حلو هاللغز واعطيكم غيره

[فيصل]

السلام عليكم ورحمة الله وبركاته


دخلت هالقسم عشان اكتب موضوع السجن الادبي واكتشفت انكم تحبون الالغاز وتهتمون بحلها والمشاركة فيها يعني رايحين فيها اكثر مني لذلك حبيت اعطيكم لغز يمكن يكون سهل ونشوف من يحله اول

ممممممممممممممممم وربي قاعد افكر وش اكتب لكم من كثر الالغاز بمخي مسوين زحمة كل واحد يقول انا باطلع قبل

ما علينا شوفو هذا لغز صغير اعتبره تسخين لكم

اثنين اشتركو في شراء جهاز راديو قيمته خمسن ريال فدفع كل منهم خمسة وعشرون ريال دفعو المبلغ للهندي وخرجو فرحين قابلهم عند خروجهم صاحب المحل الذي سأل الهندي بكم بعت الراديو قال بخمسين ريال قال ان قيمته خمسة واربعين فقط خذ خمسة ريالات وارجعها لهما هنالك فكر الهندي (( ياريته مايفكر )) قال آخذ ثلاثة ريالات وارجع لهم ريالين بما انهما اثنين فقط وفعلا ارجع لهما ريالين هنا تبدأ الحسبة :

دفع كل منهما خمسة وعشرين ( 25 في 2 = 50 )
ارجع لكل منهما ريال اذا اصبح ما دفع كل منهما ( 25 - 1 = 24 )
يكون مجموع ما دفعا ( 24 + 24 = 48 )
وباضافة الثلاثة ريالات التي اخذهما الهندي يكون المجموع ( 48 + 3 = 51 )
المبلغ الاساسي هو خمسين ريال والمجموع الان اصبح 51 كيف ؟

سهل جدا ..... صح ؟

[سالم الصبارا]

هههههههههههههههههه

الله يعطيك العافيه على اللغز

وانا مابي احرق عليك اللغز>>>>>>>>>>> اخوك خريج محاسبه

والحل عندي طال عمرك ونبي نشوف الاخوان شلون يحلونه

عاد شدو حيلكم يا اخوان وبيضوها

تحياتي للجميع

[حاتميه]

ابو عبيد الله .. لا والله موسهل ههههه

ابشر ياخوي جاري التفكير بعمق وانشالله يفرجها الله

ومنور القسم بوجودك و وجود اخوي سالم

حياكم الله ..... والله ا يحرمنا من مشاركاتكم الحلوه

[فيصل]

الاخ سالم


يسلمووووووووووووووو كلك ذوق خلنا نشوف الناس اللي فاردين عضلاتهم حاتمية وعصابتها

[فيصل]

الاخت حاتمية

والله كنت خايف منك تدخلين اول وحدة وتحلين اللغز وتحرقينه علي بس الحمدلله قدرت اشغل مخك كم يوم

منورة بمتصفحي اختي

[اللؤلؤه الصغيره]

الصرااااااحه شفت اللغز فيه ارقام فماتعبت مخي

لأني بنت ادبي وماأحب التعقيد

يالله راح اتعب مخي في لغز غيره

مع السلاامه

[سالم الصبارا]

يااااااااااجماااااااااعه اللغز هذا ما انحل

ومحد وصل لنتيجه تحلونه ولا احله

ولا شقوووووولك اخوي فيصل نعطيهم مجال يدوخون


وفالكم التوفيق

[فيصل]

اخوي سالم

الجماعة شكلهم صرفو نظر عنه باين مالهم في الرياضيات والحسابات

ياريت تتكرم وتحله واكون لك من الشاكرين

اشكر مرورك

[سالم الصبارا]

تامر امر اخوي فيصل

اهي فيها شي يعتبر درااب عند كثيرين بس بحلها

حلها بسيط جدا كل واحد منهم دافع 25 يعني المجموع 50

وقال راعي المحل لازم ترد لهم 5 دنانير والهندي سرق 3 وردلهم دينارين يعني لازم يكون دافعين 45 وهنا تكون مربط الفرس مثل ما يقولون

اذا طرحنا طرح جزئي راح يطلع عندنا الناتج 48 (24+24 = 48 ) واذا اضفنا عليهم ال 3 دنانير او اريالات راح يكون المجموع 51

بس الحل الصحيح ان لازم ان نضيف 2 ريال على 45 وراح يطلع لنا ان المجموع 47 ومع 3 اللي عند الهندي يصير المجموع 50

وهذي الحالات تعتبر من الحالات الشاذه يعني ( 45 + 2=47 >> 47 + 3 = 50 )

اللي يتطلب فيها التسلسل الرياضي وهو تقديم عملية الجمع على الطرح او القسمه يعني قبل لا نطرح او نقسم من 50 نضيفهم على القيمه الاساسية اللي اهم 45 يعني نضيف المبلغ المسترجع على قيمة الاصول اللي اهو قيمة الجهاز مو نطرحهم من 50 لانها عمليع غير ابدالية وهذا يعتبر حل

والحل الثاني

هو ان كثير من المحاسبين والمختصين بالحسابات يقولون ان هذي العملية خاطأة ولا يمكن حلها بشكل الرياضي الصحيح

