هذي خشوم طويق يا جاهل طويـق

[راعي الاوله]

هذي خشوم طويق يا جاهل طويـق
هذي الخشوم اللـي يـذري ذراهـا
هذي الخشوم اللي تفرج عن الضيق
لازادت همـوم المعـنـى رقـاهـا
ولاضقت من وقتي على رجمه أويق
ويطرد عن النفـس الشقيـة شقاهـا
كم مرة عديتهـا وخاطـري ضيـق
وحولت منهـا سالـي مـن عناهـا
وكم مرة جريـت فيهـا الطواريـق
وإليا رفعت الصوت جاوب صداهـا
وكم حي عداها علـى فكـة الريـق
وكم واحد تحت الثرى قـد وطاهـا
وياما تعلووا فـي حجاهـا التفايـق
للصيد يـوم الصيـد ياطـا ثراهـا
احبهـا حـب يـخـج المعالـيـق
لـو كانهـا صـم يـروع حصاهـا
حـب قديـم معتـق الـود تعتـيـق
واكبر ويكبر وسـط قلبـي هواهـا
ومن لا مني في حبهـا دون تبريـق
معـذور حيثـه مـا تعـلا حجاهـا
ولا بطيت عن هاك الرجوم الشواهيق
كنـي مظيـع حاجـة مـا لقـاهـا
وجعل الخيال اللي بروقه شواعيـق
لاجا علـى ذيـك النوايـف سقاهـا
يسقي مداهيـل الرجـال المطاليـق
اللـي فعايلـهـم بعـيـد رداهــا
هذا جوابي يوم تنشـد عـن طويـق
وينبيك عن عالـي حجاهـا ذراهـا

للشاعر / عبد الله الدغيثر

[رياض الفضيلي]

احسنت . ياراعي الاولـــه . صح اللسانك ولاهنت يابن آخي .

[راعي الاوله]

رياض الفضلي

شاكر لمرورك الكريم

[العيسى عشيرتي]

صح الله لسانك

وسلم بنانك

دمت بود

[بوثنيان]

راعي الاولة


صح لسانك ولسان الشاعر / عبدالله الدغيثر....


ودمت بخير,,

[راعي الاوله]

شاكر لمرورالجميع

[؟؟]

راعي الاوله

اذا الشكر

له مدى

ما اتوقع الشكر لك

يوفى


صح السانك