العــــيطلي
20-05-2007, 11:32
أذكر في صغري أن شاهدت فيلم أجنبي أعجبتني قصته
قصتنا تبدأ مع شاب فقير ولكن عابث يعني الدنيا مو فارقه معاه أهو فقير يعني ينام في السجن كم ليله شي طبيعي ينصب على الناس برضوا عادي ، المهم جائه اتصال من أحد الشركات الكبيرة في البلد أحضر حالاً ، حضر صاحبنا وقالوله عمك مات قالهم أي عم أنا ماعندي عمام آنا مقطوع من شجرة ، قالوله وكذلك عمك لكنه بحث في شجرة عائلته لقاك أنت الوحيد إلي تقربه من الجد الثاني ، يخال أبوي حك ظهري ، المهم سألهم أنتوا الحين شتبون قالوله مبروك أنت الوريث الوحيد لمليارات عمك، صاحبنا قعد يصيح الله يرحمك يا عمي . كثر منها
بس فيه شرط يا فقير ، قالهم شنو الشرط ، قالوله عمك مسجل وصيته على شريط فيديو ولازم تشوفه ، صاحبنا ما كذب خبر دخّلوه غرفة وشغلوا الشريط ، ظهر عم الفقير وقاله آنا تعبت وآنا أجمع أموالي ويوم حسيت أن يومي قرّب دورت شخص من عائلتي يورثني وما لقيت إلا أنت ولما سألت عنك عرفت إنك منت كفو ، بس لا تخاف بعطيك ولكن فيه اختبار بالأول وأنت تختار إذا كنت تبي تورث ثلاثين مليون أو تبي تورث ثلاثة مليار ولا تستعجل فكر بالأول وبقولك قصه صارت معاي وأنا صغير ( يا ليل ما اطولك ) لما كنت صغير أبوي مسكني وآنا أدخن ، أبوي ما ضربني ولكن دخلني غرفة وعطاني علبة دخان وقالي أبيك تخلصها خلال ساعة وإذا ما خلصتها يا ويلك يا سواد ليلك ، المهم ما خلصت الساعة إلا وآنا كاره الدخان وألعن اليوم إلي صنعوه فيه ، وهذا الي آنا بسويه فيك ، شوف لك الحق إنك تاخذ الثلاثين مليون وتمشي أو إنك تقبل اختباري وإذا نجحت بتاخذ الثلاثة مليار وإذا فشلت شركائي في الشركة راح ياخذون كل شي وهذا شرطي عليك .
انتهى الشريط .
معليش سامحوني غفيت شويه السالفة طويله .
المهم صاحبنا سأل شركاء عمه شنو الشرط لأني أبي الثلاثة مليار
قالوله بنعطيك ثلاثين مليون بس لازم تخلصهم بثلاثين يوم ، قالهم سهله
قالوله بس أسمع للأعمال الخيرية لك مليون وللقمار برضوا مليون بس يعني باقي الملايين لازم تصرفها كلها وتجينا آخر الشهر وما عندك ولا شي وإذا لقينا معاك حتى لو نص دولار( الفيلم أجنبي يعني ما تركب لو أقول ريال ) راح تخسر ولازم تجيبلنا وصولات بكل شي ، قالهم طيب وقالوله لازم محد يعرف عن الموضوع هذا وإذا أحد عرف راح تخسر قالهم طيب .
صاحبنا أخذ الثلاثين مليون وقعد يصرف فيها أول شي سواه أجر فيلا وقعد كل يوم يغير الديكور بس علشان يصرف ، دخل الأسهم وصار يشتري الأسهم إلي هبوطها متوقع واشترى شركة نفط خسرانه ، صاحبنا بس يبي يخسر ويبي يعلن إفلاسه ، لكن مو على كيفه الأسهم أرتفعت ، شركة النفط إلي اشتراها اكتشفت بئر جديد ، دخل صالات القمار صاحبنا صار يربح أكثر وأكثر صار يصيح الرجّال يبي يخسر مو عارف شلون، شركاء عمه قعدوا يدبرون كل الحيل علشان يخسر ، كره الفلوس واليوم إلي عرف عمه فيه .
ما أطول عليكم لأنه أهو بطل الفيلم يعني بالأخير صاحبنا ربح الرهان وأخذ الثلاثة مليار ولكن تعلم درس شلون يصرف بعقل .
السؤال للكل حط نفسك بمكان هذا الشخص ، هل تقدر تصرف ثلاثين مليون وتجيني ما تملك شي آخر الشهر ولكن بشروطنا إحنا
1ـ لك مليون على الأعمال الخيرية .
2ـ لك مليون لأولي الأرحام .
