وقام الصبح متأخرا

[فيصل]

وقام الصْبح متأخر
وناظر ساعته وإلا
عقاربها ثمان إلا

وصاح بصوته العالي
يابنت اكوي لي شماغي
وجيبي ثوبي ونعالي
وسجّاده
بيصلي الفجر كالعادة !!ه

بسرعه قبل مايرفع
مديري " العلة " التوقيع
وتضيع الترقيه وآضيع

ه- يا احمد قبل ما أنسى
ترى جارك ابو ميسا

فقير ومعوز ومحتاج
يبي له مأكل ومشرب
يبي له ملبس ٍ وعلاج
عطه من هالزكاة اللي
ياروحي أنت....ه

ــ صبر يابنت

وش اللي أنت ؟؟
فلوسي كلها راحت في اسهم
سابك ونادك
وفالكهرب وفي الاسمنت !!ه

أنا ماقلت ياتغريد ..
زميلي نايف المسكين

بيتزوّج وهو " أعرج "ه
عقب يومين ! ه

أنا ماقلت ياتغريد ..
رفيقي صالح الأعور
يبي يناظر هلال العيد ه

أنا ماقلت ياتغـــ ـ ـ ـ ـ

ــ بس ه


ترى هذا الحكي مْصْيبه

ـ وش اللي صار ؟ ه

ـ حرام تجرّح صيامك
بــ هـالغيبه

خذ شماغك وخذ ثوبك
وقل لي اغسله بكره
على فكره !ه
يا أحمد ليش ماحجيت الى هالحين ؟
ترى التسويف ماينفع
الا من جاتك السكرة ه

ـ ترى مليت هالسيرة ه
انا كم قلت لك بصبر
ومكّه كلها زحمه ه
وعالم مابها رحمه
عسى في الصبر لي خيره

*** وراح أحمد وصل شغله ***

ــ هلا ياحسين .. ه
بشّرني عن احوالك

ــ بخير ٍ طاب لي فالك ..ه
أقول احمد ..ه
سمعت انك ببتتزوّج
يابو " وجهين " ه

ــ وجعّ .. اقصر .. ه
من اللي قال لك يالشين ؟ ه

ــ سمعت وبس ..ه
ولكن ماتصوّرتك ..ه
أنانيّ .. و .. بهالنيّة ه

ــ ياشيخ احسن بي ظنونك
قسم ماهيب انانية
أبد والله ..
وربي كان قصدي يوم اعدد
أتّبع سنّة
نبي الله !!ه

[حاتميه]

ههههه

الحمدلله والشكر يعني ماتبع السنه الا بهذي

الله يعطيه على نيته ...

مشكووور فيصل على الموضوع الي يبدو انه فيه من الواقع الشي الكثير

مع الاسف الشديد

تسلم ايدك والله يعطيك العافيه

[فيصل]

الاخت حاتمية

مرورك اسعدني

اشكر مرورك ومداخلتك

[الوساف]

باقة من أجمل الورود أهديها لك أخي فيصل .

[فيصل]

يكفيني عطر اشراقتك بمتصفحي

تقبل تحياتي

[بنت العقيلات]

هههههههه بس في الحقيقه والواقع هم كثير من هالنوعيه يعطيك العافيه اخوي فيصل ما قصرت

[فيصل]

بنت العقيلات

الله يعافيك

لا عدمت هذا التواجد

[بنت الطائي]

للاسف واقع الرجال كذا مو كلهم طبعن بس نسبه كبيره منهم
يعطيك العافيه فيصل

[فيصل]

الاخت شيخة الفضول

وبعض النساء ايضا لا تخلو من السلبيات

اشكر حضورك

تقبلي تحياتي

[؟؟]

جهد فواحـ بالأريجـ..

وعطاء أخضر قينانـ..

وباقة زهر مختلفـ الوانهـ حملهـ إلينا العضو المتميز

*·~-.¸¸,.-~*..*فيصل*..*·~-.¸¸,.-~*

كلماتـ جميلهـ..

نبعتـ منـ قلبـ صادقـ..

لتخطها لنا أناملكـ الذهبيهـ بكلـ ..

رووووووووووووووووووووعهـ..

وتسطرها بما هوا مفيد..

وتزخرفها بالكاديـ والياسمينـ

ودقـــــــــــــــــــهـ..

وإتقـــــــــــــانـ..

لتصلـ الى قلوبنا بكلـ مافيها منـ إبداااااااااعـ الكلمهـ..

*&^ تــمـــيز ^&*

*&^ تألــــــق ^&*

سلمتـ يمينكـ يامــتــــــألــــــقـ..

وأنتظر جديدكـ بكلـ شووووووووووقـ..

تقبلـ أعطر تحيهـ:

[فيصل]

الاخ مبارك

اسعدني تواجدك

تقبل خالص شكري