ياعساك وياعساني وياعسانا وياعسى الله ....؟ ولايفتح الله

[مطيري وربي الله]

والله انه راح مني نصف عمري في غيـــابك
واعرف اني شلت همي تاركن حبي على الله

كني ابعد من نجوم الليل واقرب من ثيـــــابك
ياعساك وياعساني وياعسانا وياعــسى الله

ياعسى الدنيا تموت ومايعيـــش الا تــــرابك
يااحـــبك واعشقك واهــــــواك ولا يفتح الله

ماتعودت افتخر باحــساسي الاتحــت بــابــك
ايه احبك والقضيه واضحه والشــــــاهد الله

يطرد المظلوم خصمه وانت خصمي ياهلابك
ياهلابك يوم تجرح خافقي ويسامــــــــح الله

ياهلابك يوم تلحق غيمتي والحق ســــرابك
جابك الله في حيــاتي يــاحياتي جـــــابك الله

ليش مدري وين مدري كيف مدري بس جابك
كـــل مــاقـلت ابتدينا في المــحبه قلت يــاالله

مـــــادريت ان النهــايه بين بــعدك واقترابك
احسب اني كل شي في عيونك يعـــــــلم الله

واثر عينك مســـتعفه مـاتحب الا حجــــــابك
إنظلمت ولاشـــــــكيت ولا..تركت الامــر لله

كــان همي انتظر بـاقي عــذابك في عــذابك
الله الله انتبـــه واحـــــــذر وفــــكر والله الله

مثل مااحسب حسابي في هواك احسب حسابك
مـاطلــبت الــمــستــحيـل ولارجيتــك شــي لله

ماطلبتك ارتفع من حجرتي واسكن ســـحابك
يصرخ القـــلب المــعذب يالمــعذب وكــل الله

شاب حبك في عيوني وانت توك في شبابـك
رحت شي وجيت شي مختلف ياحـــسبك الله

تصدق اني مابغيت اجلس مع حضرة جنابك
غيرك ذاك الزمــان ويـا زمــانـي مــنك لله

ليش ماغيرت فيني شي يوم اني اهـــابــك
ليش ماعلمتهم عن قصتي وتوحـــــــد الله

يعرفون انك سؤال ويعرفون اني جــوابك
ويعرفون اني حلفت ولا اعرف اغلى من الله

والله انه راح مني نصف عمري في غيابك
اعرف انك ماتصدق بس والله فــوق والله

[حاتميه]

يطرد المظلوم خصمه وانت خصمي ياهلابك ,,, ياهلابك يوم تجرح خافقي ويسامــــــــح الله

كذا الحبايب دوم يسامحون والمسامح كريم

قصيده روووعه كعادت قصائدك الغنيه بالجمال ..

مطيري

اشبعتنا قصائد الليله ولولا شاعريتها و عذوبتها لعاتبتك

اخي اسمحلي ارى بك موهبه شعريه مذهله قلما نجدها بشاعر متمكن

هذا ما يدعوني اسالك الم يطري عليك ان تسجل باحد المسابقات الشعريه المعروفه

ياليت اخي .. فشعرك اخاذ جميل ممتع لا يشبهه احد

وهنا اسجل اعجابي الشديد بقريحتك الشعريه

صح لسانك و لا هـــان شانكـ

يالنشمــــــي

[شامخه بنفسي وهامتي فوق]

قصيده راائعه،،صح لساانك،

[سالم الصبارا]

صح لسانك ولا هنت

قصيده جزله ورائعه

الله يعطيك الف عافيه

تقبل مرور واحترامي وتقديري