فكر وعطني جوابك بس لا تنسى تجيبلي وصولات بكل هلله صرفتها
قصتنا تبدأ مع شاب فقير ولكن عابث يعني الدنيا مو فارقه معاه أهو فقير يعني ينام في السجن كم ليله شي طبيعي ينصب على الناس برضوا عادي ، المهم جائه اتصال من أحد الشركات الكبيرة في البلد أحضر حالاً ، حضر صاحبنا وقالوله عمك مات قالهم أي عم أنا ماعندي عمام آنا مقطوع من شجرة ، قالوله وكذلك عمك لكنه بحث في شجرة عائلته لقاك أنت الوحيد إلي تقربه من الجد الثاني ، يخال أبوي حك ظهري ، المهم سألهم أنتوا الحين شتبون قالوله مبروك أنت الوريث الوحيد لمليارات عمك، صاحبنا قعد يصيح الله يرحمك يا عمي . كثر منها
بس فيه شرط يا فقير ، قالهم شنو الشرط ، قالوله عمك مسجل وصيته على شريط فيديو ولازم تشوفه ، صاحبنا ما كذب خبر دخّلوه غرفة وشغلوا الشريط ، ظهر عم الفقير وقاله آنا تعبت وآنا أجمع أموالي ويوم حسيت أن يومي قرّب دورت شخص من عائلتي يورثني وما لقيت إلا أنت ولما سألت عنك عرفت إنك منت كفو ، بس لا تخاف بعطيك ولكن فيه اختبار بالأول وأنت تختار إذا كنت تبي تورث ثلاثين مليون أو تبي تورث ثلاثة مليار ولا تستعجل فكر بالأول وبقولك قصه صارت معاي وأنا صغير ( يا ليل ما اطولك ) لما كنت صغير أبوي مسكني وآنا أدخن ، أبوي ما ضربني ولكن دخلني غرفة وعطاني علبة دخان وقالي أبيك تخلصها خلال ساعة وإذا ما خلصتها يا ويلك يا سواد ليلك ، المهم ما خلصت الساعة إلا وآنا كاره الدخان وألعن اليوم إلي صنعوه فيه ، وهذا الي آنا بسويه فيك ، شوف لك الحق إنك تاخذ الثلاثين مليون وتمشي أو إنك تقبل اختباري وإذا نجحت بتاخذ الثلاثة مليار وإذا فشلت شركائي في الشركة راح ياخذون كل شي وهذا شرطي عليك .
انتهى الشريط .
معليش سامحوني غفيت شويه السالفة طويله .
المهم صاحبنا سأل شركاء عمه شنو الشرط لأني أبي الثلاثة مليار
قالوله بنعطيك ثلاثين مليون بس لازم تخلصهم بثلاثين يوم ، قالهم سهله
قالوله بس أسمع للأعمال الخيرية لك مليون وللقمار برضوا مليون بس يعني باقي الملايين لازم تصرفها كلها وتجينا آخر الشهر وما عندك ولا شي وإذا لقينا معاك حتى لو نص دولار( الفيلم أجنبي يعني ما تركب لو أقول ريال ) راح تخسر ولازم تجيبلنا وصولات بكل شي ، قالهم طيب وقالوله لازم محد يعرف عن الموضوع هذا وإذا أحد عرف راح تخسر قالهم طيب .
صاحبنا أخذ الثلاثين مليون وقعد يصرف فيها أول شي سواه أجر فيلا وقعد كل يوم يغير الديكور بس علشان يصرف ، دخل الأسهم وصار يشتري الأسهم إلي هبوطها متوقع واشترى شركة نفط خسرانه ، صاحبنا بس يبي يخسر ويبي يعلن إفلاسه ، لكن مو على كيفه الأسهم أرتفعت ، شركة النفط إلي اشتراها اكتشفت بئر جديد ، دخل صالات القمار صاحبنا صار يربح أكثر وأكثر صار يصيح الرجّال يبي يخسر مو عارف شلون، شركاء عمه قعدوا يدبرون كل الحيل علشان يخسر ، كره الفلوس واليوم إلي عرف عمه فيه .
ما أطول عليكم لأنه أهو بطل الفيلم يعني بالأخير صاحبنا ربح الرهان وأخذ الثلاثة مليار ولكن تعلم درس شلون يصرف بعقل .
السؤال للكل حط نفسك بمكان هذا الشخص ، هل تقدر تصرف ثلاثين مليون وتجيني ما تملك شي آخر الشهر ولكن بشروطنا إحنا
1ـ لك مليون على الأعمال الخيرية .
2ـ لك مليون لأولي الأرحام .
فكر وعطني جوابك بس لا تنسى تجيبلي وصولات بكل هلله صرفتها