قصة حقيقية لشاب خليجي ترك أمه لدار العجزة

[عذب المشاعر]

قصة حقيقية لشاب خليجي ترك أمه لدار العجزة



القصة صارت على إحدى شواطئ الخليج


فيه أثنين شباب راحوا على البحر يجلسون على الشاطئ ومعاهم عشاهم .

وهم جالسين يتعشون جتهم عجوز كبيره في السن وقعدت

تلقط الأكل المنثور على الأرض وتأكل.( حليلها والله )


ولما شافوها قاموا وقالوها أنتي جوعانة؟؟



قالت أنا هنا من الصبح وما أكلت شئ


ولدي جابني من الصبح وراح وخلاني..



وقالي راح أجي آخذك بعد شوي...



المهم جابوا لها عشاء وتعشت ..


وبعد ما تأخر الوقت شالوا أغراضهم وحسوا الشباب إن الوقت متأخر


والجو بدا يبرد وما يصير يتركون العجوز على الشاطئ بروحها في الليل..



وجاء واحد من الشباب وقال لها عندج رقم ولدك نتصل عليه نخليه يجي ياخذك
قالت: العجوز إيه معي الرقم في ورقه...


ولما طلعت الورقة ...



شو تتوقعوا مكتوب فيها ؟؟؟؟؟

شوفوا بس الي ما يخاف الله شو مسوي..


مكتوب : ( من يجد هذه المرأة يأخذها لدار العجزة )



انصعقوا الشباب من المكتوب في الورقة..



ويلسوا ساعة يترجون العجوز تمشي معاهم .


ويحاولون فيها أنها تمشي أي مكان تريده هي بيودونها له.


وطبعاً أكيد العجوز رفضت أنها تروح معاهم لأن ولدها العاق وعدها


إنه يجي يأخذها وهي تستناه لما يجي...



وكانت تقول ولدي راح يجي يأخذني وأنا راح استناه..



ما تدري المسكينة إن ولدها تنكر لها ورماها في الوقت



الي هي فيه محتاجه له .

المهم يا حلوووين بعد عدة محاولات : واصرارها..


راحوا الشباب عنها واتركوها على أمل إن ولدها راح يجي



يأخذها حسب وعده لها.


وفيه واحد من الشباب قعد يتقلب في الفراش وما قدر يرقد



يفكر في مصير العجوز المسكينة وقام من فراشه وغيره ملابسه



وركب سيارته وراح للشاطئ وكانت المفاجأة لما وصل .





شاف الإسعاف والشرطة والناس مجتمعين ودخل بينهم شاف العجوز


قد فارقت الحياة ولما سألهم عن سبب وفاه العجوز



قالوا: له أرتفع معها الضغط وماتت .


ماتت من خوفها على ولدها يمكن يكون صار له شئ ...


ماتت وهي تستنا ولدها يجي يأخذها .



ماتت وهي بعيده عن أهلها .


الله يرحمها برحمته ويدخلها من أوسع أبواب جنته .



أدعوا معي آمين...


أرجو من كل من يقرأ هذه القصة يعتبر لتكون موعظة لكل عاق لوالديه


ويعرف انه كما تدين تدان ..



والي تسويه اليوم في والديك أولادك بيسوون فيك ..

تقبلوووووووووو تحياااتي