المساعد الشخصي الرقمي

مشاهدة النسخة كاملة : موقف طريف لمعرس اول ليلة زواجه ((ليلة الدخله))

عبدالمجيد الدعفس
20-07-2007, 06:59
موقف طريف لمعرس اول ليلة زواجه ... (( ههههههههه ))
-----------------------------------------

---------------------------------------------

السلام عليكم ورحمة الله وبركاته

وش يسوي المعرس اول مايدخل على زوجته + موقف مضحك


والاجمل يوم تصير البسمة مقرونة بفايدة ..
ما أطول عليكم !!

اول حاجة ابعطيكم درس مجاني "" للعزابية والخاطبين ""

درس في ايش تسوي اول ما تدخل على زوجتك ..

كثير من الشباب ما يدرون انه فيه سنن تستحب في تلك الليلة بعضها عن النبي

اللهم صل وسلم عليه وبعضها عن سلفنا الصالح ..

السنن ثلاث ..
1- السلام

2 - صلاة ركعتين ..

3 - وضع اليد على ناصية الزوجة " جبهتها " وقول الدعاء المعروف
[ اللهم اني اسألك خيرها وخير ما جُبلت عليه واعوذ بك من شرها وشر ما جُبلت عليه]

بس تقوله بصوت منخفض مو تصرخ في وجه البنية تخرعها

هالامور يتساهل فيها بعضنا وما يدرون انها سر من اسرار التوفيق في الحياة الزوجية ..


ونصيحة خلك طبيعي ولا تتحمس زيادة وانت تطبقها عشان ما يصير لك زي ما صارلصاحبنا هذا

تبي تعرف وش صار له ؟؟
ابشر ..




هذا واحد ليلة زواجه دخل على زوجته متحمس يبي يطبق السنة ..

دخل وسلم عالبنت

البنت مستحية ومنزله راسها ما ردت !!

سلام عليكم !!

ما ردت ؟؟

سلام !!

ما ردت ؟؟

قال في نفسه : اطبق السنة الثانية !!

راح لزاوية في الغرفة وكبّر !!

الله اكبر ..

ضحكت البنت ضحكة خفيفة !!

هو سمع الضحكة .. الرجال ما كذّب خبر .. على طول قطع صلاته وجاها ..

سلام عليكم !!

نزلت راسها البنت ؟؟

ردي يا عمري

سلام عليكم ..

ما ردت !!

قال في نفسه : اروح اصلي وارجع اوريها

راح لنفس الزاوية وكبّر !!

الله اكبر ..

ضحكت البنت مرة ثانية !!

قطع صلاته وجاها وهو معصب "" حمقان ""

يا بنت اشفيك انتي ؟؟

تتمسخري فيني ؟؟

تستهزي ؟؟

ماني عاجبك ؟؟

اذا ما تبغيني قولي

ارجعك لاهلك الحين !!


رفعت البنت راسها وقالت بكل هدوء ..

يا حبيبي ..

انا راضية فيك كزوج ..

لكن الله يحييك ..

تراك مضيع .. القبلة من هنا ماهي من هناك


هههههههههههههههههههههه
هههههههههههههههه
هههههههههه

مــــنـقول
فارس الفضول
20-07-2007, 07:09
ما ينلام الرجال من الفرحه الكبيره .. راح يضيع كل شيء .. بس ما اتقد ان في اثنين في هذا الايام ما يكون في تفاهم مسبق في الخطوبه .. وعقبال كل عزابي .. يصبه ما صاب الرجال .. الا انا هههههههههههههه:21_f:
مشكور على هذا النقل .. ودمتم بخير .
بنت العقيلات
21-07-2007, 01:51
يعطيك العافيه اخوي ابو احمد أكيد ماراح ينسوا هالموقف
عبدالمجيد الدعفس
21-07-2007, 04:36
أشكر لك مرورك يابنت العقبلات ,,
نورت الصفحه ,,
حاتميه
21-07-2007, 04:46
موقف طريف فعلا

ضحكني بس زين ردت زوجته وقالت له لا يعصب عليها

ومواقف الخطوبه والزواج من هذا النوع كثيره

تكون محرجه بوقتها لكن تصبح مواقف طريفه بعدين

الله يعطيك العافيه بواحمد وسعت صدري بهالموقف الظريف
عبدالمجيد الدعفس
21-07-2007, 05:39
شاكرلك مرورك ,, ومثل ماذكرتي المواقف اللي من هالنوع كثيرة ,,وطريفه ,,
نورتي الصفحه ,,’
طــربـــان
21-07-2007, 06:21
هههههههههههههههههههه

مشكور يابو احمد على القصه الطريفه

ولاهنــــــــــــــت ...
عبدالمجيد الدعفس
22-07-2007, 04:39
7]فارس الفضول
ألف ألف شكر على المرور
و التعليق الحلووووووو[/grade]
عبدالمجيد الدعفس
22-07-2007, 04:41
طربان
شكرن على المرور
نورت الصفحه
صالح الدعفس
27-07-2007, 03:30
والله ما الومة يابو احمد مرتبك وخايف الله يستر علينا وش نبي نسوي ليلة الدخلة

شكلة حطمت رجل بس ما هي سالفة هههههههههه


يعطيك العافية ياجدي ودمت لنا ...................
عبدالمجيد الدعفس
27-07-2007, 03:12
تسلم ياصالح الدعفس ..
على المرور وعلى التعليق الجميل ,,
بنت أبوها
29-07-2007, 12:53
السلام عليكم

موقف فعلا طريف لكن مرة حلو وبداية بينهم للضحك

شكرا أخوي على الموضوع وعقبالك إن شاء الله
عبدالمجيد الدعفس
29-07-2007, 06:08
موقف فعلا طريف لكن مرة حلو وبداية بينهم للضحك

شكرا أخوي على الموضوع وعقبالك إن شاء الله
الله يسمع منك ,,
أشكرك على المرور,,
نورت الصفحه ,,
؟؟
29-07-2007, 11:51
ههههههههههههههههههههه


مسكين الرجال

ضاعت اعلومه


والله من جد موقف يضحك


مسكين طاح وجهه



تسلم يدينك

يالغلا

الله لا يحرمني منك
عبدالمجيد الدعفس
30-07-2007, 07:44
أشكرك على المرور والتعليق ,,
نورت الصفحه .. يالغالي ,,
لاعدمناك ,,