او المعتاد لا راح يكون في زياده عدديه وفي بعض المسائل يكون هناك نقص عددي

واتمنى اني قدرت اول معلومه وهذا الحل بختصار

[وردة جوري]

ماشاء الله ماشاء الله
كل هذي اجاابه لا والله مافيني افكر

جيب اساله ثقافيه او الغاز بدون ارقام مستعدين

عندي لغز يمكن تعرفونه بس طرى علي

كلمه بديتها الف ولام وتنتهي بالف ولام وفي منتصفها ركن من اركان الاسلام ماهي؟؟؟؟؟؟؟؟؟؟؟؟؟؟؟؟؟؟؟

انتظركم

بعد اذن صاحب الموضوع<<<الحين يقال مستاذنه

يسلمووو اخي فيصل على اللغز

[فيصل]

الاخ سالم

حلك ونسلسله منطقي وجيد بس المشكلة خوفت الاخت وردة بالشرح انا كان يهمني في الامر انك توضح الخدعة في السؤال اللي هي :

في حسابنا بالطريقة اللي انا ذكرتها في سؤالي اكون حسبت الثلاثة ريال اللي اخذها الهندي مرتين مرة صراحة ومرة اخرى في المبلغ الذي دفعوه لانهم في الواقع دفع كل منهم 24 ريال وهي تمثل نصف قيمة الجهاز (45/2=22.5 ريال) وايضا ريال ونصف وهي تمثل نصف ما اخذ الهندي لانه اخذ 3 ريال يعني ريال ونصف من كل شخص (22.5+1.5=24 ريال )فإذا كانت موجودة ضمنا في المبلغ المدفوع اصلا فلماذا نضيفها مرة اخرى فقولي دفعو 48 ريال وثلاثة ريالات اخذها الهندي واضافتها للمبلغ خطأ ونوع من الخدعة لم ينتبه لها احد

اتمنى الاخت وردة فهمت الموضوع بشكل اوضح

تحياتي لشخصك

[فيصل]

الاخت وردة

اشكر مداخلتك واوعدك بالغاز اخرى اذا كان لديك الاستعداد للتفاعل

أما بالنسبة لسؤالك فالحل هو :

الصومال

وكلمة اخرى اتوقع اني سأضيفها لمعلوماتك وهل الحجال وردت في الادب العربي كثيرا وهي مفرد حجل وهو ما تضعه المرأة في رجلها من زينة ويسمى ايضا خلخال

اتمنى ان اكون وفقت في الحل وبانتظار اسألة اخرى منك

[وردة جوري]

ماشاء الله عليك

3 نجمااااااااااااااات

اي انتظر الالغاز بفارغ الصبر لازم نشغل هالمخ

[ابراهيم الغنماوي]

مشالله عليك سالم

تصدق كنت افكر جذي بس كنت شاك

علعموم مشكور فيصل على اللغز

[سالم الصبارا]

اخوي فيصل

الله يعطيك الف عافيه بس على فكره الحل واحد بس كان في فرق بسيط

هو انك قسمت 45 على 2 وطرحت وانا جمعت 2 على 45 بس بالنهاية النتيجه واحده

الله يعطيك العافيه





اخوي ابراهيم

حط كل شي مكتوب قدامك

راح يطلع معاك الحل ونصيحه بالحسابات كل شي تفكر فيه اكتبه

ماراح تضيع تقبل تحياتي

[سالم الصبارا]

اختي وردة اسف على الاطاله بالاجابه

بس لاني شرحتها تفصيليا عشان كذا شوي طولت

وانشالله المره الجاية اختصرها وانشالله تفهمونها وهي مختصره


تقبلي تحياتي

[حاتميه]

مشاءلله تبارك الله

مبروك يا سالم اثرك منت سهل ..!

الف الف مبروك لازم يعطيك فيصل جائزه تستاهل على هالحل العبقري

بعدين يا فيصل حاتميه و عصابتها .. مخلين لكم فرصه يالوجيه الجديده

عشان نختبر ذكائكم ... وسالم نجح بتفوق ..

الدور عليك ..؟ رح حل لغز الوساف هذا اختبارك ...

وابأ ابللني لو نجحت ههههه

[سالم الصبارا]

الله يبارك فيج انشالله ويبجيج

حاضرين يالحاتميه

انا حاطيني السلاح السري هههههه

والامور الثانيه انتي قدها وقدود

الله يعطيكم العافية ومشالله عليكم تجبرون الواحد يشاركم

عسى ربي يحفظكم


تقبلوا تحياتي واحترامي وتقديري

[وردة جوري]

اختي وردة اسف على الاطاله بالاجابه

بس لاني شرحتها تفصيليا عشان كذا شوي طولت

وانشالله المره الجاية اختصرها وانشالله تفهمونها وهي مختصره


تقبلي تحياتي

لا ياخوي شدعووه خذ راحتك

ماشاء الله عليك

بس الي مايفهم بالشغلات يتخرع من طولهااا عادي لاتشيل هم

>>>منحرجه ماتحب الرياضيات:32_f:

[سالم الصبارا]

مشكوره اختي ورد جوري

على الرد وانشالله تصيرين تفهمين بكل شي

وتصيرين علامة المنتدى

تقبلي تحياتي واحترامي وتقديري