جرام

فشنسوي؟

نفتح كل الصناديق ونحطهم جنب بعض

ونحط الميزان قبالهم

وناخذ من اول صندوق سبيكه ونحطها على الميزان

طبعا راح يكون مؤشر الميزان راح يأشر على ان الوزن كيلو اذا ما كان المغشوش

بعدين ناخذ من الصندوق الثاني سبيكه ونضيفها على الوزن وراح يرتفع الوزن الى 2 كيلو

ونضل ناخذ من كل صندوق ونزيد االوزن وعدد السبايك لحد ما يطلع معانا كسر يعني ما يطلع معانا

رقم صحيح من الكيالو وتكون اخر قطعه حطينها اهي مغشوشه حيث ما يمثل وزنها كيلو صحيح يطلع كسر

يعني المفروض يطلع معانا 10 كيلو وتكون على كل سبيكه كيلو فيتصير الزياده بأرقام صحيحه وما يطلع معانا اي كسر

يعني مثلا عشان اوضحها اكثر مثلا وصلنا الى الصندوق السادس وطلع الوزن 6 كيلو واخذنا من الصندوق السابع وضفنها للوزن

وطلع الوزن اقل من سبعه كيلو يعني طلع ناقص اجرام يعني يصير 6999 جرام

فنعرف ان الصندوق السابع اهو الصندوق المغشوش

بس وسلااااااااامتج وادري دوختكم : )

وانشالله تفهمون قصدي


تحياتي لكم


دايم الاحزان[/size]

[الوساف]

تبدأ بالمرحلة الأولى وهي كالتالي:

--نأخذ من الصندوق الأول سبيكة ذهب واحدة
ونأخذ من الصندوق الثاني سبيكتين
ونأخذ من الصندوق الثالث ثلاث سبائك
ونأخذ من الصندوق الرابع أربع سبائك
ونأخذ من الصندوق الخامس خمس سبائك
ونأخذ من الصندوق السادس ست سبائك
ونأخذ من الصندوق السابع سبع سبائك
ونأخذ من الصندوق الثامن ثمان سبائك
ونأخذ من الصندوق التاسع تسع سبائك
ونأخذ من الصندوق العاشر عشر سبائك


تبدأ بالمرحلة الثانية وهي كالتالي :

تجمع السبائك اللي اخذتها وتضعها في صندوق واحد

المرحلة الثالثة

نضع الصندوق على الميزان

الآن معرفة الصندوق المغشوش وهي كالتالي :

إذا الوزن الإجمالي ناقص 100جرام فالمغشوش هو الصندوق الأول اللي أخذنا منه سبيكة وحدة .... وإذا كان ناقص 200 جرام فالمغشوش هو الصندوق الثاني اللي أخذنا منه سبيكتين .....واذا كان ناقص 300 جرام فالمغشوش الصندوق الثالث اللي اخذنا منه ثلاث سبائك واذا كان ناقص 400 جرام فالمغشوش الصندوق الرابع اللي اخذنا منه أربع سبائك واذا كان ناقص 500 جرام فالمغشوش الصندوق الخامس اللي اخذنا منه خمس سبائك واذا كان الميزان ناقص 600 جرام فالمغشوش الصندوق السادس اللي اخذنا منه ست سبائك واذا كان ناقص 700 جرام فالمغشوش هو الصندوق اللي اخذنا منه سبع سبائك واذا كان ناقص 800 جرام فالمغشوش هو الصندوق اللي اخذنا منه ثمان سبائك واذا كان ناقص 900 جرام فالمغشوش الصندوق اللي اخذنا منه تسع سبائك واذا كان ناقص 1000 جرام (1 كيلو) فالمغشوش هو الصندوق اللي اخذنا منه عشر سبائك وبهالطريقة ومن هالوزنة الواحدة تعرفنا على الصندوق المغشوش .... :) :) :)


وراك وراك حاتمية ماكو نحشه خخخخخخخخخخخخخخخخ

[عذبة السجايا]

بصراحه مااحب الالغاز المعقده مثل هيك

ربنا يعينك على فك شفرته يا حتومه

وان شاءالله الاخوان جابولك حله:smile:

[حاتميه]

دايم الاحزان ..... تسلم لي على حلك الي دوخني .....

بس عزيزي انا قلت نستخدم الميزان مره واحده فقط .........

على العموم حلك موبعيد حسب فهمي الا انك وزنت اكثر من مره .... هارد لك


دايم منور ومعطر يا دايم .........

******************

عذبه .. ما عليك اختي انا لها .....

شرفتي .........

[حاتميه]

الوساف .. انت اليوم ماعندك ظروف خاصه ؟ ها

يعني بس في مسابقاتك .. والغازي قاعد لي قعدة عدله ههههه


الوساف الف الف مبروك يالغالي والله انك منتب بسيط

وجائزتك .. لقب ذكي الفضول لهذا الاسبوع خخخخخخ


الى لقاء اخر في لغز ماتحله ههه

لك مني اعذب تحيه ..........

[حمد سعد]

يعطيك الله العافية وما قصرتي يا اختي الكريمة

[حاتميه]

نسيم ,, هلا اخوي يخليك ربي

بس انت الظاهر دايم كذا تجي متاخر .. لغزي الجاي ابي الي يحله انت .. احسب حسابك

منور ...

[حمد سعد]

2 مشكوره اختي حاتمية بس انا توني داخال المنتدى خذت اجازه من عندي اسبوعا اريح عيوني بعد العملية

[حاتميه]

نسيم .. سلامتك يا اوخيي ما تشوف شر

نسيم .. ترى عيونك اهم شي ... ريح نفسك مضبوط ما يكفي اسبوع

والحمدلله على سلامت اختي .. انشالله الحين احسن .. الله يشفيها وتقوم بالسلامه يارب

ويخليها لكم ....

نسيم بأخر لغزي الين تطيب عيونك .... مالك عذر ههه