قصيده للشيخ والشاعر الكبير دعيج بن خليفه الدبوس

[فلاح القويماني]

بسم الله الرحمن الرحيم

السلام عليكم ورحمة الله وبركاته تقبل الله طاعتكم

ولكم هذه القصيده وهي لاحد نجباء القبيله الشيخ الشاعر المشهورالمرحوم غفر الله تعالى له هو احدشعراء الكويت المشهورين واحد شعراء قبيلة الفضول

الشيخ دعيج بن خليفه بن عبدالله بن جاسم آل دبوس الغزي الفضلي



البارحة جاني عن النوم تمليل
بين عمود الصبح و الجفن ما بات
أحييت ليلي بالسهر و الغرابيل
كلٍ رقد و أنا عيوني سهيرات
خالي يقول إ دموع عينك هماليل
يا هي قضيّه من كبار القضيّات

والمعذره اذا كان فيها نقص لان هذا حسب اطلاعي وبحثي وحفضي

اخوكم // ابوعبد العزيز

[فارس الظلام]

ابن العم والاخ الكبير / ابو عبدالعزيز

لك مني اجمل وارق تحيه على نقلك لهذه الابيات ، وهي لشخص يستحق كل تقدير واحترام من جميع ابناء القبيله .

ولك وللاعضاء القصيده كامله :-




البارحة جاني عن النوم تمليل
بين عمود الصبح و الجفن ما بات

أحييت ليلي بالسهر و الغرابيل
كلٍ رقد و أنا عيوني سهيرات

خالي يقول إ دموع عينك هماليل
يا هي قضيّه من كبار القضيّات

يهل دمعه مثل وبل المخاييل
مهّيضٍ يبكي على دورقٍ فات

أرسل علينا بالقرايا مراسيل
حقّه علينا في رجوع الرسالات

فرّيت مفتاح الحشا فرّ زنجيل
زنجيل ساعاتٍ على كل الأوقات

و رزّيت رايات الفرح للتجاويل
منهم حوالاتٍ و مني حوالات

كلام بيطارٍ بصيرٍ و حلحيل
يجيب من زين التماثيل مايات

أهلا وسهلا و مرحباً عدّ ما قيل
و إعداد من يقرا فروض الصلوات

ما نيب ناسيكم ولو طاول الطيل
إليا قريت الحمد ما أنسى التحيّات

من خاطرٍ ما فيه شكٍ بتسهيل
زودٍ على الترحيب الأول علاوات

قولٍ صحيحٍ ما يجي فيه تمييل
منظوم محكومٍ ولا فيه غلطات

من قلب قَمّاشٍِ يخصه بغربيل
وَزنّ و وزّع لين سوّاه عدلات

نقا الشريني و أربطه بالمخاميل
و اللي بقى منّه على خرجته بات

ما الوم خالي يوم مَرّ المداهيل
قام إيتلفت ما لقى كود حتحات

ما شاف فيها من الرجال المشاكيل
أهل الملازم و السلوم القديمات

لا جاك ناصيهم يريد التعاليل
يسمع دنين الماو في كل مقهاة

يا زين لجتهم حوالى المعاميل
اللي على جال المناره إمراكاة

القو دهن دقمٍ من البن و الهيل
هذي تصب و ذيك بالنار محماة

و اليوم كنه ما نزلها نوازيل
من شوف حمران النواظر خليّات

يا خال برّق في سنينٍ مقابيل
وقتٍ مضى يا خال ما فيه رجعات

إن كان تنشدني عن الجيش و الخيل
تخلا محلاتٍ و تنزل محلاّت

وإن كان تنشد عن الرجال المشاكيل
تنشد عنه هالحين و اللي بعد مات

أخبرك في جيلٍ تخلّف بعد جيل
النصر لله ميتٍ كن ما مات

جماعتك من دونهم يرجع الفيل
يرجع ذليلٍ و الليالي مدّيّات

هل القلوب اللي علينا مغاليل
بندوسهم تحت القدم بالنعالات

يا احمود وش لك في كبار الدعابيل
عبّادة الأصنام مختلفة أوقات

عزّي لحالك يا فتى الجود عزّيل
صار العوض فينا مضيعة الّسمات

هذا زمانٍ شفت فيه التهاويل
تخالط الحصني مع الذيب و الشاة

الله يسهلها على أحسن تساهيل
يا الله بحسن الخاتمة و المعافاة

ما ينفع الرجال كثر التعاذيل
في دبرة اللي فيه للعبد رادات

وصلاة ربي عد رمل الغراميل
على النبي يشفع لنا بالتحيات

تقبلوا تحياتي .

[فلاح القويماني]

شكر وتقدير لك يالقويماني


كفو والله يابناخي

وعساك على القوه

[بن غزي 2005]

مشكور يا اخي علي والف شكر للاخ اخو حوشه

بس يا الربع القصيده وعارفينها وسامعينها بس يا ليت تعلمونا مناسبة ها القصيده

ولكم خالص شكري وتقديري

اخوكم/ بن غزي2005

[عطو سداح فرصة]

الللة يرحمة يارب ويغفر لة صح لسانك يابو عبد العزيز ولا هنت
صح لسانك ياخو حوشة ولا هنت قصيدة طيبة لشاعرنا المرحـــوووم
عز اللة اني سامع عنها بس مثل ماقال اخوي ابن غزي وش مناسبتها
على العموم صح لسانكم ولا هنتو ولا هانو السامعين

[عبدالله الفضلي]

ألف شكر لك / أخي أبو عبدالعزيز
على نقلك لهذه اللوحه الفنيه الرائعه ، لشاعرها المبدع رحمه الله
والشكر الجزيل لأخو حوشه على نقلها كامله ، وياريت اذا كان له قصائد أخرى أن يتم نقلها ،
أخو حوشه بالنسبه للبيت الموجود في توقيعك ، أتمنى أن تذكر القصيده التي هو منها كامله اذا ما عليك أمر ،

[فارس الظلام]

الاخوان / بن غزي 2005 وسداح

للاسف اني مااعرف مناسبة القصيده ، بس انشاله اني بسأل وأجيب لكم الخبر .

الاخ / عبدالله الفضلي

بالنسبه للابيات اللي في التوقيع ، فا انت تأمر بس طال عمرك ، واحنا علينا الطاعه .

راح اذكرلك القصيده كامله في موضوع مستقل ، لان احتمال ذكرها اهني ، راح يبخس حق القصيده ، فا فضلت اني اذكرها في موضوع مستقل ( فرقى العشاير-عبدالرحمن العوده ال بويت الفضلي-)
تقبل تحياتي .

[الأصيل]

صح لسانك يابو عبدالعزيز
وصح لسانك يا اخو حوشه
والله يرحم قائل القصيدة
ويسلمووووووووووووو

[فرسان الفضول]

صح لسانك يابو عبدالعزيز
وصح لسانك مشكورررررررررررررر يا اخو حوشه
والله يرحم ابو خليفه